Trúnaðarmenn FÍN

Trúnaðarmenn FÍN starfa á vinnustöðum. Þeir gæta hagsmuna félagsins gagnvart vinnuveitendum á hverjum stað. Mikilvægasta hlutverk þeirra er samt að gæta hagsmuna félagsmanna í FÍN á hverjum vinnustað. Trúnaðarmenn sinna upplýsingaskyldu gagnvart félagsmönnum í málum sem snerta FÍN, og hafa oft með höndum önnur störf á vegum félagsins. Trúnaðarmenn eiga að hafa staðgóða þekkingu á félagsmálum síns vinnustaðar, og eins á kjarasamningum og réttindamálum hvers tíma. Starfsmenn eiga því að geta leitað til sinna trúnaðarmanna með slík mál. Litlir vinnustaðir á sama svæði hafa yfirleitt sameiginlega trúnaðarmenn.