Pistlar formanns

Vanvirt vinnuframlag

Fri, 2 Jul 2010 12:17:00 +0000

Næsta útrás sem vofir yfir gæti vel verið á formi þekkingar og mannauðs – tapinu af þeirri útrás munum við hins vegar ekki deila með öðrum þjóðum.

Sérfræðiþekking í uppmælingu – launakerfi á villigötum

Thu, 24 Jun 2010 11:26:00 +0000

...það þarf að hlusta á háskólamenn og ræða launakjör þeirra á málefnalegum forsendum, í stað þess að yfirfæra sífellt samningaumhverfi ASÍ á vinnumarkað sem á ekkert skylt við uppmælingu

Opinberir starfsmenn - nauðsyn eða plága?

Fri, 19 Mar 2010 18:47:00 +0000

Krafa um almannaþjónustu hefur síst minnkað frá hruni, enda forsendur flestra verið að standa skuli vörð um menntun barna, heilbrigðisþjónustu og félagsþjónustu. Krafa um minni kostnað í opinberum rekstri án óska um minnkaða þjónustu er því ekkert annað en krafa um aukið álag á starfsmenn, samfara lækkandi launum fyrir vinnuframlagið.

Lífeyrissjóðir og opinber framkvæmd

Thu, 17 Dec 2009 12:31:00 +0000

...það er ekki hlutverk stjórna lífeyrissjóða að taka ákvarðanir um það hvaða fyrirtæki skuli lifa af á Íslandi, þ.e. hvert peningar úr fjárfestingarsjóði renni. Ábyrgð lífeyrissjóðanna gagnvart sínum umbjóðendum er þar einungis sú, að gera kröfu um að fjárfesting skili arði...

Fæðingarorlof úti í mýri?

Wed, 2 Dec 2009 22:00:44 +0000

Ef það væri ekki svona sorglegt, væri í raun fyndið að ríkisstjórn, sem takast þarf á við 20% niðurskurð í opinberum rekstri og hagræða um leið risavöxtum skuldaböggum á herðum þjóðarinnar án þess að fella hana um koll, skuli hafa sett sér að höfuðmarkmiði að skapa hér norrænt velferðarsamfélag.

Launajafnrétti af tilviljun?

Wed, 18 Nov 2009 11:40:09 +0000

Umbrotatímar eru mótunartímar og þeim fylgja bæði tækifæri og ógnir. Í yfirstandandi umbrotum á sér stað þróun hvort sem hún endurspeglar stefnu eða er tilviljunum háð. Yfirmarkmið aðgerða hins opinbera er að standa vörð um ákveðna þjóðfélagshópa sem standa illa að vígi í efnahagsþrengingum. Hið óheppilega er að á sama tíma þarf ríkið ekki aðeins að sýna aðhald, heldur beinlínis draga úr útgjöldum.

Góð ábending frá sjómönnum

Thu, 12 Nov 2009 10:17:45 +0000

Samkvæmt nýjustu fréttum er “fráleitt að skerða sjómannaafslátt þar sem hann er hluti af launum sjómanna” (http://ruv.is/heim/frettir/frett/store64/item311214/).

Þetta er laukrétt ábending hjá talsmanni sjómanna.

Hún hittir hins vegar ekki allskostar í mark hjá mér sem talsmanni Bandalags háskólamanna á tímum þar sem einmitt er verið að afnema hluta launa minna félagsmanna vítt og breitt. Og engar líkur á að því linni.

Háskólamenntaðir – óvarinn hópur í niðurskurði

Mon, 12 Oct 2009 09:45:49 +0000

Háskólamenntaðir launamenn standa nú frammi fyrir umtalsverðri kjaraskerðingu í tengslum við niðurskurð í opinberum rekstri.

Við undirritun stöðugleikasáttmála síðastliðið sumar lögðu fulltrúar launamanna ríka áherslu á að sá gjörningur gæfi innsýn í komandi tíð. Framlag launamanna til stöðugleikasáttmála var að bíða með kjaraleiðréttingar á meðan óvissuástand ríkti í fjármálum landsins. Slík viljayfirlýsing var háð því af hálfu Bandalags háskólamanna (BHM) að stöðugleiki í öðrum kjörum félagsmanna væri sýnilegur og yrði að veruleika. Þar má nefna gjöld og skatta, kostnað við rekstur heimilis og greiðslubyrði lána, en ekki síst atvinnuöryggi opinberra starfsmanna.

