BHM efast um að aðgerðir stjórnvalda séu í samræmi við gildandi réttarreglur
BHM mótmælir því harðlega að stjórnvöld geri kröfur til aðgerða hjá stofnunum og fyrirtækjum sem í einstökum tilvikum er ekki unnt að mæta án þess að brjóta annað hvort kjarasamninga eða lög.
BHM lýsir áhyggjum af vinnubrögðum sem vart hefur orðið við meðal forstöðumanna stofnana og fyrirtækja ríkisins, þar sem lagt er að starfsmönnum að samþykkja kjaraskerðingar og falla frá lögbundnum og samningsbundnum réttindum sem verið hafa í gildi á íslenskum vinnumarkaði um áratuga skeið undir því yfirskini að slíkt forði þyngri aðgerðum. Það er óviðunandi að ástand á vinnumarkaði sé misnotað til að þvinga starfsmenn til að afsala sér samningsbundnum rétti.
Stjórn BHM hefur sent forstöðumönnum stofnana og fyrirtækja ríkisins bréf þessa efnis og hvetur til þess að allar áætlanir um kjaraskerðandi aðgerðir verði endurskoðaðar.
Nánari upplýsingar veita:
Guðlaug Kristjánsdóttir, Formaður BHM
s. 899 2873
Stefán Aðalsteinsson, framkvæmdastjóri BHM
s. 821 9310
