Fréttir
Lífeyrissjóður starfsmanna ríkisins láni ekki til fyrirtækja með lélegt lánshæfismat
Miðstjórn BHM ályktar um fjárfestingar lífeyrissjóða
Miðstjórn Bandalags háskólamanna beinir því að gefnu tilefni til Lífeyrissjóðs starfsmanna ríkisins að sjóðurinn gæti varúðar í fjárfestingum og láni ekki til fyrirtækja með lélegt lánshæfismat.
Sjóðurinn varð líkt og aðrir lífeyrissjóðir fyrir miklu tjóni við fall íslenska bankakerfisins og er það víti til varnaðar. Mikilvægt er að sjóðurinn setji sér skýrar vinnureglur við fjárfestingu þar sem byggt sé á öryggi fjárfestinga, ávöxtun, jafnréttissjónarmiðum og samfélagslegu mikilvægi.