Niðurskurður og þjónusta hins opinbera

Tue, 29 Sep 2009 09:56:11 +0000

Það dylst eflaust fáum að veturinn sem í hönd fer verður harður í efnahagslegu tilliti og að mörgu leyti prófsteinn. Nú mun koma í ljós hvernig heimilunum reiðir af, hvernig fyrirtæki þreyja þorrann og hvernig ríkisstjórnin sem heitið hefur hvorum tveggja aðstoð verður dæmd fyrir sitt framlag. Flest höfum við smám saman þurft að hrista afneitunina af okkur hægt og bítandi og horfast í augu við komandi harðindi. Margir hafa horft á eftir eignum, kjörum eða starfi og enn fleiri búa við óvissu um einhvern eða alla þessa þætti.

Kyrr kjör?

Wed, 27 May 2009 16:52:34 +0000

Nú fer að síga á seinni helming þess árs sem er að líða frá því efnahagur Íslands lagðist á hliðina.

Allan þennan tíma hafa þrjár ríkisstjórnir og menn á þeirra vegum legið yfir reiknistokkum og módelum með eftirfarandi niðurstöðu: „vandinn er stór“.

Um stéttarfélög, hagræðingu og fóðrun bákna

Fri, 15 May 2009 09:48:42 +0000

Pistillinn er að þessu sinni ritaður í tilefni af umræðu um stéttarfélög, bandalög þeirra, uppruna, tilgang og félagsmenn í leiðara Morgunblaðsins þann 14. maí 2009:

Bandalag er samstarfsvettvangur þeirra stéttarfélaga sem það mynda, bandalagið er félögin og félögin eru bandalagið.

Félögin eru að sama skapi fólkið sem þau myndar. Félag hefur ekki sjálfstæðan tilverurétt umfram það umboð sem félagsmenn veita því.

Örk

Wed, 11 Feb 2009 13:15:50 +0000

Nú er hafinn á Íslandi nýr tími, sem lofað var fyrir löngu. „Minn tími mun koma“ var sagt - og þegar hann kom var hann skýrt afmarkaður. Áttatíu dagar, plús mínus eitthvað smáræði.

Mér þætti við hæfi að kalla þetta tímabil örk. Tíminn er jú örknappur, konan sem stýrir honum heitir Jóhanna og hún hefur heitið því að stjórnvöld undir hennar forystu muni snúa við blaði.

Þá gætum við í ár í staðinn fyrir að þreyja þorrann, arkað örkina.

Kjarasamningar?

Wed, 21 Jan 2009 11:56:00 +0000

Í áætlun ríkisstjórnarinnar um efnahagsstöðugleika, vegna fjárhagslegrar fyrirgreiðslu hjá Alþjóðagjaldeyrissjóðnum, segir orðrétt (liður 23):

“Mikilvægt er að ná þjóðarsátt sem er samrýmanleg við þjóðhagsleg áform þessarar

áætlunar. Sagan sýnir að stefnan í kjaramálum hér á landi hefur verið mjög skilvirk.

Fyrri kjarasamningar hafa stutt þjóðhagslega aðlögun þegar þess hefur verið þörf. Aðilar

vinnumarkaðarins hafa viðurkennt nauðsyn þess að gera kjarasamninga sem samrýmast

þeirri alvarlegu stöðu sem nú er uppi.”

Það er á grundvelli þessarar málsgreinar sem aðilar vinnumarkaðar hafa að undanförnu sest niður við eitt borð til að ræða heildarsýn í kjaramálum næstu ára.

Að vera Íslendingur

Tue, 18 Nov 2008 00:00:00 +0000

Undanfarnar vikur og mánuði hefur margt gengið úr skorðum á landi ísa. Segja má að nálin í áttavita þjóðarinnar hafi farið á snúning og að norðrið sé enn ekki fundið.

Innihald eða fyrirsagnir?

Tue, 4 Nov 2008 00:00:00 +0000

Það virðist vera erfitt að vera fjölmiðill í dag. Auglýsingamarkaðir hrynja, hlutleysi er véfengt, samkeppnisstaða undarleg og hálfgerð gúrkutíð ríkir vegna upplýsingaskorts um þau atriði sem brenna á almenningi.

Fréttir ættu að vera nægar en enginn segir neitt.

Gagnrýnin hugsun

Wed, 22 Oct 2008 00:00:00 +0000

Einhvern tímann var mér sagt að gagnrýnin hugsun væri forsenda árangurs í námi, leik og starfi.

Nýja Ísland - framtíð eða fortíð?

Tue, 21 Oct 2008 00:00:00 +0000

Við Íslandi blasir mikill vandi, sem enn er þó ekki að fullu ljós.

Útlínur váboðans eru teknar að skýrast, en á óvissutímum hefur umræðan einkennst af líkingamáli og upphrópunum.

Rætt hefur verið um holskeflur, flóðbylgjur, vélarvana fley í ólgusjó, strandhögg, víg og skjaldborgir.

Misskilji mig nú enginn á þann veg að ég geri lítið úr hvorki vandanum sjálfum né hlutverki Bandalags háskólamanna og aðildarfélaga þess við að mæta honum. Við tökum þátt í því starfi af einhug, með hag okkar fólks og landsmanna allra að leiðarljósi.

