Beint í leiðarkerfi vefsins.
Efst á baugi
Sumaropnun á skrifstofu FÍN
Félag íslenskra náttúrufræðinga mun ekki loka skrifstofum sínum í sumar heldur munu formaður og framkvæmdastjóri skiptast á með viðveru á skrifstofu FÍN. Óhjákvæmilega getum við þurft að sinna erindum á opnunartíma og því biðjum við félagsmenn okkar að hafa samband við skrifstofuna og þannig ganga úr skugga um að einhver sé á staðnum, en skrifstofan er opin frá 9-12 og 13-16. Símsvörun er frá 8:00 - 18:00, ef annað hvort okkar er ekki við þá vinsamlegast skiljið eftir skilaboð og við hringjum eins fljótt og kostur er.
Aðalfundur BHM er í dag, 29. apríl
Tilkynningar
Laust sumarhús í Miðhúsum við Egilsstaði yfir verslunarmannahelgina
Athygli er vakin á því að það var að losna sumarhús að Miðhúsum við Egilsstaði á morgun 30.júlí-6.ágúst.
Bókanir fara fram á Bókunarvefnum https://secure.bhm.is/orlofsvefur/, þar þarf að skrá sig inn með því að fylla á í viðeigandi reiti.
Fréttir af BHM
Álag á vinnustað eykst - laun lækka eða standa í stað
Kaupmáttarrýrnun er því afgerandi hjá þessum hópi, sem ekki er hægt að una við til lengri tíma litið. Það hlýtur að hafa veruleg áhrif í undirbúningi kjarasamningsviðræðna sem framundan eru síðar á þessu ári.
Lesa meiraBHM krefst kjaraleiðréttingar
BHM er reiðubúið til samráðs og samvinnu um leiðir til að takast á við efnahagsvanda þjóðarinnar.
Bandalagið minnir á að laun flestra háskólamanna hafa verið fryst, ef ekki lækkuð, frá því um mitt ár 2008.
Bandalagið mun því aðeins taka þátt í heildarsátt um kjaramál á íslenskum vinnumarkaði að kjarasamningar verði gerðir við aðildarfélög BHM og að í kjarasamningaviðræðum verði tekið tillit til eftirfarandi þátta:
- Leiðrétt verði kaupmáttarskerðing félagsmanna frá miðju ári 2008.
- Markvisst verði unnið að því að háskólamenntun sé metin til launa.
- Lokið verði við óuppfyllt ákvæði frá fyrri samningum, svo sem um nýtt fyrirkomulag sí- og endurmenntunar.
- Tekið verði tillit til námslána við umfjöllun um skuldabyrði heimilanna í landinu.
- Lög um réttindi og skyldur opinberra starfsmanna verði endurskoðuð. Almennt ákvæði um yfirvinnuskyldu verði fellt út og einnig verði ákvæði um skyldu til að hlíta breytingum á starfi fellt út eða því breytt þannig að ákvæðum ráðningarsamninga verði ekki breytt einhliða.
- Vinnulöggjöf verði breytt þannig að nýr kjarasamningur gildi frá þeim degi þegar sá sem fyrir er fellur úr gildi.
- Staðið verði við fyrirheit um starfsendurhæfingarsjóð.
- Uppsagnarfrestur starfsmanna 55 ára og eldri verði lengdur.
BHM hafnar launafrystingu - ríkið virði samningsrétt
Vegna umræðu um launafrystingu til eins árs eða jafnvel lengur, skal enn fremur minnt á að kjarasamningar félagsmanna BHM hjá hinu opinbera hafa verið lausir í rúmt ár og væri stjórnvöldum nær að blása lífi í viðræður um þá samninga en að leggja til áframhaldandi kjaraskerðingar.
BHM gaf stjórnvöldum með aðild sinni að stöðugleikasáttmála tóm til að hefja endurskipulagningu opinbera kerfisins og endurreisn atvinnulífsins. Það tóm hefur ekki verið nýtt. Framlag BHM á þeim tíma var m.a. að slá launakröfum á frest, en svar stjórnvalda hefur falist í beinum launalækkunum og hækkunum gjalda til þessa hóps.
Miðstjórn BHM hefur þegar ályktað gegn aðild að framlengdum sáttmála um láglaunastefnu.
BHM andmælir kröftuglega allri frekari umræðu um kjarajöfnun á kostnað háskólamenntaðra og minnir á þær skerðingar kjara sem þegar hafa dunið á félagsmönnum bandalagsins.
BHM mótmælir því einnig að fjallað sé um laun fyrir sérfræðiþjónustu af því tagi sem háskólamenntaðir launamenn veita eins og um félagslegar bætur væri að ræða.
