Fréttir

Álag á vinnustað eykst - laun lækka eða standa í stað

Thu, 24 Jun 2010 15:25:00 +0000

Um leið og álag á vinnustað hefur aukist ár frá ári, hafa heildartekjur ríflega 70% svarenda í kjarakönnun BHM lækkað eða staðið í stað frá síðasta ári.

Kaupmáttarrýrnun er því afgerandi hjá þessum hópi, sem ekki er hægt að una við til lengri tíma litið. Það hlýtur að hafa veruleg áhrif í undirbúningi kjarasamningsviðræðna sem framundan eru síðar á þessu ári.

BHM krefst kjaraleiðréttingar

Thu, 24 Jun 2010 08:17:00 +0000

BHM er reiðubúið til samráðs og samvinnu um leiðir til að takast á við efnahagsvanda þjóðarinnar.

Bandalagið minnir á að laun flestra háskólamanna hafa verið fryst, ef ekki lækkuð, frá því um mitt ár 2008.

Bandalagið mun því aðeins taka þátt í heildarsátt um kjaramál á íslenskum vinnumarkaði að kjarasamningar verði gerðir við aðildarfélög BHM og að í kjarasamningaviðræðum verði tekið tillit til eftirfarandi þátta:

Leiðrétt verði kaupmáttarskerðing félagsmanna frá miðju ári 2008.
Markvisst verði unnið að því að háskólamenntun sé metin til launa.
Lokið verði við óuppfyllt ákvæði frá fyrri samningum, svo sem um nýtt fyrirkomulag sí- og endurmenntunar.
Tekið verði tillit til námslána við umfjöllun um skuldabyrði heimilanna í landinu.
Lög um réttindi og skyldur opinberra starfsmanna verði endurskoðuð. Almennt ákvæði um yfirvinnuskyldu verði fellt út og einnig verði ákvæði um skyldu til að hlíta breytingum á starfi fellt út eða því breytt þannig að ákvæðum ráðningarsamninga verði ekki breytt einhliða.
Vinnulöggjöf verði breytt þannig að nýr kjarasamningur gildi frá þeim degi þegar sá sem fyrir er fellur úr gildi.
Staðið verði við fyrirheit um starfsendurhæfingarsjóð.
Uppsagnarfrestur starfsmanna 55 ára og eldri verði lengdur.

BHM hafnar launafrystingu - ríkið virði samningsrétt

Fri, 11 Jun 2010 00:00:00 +0000

BHM minnir stjórnvöld að gefnu tilefni á að samningsréttur um kjör launamanna er í höndum stéttarfélaga. Laun háskólamenntaðra ríkisstarfsmanna verða því ekki ákveðin með öðrum hætti en kjarasamningsviðræðum við hlutaðeigandi stéttarfélög.

Vegna umræðu um launafrystingu til eins árs eða jafnvel lengur, skal enn fremur minnt á að kjarasamningar félagsmanna BHM hjá hinu opinbera hafa verið lausir í rúmt ár og væri stjórnvöldum nær að blása lífi í viðræður um þá samninga en að leggja til áframhaldandi kjaraskerðingar.

BHM gaf stjórnvöldum með aðild sinni að stöðugleikasáttmála tóm til að hefja endurskipulagningu opinbera kerfisins og endurreisn atvinnulífsins. Það tóm hefur ekki verið nýtt. Framlag BHM á þeim tíma var m.a. að slá launakröfum á frest, en svar stjórnvalda hefur falist í beinum launalækkunum og hækkunum gjalda til þessa hóps.

Miðstjórn BHM hefur þegar ályktað gegn aðild að framlengdum sáttmála um láglaunastefnu.

BHM andmælir kröftuglega allri frekari umræðu um kjarajöfnun á kostnað háskólamenntaðra og minnir á þær skerðingar kjara sem þegar hafa dunið á félagsmönnum bandalagsins.

BHM mótmælir því einnig að fjallað sé um laun fyrir sérfræðiþjónustu af því tagi sem háskólamenntaðir launamenn veita eins og um félagslegar bætur væri að ræða.

Kjaramál háskólamenntaðra

Wed, 9 Jun 2010 13:56:00 +0000

"Uppsagnir eða frekari gjaldfelling háskólamenntunar mun hafa alvarlegar afleiðingar í för með sér."

Tillögur ráðherra árás á háskólamenntun

Tue, 8 Jun 2010 00:00:00 +0000

BHM mótmælir tillögum félags- og tryggingamálaráðherra um áframhaldandi frystingu launa háskólamenntaðra starfsmanna ríkisins.

