Guðlaug Kristjánsdóttir, formaður BHM
Guðlaug Kristjánsdóttir var kjörin formaður Bandalags háskólamanna á aðalfundi í maí 2008. Hún starfaði áður, frá 2006, sem fageiningarstjóri á heila-, tauga- og æðaskurðdeild Landsspítala Háskólasjúkrahúss (LSH).
Guðlaug lauk BS-prófi í sjúkraþjálfun frá Háskóla Íslands árið 1998 og prófi frá Leiðsöguskóla Íslands 1994. Hún hefur sótt mörg námskeið og ráðstefnur tengdar fagi sínu.
Guðlaug hefur gegnt fjölmörgum félags- og trúnaðarstörfum. Hún á sæti í samstarfsnefnd við gerð stofnanasamnings á LSH fyrir hönd Stéttarfélags sjúkraþjálfara, SSÞ. Frá árinu 2005 hefur hún verið fulltrúi SSÞ í miðstjórn BHM og frá árinu 2005 hefur hún gegnt formennsku í stjórn og samninganefnd (síðar kjaranefnd) Stéttarfélags sjúkraþjálfara.
Guðlaug er 35 ára gömul, gift Kristni Magnússyni, sjúkraþjálfara og eiga þau þrjá syni.
