Úthlutun og punktasöfnun

Sjóðsfélagar eru þeir sem greitt er fyrir í Orlofssjóðinn

Eftirtaldir geta viðhaldið úthlutunarrétti að uppfylltum skilyrðum:

  • Fæðingarorlof: Sjóðfélagi viðheldur úthlutunarrétti kjósi hann að greiða stéttarfélagsgjald af fæðingarorlofsgreiðslum.
  • Atvinnuleitandi/ í námsleyfi: Hægt er að viðhalda réttindum ef greitt er til stéttafélags stéttarfélagsgjald og árgjald til orlofssjósins kr. 3.000.  Þeir háskólamenn sem eru atvinnulausir geta myndað rétt með því að greitt er fyrir þá 0,25% af iðgjaldsstofni sem greitt er af til stéttarfélags.
  • Öryrkjar:  Hægt er að viðhalda réttindum ef greitt er árgjald kr. 3.000.
  • Lífeyrisþegar: Hægt er að viðhalda réttindum í sjóðnum ævilangt við starfslok með því að greiða svokallað ævigjald tæplega kr. 18.000.

Punktasöfnun/réttindaávinnsla

Sjóðfélagar ávinna sér 48 punkta á ári eða 4 punkta fyrir hvern mánuð sem greitt er í sjóðinn. Hægt er að sjá punktastöðu sína á bókunarvef sjóðsins.  150 punktar dragast af inneign við páska- og sumarúthlutun innanlands sem utan.  Á öðrum tíma dragast 35 punktar af úthlutun erlendis en engir af úthlutun innanlands. Niðurstöður liggja fyrir örfáum dögum eftir að umsóknarfresti lýkur og eru sendar í tölvupósti ásamt greiðsluupplýsingum á það netfang sem gefið er upp á umsókn.  Utan úthlutunartímabila skiptir punktastaða ekki máli heldur gildir reglan fyrstur kemur fyrstur fær. 

Vetrarleiga

Utan úthlutunartímabila skiptir punktastaða ekki máli heldur gildir reglan fyrstur kemur fyrstur fær. 
Nýr mánuður í vetrarleigu er alltaf settur inn kl. 9:00 að morgni 15. hvers mánaðar, nema þegar 15. ber upp á helgi eða frídag, þá opnast fyrir bókanir fyrsta virka dag á eftir.  Opnað er fyrir bókanir fyrir orlofshús eða íbúðir í september kl. 9:00 15. júní, fyrir október er opnað fyrir bókanir frá 15. júlí kl. 9:00 o.s.frv.
Sjá nánari upplýsingar hér.

Sumarleiga og páskaleiga

Úthlutun vegna sumar- og páskaleigu fer eftir punktastöðu sjóðfélaga, því fleiri punktar því meiri möguleikar á úthlutun.  Úthlutunartímabil:

  • Sumar innanlands. Frá öðrum föstudegi í júní í 10 vikur.  Umsóknarfresti lýkur 33. mars.
  • Sumar erlendis. Frá fyrsta föstudegi í maí í 20 vikur. Umsóknarfresti lýkur lýkur 15. febrúar.
  • Páskar. Frá og með miðvikudegi fyrir páska í eina viku.  Umsóknarfresti lýkur 1. mars. 

Sjóðfélagar fá tölvupóst frá stéttarfélaginu sínu þegar opnað er fyrir umsóknir um úthlutun á sumar og páskaleigu.