Kjarasamningar þessa hóps hafa verið lausir frá apríl 2009 og frá þeim tíma hafa átt sér stað beinar launaskerðingar háskólamenntaðra, auk þess sem ríkið hefur með markvissum hætti beint aukinni skattheimtu og tekjutengingum að félagsmönnum BHM.

Hafa verður í huga að frysting þessi kæmi í kjölfar almennra skerðinga á yfirvinnu, álagsgreiðslum, akstursgreiðslum, vinnutíma og öðrum ráðningartengdum kjörum og yrðu þær launalækkanir því festar í sessi í 5 ár samkvæmt tillögum ráðherra.

Slík viðvarandi launaskerðing er óviðunandi af hálfu BHM og getur ekki leitt til annars en atgervisflótta.

BHM leggst gegn allri frekari verðfellingu háskólamenntunar á vinnumarkaði, enda er hún bein ógnun við það uppbyggingarstarf sem nauðsynlegt er í landinu

Ályktun aðalfundar Félags háskólakennara, 1. júní 2010

Fri, 4 Jun 2010 00:00:00 +0000

Aðalfundur Félags háskólakennara skorar á ríkisstjórn að setja fram skýra stefnu í málefnum háskóla á Íslandi. Núverandi stjórnvöld hafa enn ekki breytt stefnu fyrrum stjórnvalda í menntamálum sem gagnrýnd er í Rannsóknarskýrslu Alþingis (sbr. 8. kafla, viðauka 1, kafla III.3 Háskólasamfélagið).

Félag háskólakennara lýsir sig reiðubúið til samstarfs um að leita leiða til hagræðingar í rekstri háskólastigsins í heild sinni. Forgangsraða þarf fjárveitingum til einstakra skóla og skoða af heilum hug hvort raunveruleg þörf sé á þeim fjölda skóla á háskólastigi sem nú er. Einnig þarf að skoða hvort aukið samstarf skólanna og jafnvel sameiningar séu vænlegar leiðir til sparnaðar og hvernig þau lönd sem við viljum bera okkur saman við í menntamálum standa að fjárveitingum til einkaháskóla og ríkisháskóla.

BHM mun ekki framlengja stöðugleikasáttmála

Fri, 21 May 2010 00:00:00 +0000

Ályktun miðstjórnar BHM 19. maí 2010

BHM mun ekki taka þátt í framlengingu stöðugleikasáttmála verði ekki breyting á þeirri launastefnu sem lýst er í gildandi sáttmála.

Kjarasamningar aðildarfélaga BHM hafa verið lausir í á annað ár og hefur félögunum ekki boðist að ræða áherslumál sín við Samninganefnd ríkisins á þeim tíma.

Í undangengnum kjarasamningum hefur vægi háskólamenntunar farið sífellt minnkandi og getur BHM ekki samþykkt framhald á þeirri þróun.

Félagsmenn aðildarfélaga BHM hjá hinu opinbera búa við skert launakjör, aukið álag og óvissu um störf. Fjölmargir í þeim hópi greiða árlega sem svarar einum mánaðarlaunum í afborganir af námslánum, en ekkert tillit hefur verið tekið til námslána í greiðsluerfiðleikaúrræðum af hálfu ríkisins.

Minnkandi vægi menntunar í launasetningu er þjóðhagslega óhagkvæm stefna, enda mikilvægt að fólk skili sér inn og haldist á íslenskum vinnumarkaði að loknu langskólanámi.

Stéttarfélagið Fræðagarður veitir Rauða krossinum milljón í styrk

Fri, 21 May 2010 15:51:00 +0000

Fulltrúar Fræðagarðs, félags háskólamanna, afhentu í dag Rauða krossi Íslands einnar milljón króna styrk til verkefnisins Félagsvinir atvinnuleitenda.

Lífeyrisskuldbindingar – athugasemd við frétt RÚV

Tue, 18 May 2010 00:00:00 +0000

„Þegar rætt er um skuldbindingar ríkisins vegna B-deildar LSR má ekki gleyma því að þá er einnig verið að tala um réttindi þess fólks sem starfað hefur í opinberri þjónustu á undanförnum áratugum. Lífeyrisrétturinn hefur verið órjúfanlegur hluti af heildarkjörum þeirra og launin hafa oft á tíðum verið lægri en ella vegna góðra lífeyrisréttinda. Skuldbindingar eða skuld ríkisins eru því áunnin réttindi tugþúsunda einstaklinga og þær eiga að koma til greiðslu á næstu áratugum. Að bera þetta saman við Icesave skuldina er vart sæmandi.“ Þetta segir Haukur Hafsteinsson, framkvæmdastjóri Lífeyrissjóðs starfsmanna ríkisins í grein á vef sjóðsins. Greinina má nálgast hér.