Glíman við Georg

Mon, 22 Sep 2008 14:34:00 +0000

"Ég er með fimm háskólagráður!", þrumar Georg Bjarnfreðarson og sýnir viðmælanda sínum fimm útrétta fingur.
Með þessu þykist hann geta sannað yfirburði sína og eytt hvers kyns andstöðu við eigin skoðanir. Að hans mati eru fimm háskólagráður besta trompið sem hægt er að hafa á hendi. Reyndar lætur hann stundum nægja að lyfta hendinni ef honum finnst að sér vegið, fimman fer ósjálfrátt á loft og minnir þá þetta tákn hans um eigin yfirburði óneitanlega á hernaðartáknmál, já eða bara stopp-merki.

Ef þú værir einstaklingur...

Fri, 12 Sep 2008 15:36:39 +0000

...sem hefðir valið þér krefjandi starf hjá krefjandi vinnuveitanda

...í fagi sem byggist á tvöföldu grunnnámi með tvöföldu starfsleyfi

...sem þú hefðir varið sex árum í að klára og síðan hafið störf

...hjá þeim eina vinnuveitanda sem um er að ræða fyrir fólk í þínu fagi

Endurnýjanleg orkulind óskast virkjuð sem fyrst.

Mon, 8 Sep 2008 14:15:13 +0000

Einu sinni sem oftar eru veður válynd og blikur á lofti. Efnahagur landsins er í uppnámi, krónan flýtur (sumir segja að feigðarósi) og verðbólga festir rætur.

Lausna er krafist og boð taka að berast um stóriðjuframkvæmdir. Það sem á einum tíma var talið hvetja til þenslu skal nú notað til að kveða hana niður.

Stund milli funda

Fri, 29 Aug 2008 10:56:08 +0000

Þótt almanakið segi okkur að enn sé sumar, er haustið komið á fulla ferð hjá Bandalagi hákskólamanna og aðildarfélögum.

Veturinn sem nú fer í hönd verður samningavetur og líklegt að veruleiki allra þeirra sem sinna trúnaðarstörfum fyrir félög sín muni bera keim af því.

Heilbrigðisþjónustu haldið uppi á yfirvinnu?

Wed, 9 Jul 2008 09:51:05 +0000

Okkur Íslendingum hefur löngum verið innrætt að hér sé heilbrigðisþjónusta með miklum ágætum. Markmið stjórnvalda eru háleit, sem sést meðal annars á því að þegar til stendur að reisa sjúkrahús er það kennt við hátækni. Okkur dugar ekki venjuleg tækni, ekki hefðbundinn gæðastaðall, við viljum aðeins það besta. Enda um að ræða æðstu heilbrigðisstofnun landsins, rekna af íslenska ríkinu.

Neyðin kennir naktri konu að spinna

Tue, 24 Jun 2008 15:08:42 +0000

Það hefur lengi verið ljóst að flugsamgöngur eru óskilvirkar hvað eldsneytisnotkun varðar. Vitað var að hálftómar flugvélar væru umhverfisvá. Er það þá ekki áhugavert að nú standi til að samræma og einfalda flugsamgöngur yfir Evrópu, til að draga úr fjárhagsvanda flugfélaga? Þurfti virkilega ekkert að hreinsa þar til fyrr en beinharðir peningar voru komnir í spilið?

Samninga-hæka

Mon, 16 Jun 2008 10:17:00 +0000

Menntun, forsenda

framfara og þróunar,

skal virt til launa.

Háskólamanna-

bandalag getur ekki

samþykkt neitt annað

Fróðleik um japanska "haiku" ljóðaformið má nálgast hér.

Fluga á vegg

Tue, 10 Jun 2008 17:44:25 +0000

Hugsum okkur flugu á vegg á vettvangi kjaraviðræðna milli háskólamanna og ríkisins. Gefum okkur að hún hafi þekkingu á forsögu kjaramála háskólamanna, innsýn í baráttu þeirra fyrir viðunandi kjörum og viti þannig að öll þau kjör sem háskólamenn búa við, há eða lág, góð eða slæm, næg eða óviðunandi, eru afrakstur samfelldrar baráttu í sókn og vörn.

Hvers vegna ekki krónutöluhækkun í samningum háskólamanna?

Mon, 2 Jun 2008 11:37:15 +0000

Hækkun launa um fasta krónutölu hefur tvenns konar áhrif á launaröðun. Annars vegar beinir hún hlutfallslega meiri hækkunum í neðri rimar launataflna og skekkir hins vegar innbyrðis afstöðu milli launaflokka.

Menntun skal meta að verðleikum til launa

Tue, 27 May 2008 07:56:36 +0000