Kynningarfundur fyrir sjóðfélaga LSR

Tue, 11 May 2010 18:14:00 +0000

Nú í lok maí heldur LSR kynningarfundi fyrir sjóðfélaga sem vilja fræðast um lífeyrismál; um uppbyggingu réttindakerfisins, iðgjaldaskil, lífeyristökualdur og áætlaðar lífeyrisgreiðslur. LSR_sjodfelagafundur_27-05-2010

Ályktanir aðalfundar BHM þann 30. apríl 2010

Sat, 1 May 2010 15:58:00 +0000

Á aðalfundi BHM voru eftirfarandi ályktanir um þjóðfélagsmál og lífeyrismál samþykktar,

1. maí.

Fri, 30 Apr 2010 17:08:00 +0000

BHM hvetur félagsmenn sína til að fjölmenna í kröfugöngur sem haldnar eru víðvegar um land. Dagskrá 1. maí í Reykjavík er eftirfarandi:

Aðalfundur BHM settur

Fri, 30 Apr 2010 09:47:00 +0000

Aðalfundur BHM var settur í morgun. Formaður BHM setti fundinn og gestir fluttu ávörp. Setningarræðu formanns má lesa hér.

Fundur BHM og BSRB með fulltrúum AGS

Tue, 27 Apr 2010 18:38:00 +0000

Ályktun stjórnar Félags háskólakennara

Sat, 24 Apr 2010 13:42:00 +0000

Um fjárveitingar og rekstur háskólastigsins

Sumarúthlutun lokið

Tue, 13 Apr 2010 14:15:00 +0000

Umsóknarfresturinn til að sækja um sumarhús innanlands í sumar er útrunninn. Alls bárust 1704 umsóknir.

Hækkunin sem enginn fékk?

Wed, 24 Mar 2010 12:37:00 +0000

Um breytingar á launavísitölu opinberra starfsmanna

BHM telur lagasetningu á verkfallsaðgerðir í kjaradeilu stangast á við forsendur stöðugleikasáttmála

Fri, 12 Mar 2010 00:00:00 +0000

Bandalag háskólamanna (BHM) lýsir andstöðu við inngrip af hálfu hins opinbera í kjaradeilur á formi lagasetningar, eins og til stóð að gera í deilu flugumferðastjóra við viðsemjendur sína í gær, 11. mars.

Aðild BHM að stöðugleikasáttmála byggir á þeim forsendum að ekki verði gripið til lagasetninga eða stjórnvaldsaðgerða sem hafa bein áhrif á innihald kjarasamninga.

BHM þykir staða kjaramála undanfarin ár umhugsunarverð, þar sem sýnt þykir að verkfallsvopnið er oft eina haldreipi stéttarfélaga til að ná fram kröfumálum sínum.

Frelsi til fjölskyldulífs - samræming fjölskyldu- og atvinnulífs

Wed, 3 Mar 2010 13:03:00 +0000

Alþjóðlegur baráttudagur kvenna 100 ára.

Sjá auglýsingu hér

Hádegisfundur á Grand Hótel (Hvammi) 8. mars kl. 11:45-13:00

Gallerí BHM - "Björt sýn" - Fríða Kristín Gísladóttir

Mon, 1 Mar 2010 14:43:00 +0000

„Ég er listmálari, náttúru- og friðarunnandi.

Ég elska lífið og tilveruna og á mér þann draum að láta gott af mér leiða.

Ég mála til að skapa vellíðan og markmiðið er að fólki líði vel við að horfa á málverkin mín."

Breytingar á reglum hjá Styrktar- og Sjúkrasjóði BHM

Wed, 24 Feb 2010 15:18:00 +0000

Aukin réttindi félagsmanna í sjóðunum með breyttum reglum.

Ármann Snævarr látinn

Wed, 17 Feb 2010 15:25:00 +0000

N/A

Staðreyndir um launaþróun og starfsöryggi opinberra starfsmanna frá bankahruni

Tue, 9 Feb 2010 09:58:00 +0000

Undanfarið hafa launa- og starfskjör opinberra starfsmanna verið til umræðu, m.a. af hálfu Viðskiptaráðs. Samanburður hefur þar verið gerður á atvinnumissi á almennum og opinberum markaði og verður ekki hjá því komist að leiðrétta eitt og annað í þeim málflutningi.

Orlofsblað 2010

Mon, 8 Feb 2010 00:00:00 +0000

Orlofsblað BHM 2010 er komið út. Í blaðinu er gerð grein fyrir þeim valkostum sem félagsmönnum bjóðast í sumar, bæði innanlands og utan. Umsóknarfrestur vegna umsókna um páska og útlönd (7/5 - 20/9 2010) rennur út á miðnætti 1. mars. Umsóknarfrestur vegna sumarúthlutunar innanlands er til 1. apríl n.k. Hægt er að ganga frá umsókn á bókunarvef sjóðsins.
Orlofsblaðið má skoða á rafrænu formi með því að smella hér.

Hagsmunafélag stundakennara á háskólastigi stofnað

Mon, 25 Jan 2010 00:00:00 +0000

HAGSTUND – hagsmunafélag stundakennara á háskólastigi var stofnað þann 4. nóvember síðastliðinn. Hlutverk félagsins er m.a. að vinna að bættum kjörum og réttindum þeirra sem sinna stundakennslu á háskólastigi og efla samheldni þeirra óháð fræðasviðum. Stundakennararar á háskólastigi er fjölmennur en margbreytilegur hópur. Sem dæmi sinntu tæplega 2.200 einstaklingar stundakennslu við Háskóla Íslands árið 2008. HAGSTUND er ætlað að vera málsvari þessa hóps gagnvart háskólayfirvöldum og hafa forystu um endurskoðun á starfsumhverfi stundakennara.

Áhugasamir geta skráð sig í félagið með því að senda póst með nafni og kennitölu á netfangið: hagstund@gmail.com. Nánari upplýsingar er að finna á heimasíðu félagsins: http://www.kaninka.net/hagstund/

Lífeyrissjóður starfsmanna ríkisins láni ekki til fyrirtækja með lélegt lánshæfismat

Thu, 17 Dec 2009 09:47:00 +0000

Miðstjórn Bandalags háskólamanna beinir því að gefnu tilefni til Lífeyrissjóðs starfsmanna ríkisins að sjóðurinn gæti varúðar í fjárfestingum og láni ekki til fyrirtækja með lélegt lánshæfismat.

Af meintum ofurlaunum ríkisstarfsmanna

Wed, 2 Dec 2009 15:04:15 +0000

Framkvæmdastjóri BHM skrifaði grein í Fréttablaðið 2. desember til að leiðrétta rangar upplýsingar um laun ríkisstarfsmanna og til að vekja athygli á þeirri sjálfboðavinnu sem þeir leggja af mörkum til ríkisins.

Fulltrúaráðsfundur Orlofssjóðs BHM

Thu, 26 Nov 2009 13:40:32 +0000

Verður haldinn 11.12. kl. 12:00. Á fundinn mæta fulltrúar þeirra félaga sem aðild eiga að OBHM.

Skerðing fæðingarorlofsgreiðslna ógnar jafnrétti og vegur að réttindum barna og fjölskyldna

Wed, 25 Nov 2009 11:57:46 +0000

Miðstjórn BHM ályktar um réttindi í fæðingarorlofi

BHM lýsir andstöðu við frekari skerðingu réttinda í fæðingarorlofi, þar sem slíkt er skref afturábak í jafnréttismálum og vegur að réttindum barna og fjölskyldna. Markmið fæðingarorlofs er að tryggja barni samvistir við báða foreldra og gera bæði konum og körlum kleift að samræma fjölskyldu- og atvinnulíf.

BHM varar eindregið við því að tímabundið erfiðleikaástand í efnahagsmálum verði látið koma svo harkalega niður á samfélagslegum framfaramálum, sem kostað hefur mikla baráttu og fórnir að ná fram.

Verður fagstéttum áfram kleift að starfa samkvæmt siðareglum?

Mon, 23 Nov 2009 08:08:32 +0000

Miðstjórn BHM ályktar um að skyldur fagstétta verði virtar í niðurskurði

BHM minnir á þá skyldu háskólamenntaðra fagstétta að viðhalda færni sinni til starfa í samræmi við lög og siðareglur. BHM varar við því að aukið aðhald í rekstri hins opinbera verði látið bitna á sí- og endurmenntun fagstétta. Fagstéttir hafa skyldum að gegna gagnvart samfélaginu og skjólstæðingum sínum og gera verður þeim kleift að uppfylla þær.