Hvað er styrkt?

Sjúkrasjóður er fyrir félagsmenn á almennum vinnumarkaði.

Líkamsrækt

Veittur er styrkur vegna íþróttaiðkunar. Greitt er 80% af heildarkostnaði að hámarki 25.000 kr. á hverju 12 mánaða tímabili.

Sækja um styrk

Meðferð á líkama og sál

Endurgreitt er 80% af útlögðum kostnaði, að hámarki kr. 55.000 á hverju 12 mánaða tímabili fyrir einstaklingsmeðferð/hópmeðferð hjá faglega viðurkenndum aðila sem hefur löggildingu viðkomandi starfsstéttar frá landlækni og á fagsviði viðkomandi, þ.e. sjúkraþjálfa, iðjuþjálfa, sjúkranuddara, osteopata, sálfræðingi, hjúkrunarfræðingi, félagsráðgjafa, næringarráðgjafa, stoðtækjafræðingi og kiropraktor. Meðferð/ir hjá faglegum viðurkenndum aðilum vegna húðmeðferðar og endurhæfingar á heilsustofnun falla einnig hér undir, enda sé hún samkvæmt læknisráði. Meðferð þarf að fara fram hérlendis.

Sækja um styrk

Forvarnir (krabbameinsleit og áhættumat)

Veittur er styrkur vegna forvarna að hámarki 20.000 kr. á hverju 12 mánaða tímabili fyrir eftirfarandi: 

a. Reglubundna krabbameinsleit (kembileit) á brjósta-, og/eða leghálskrabbameini, s.s. hjá Krabbameinsfélaginu. Greitt er eftir taxta Leitarstöðvar Krabbameinsfélagsins.

b. Krabbameinsskoðun í ristli og/eða blöðruhálsi.

c. Áhættumat vegna hjartasjúkdóma hjá Hjartavernd.

Sækja um styrk

Gleraugu og augnaðgerðir

Greitt er 80% af útlögðum kostnaði vegna aðgerða á augum, einu sinni, að hámarki kr. 55.000 fyrir hvort auga.

Greitt er 80% af útlögðum kostnaði til kaupa á gleraugum/linsum á hverju 36 mánaða tímabili, að hámarki kr. 35.000.

Staðgreiðsla er tekin af styrknum. 

Sækja um styrk

Heyrnartæki

Greitt er 80% af útlögðum kostnaði til kaupa á heyrnartækjum á hverjum 36 mánuðum aðhámarki kr. 145.000. Staðgreiðsla er tekin af styrknum. 

Sækja um styrk

Tannviðgerðir

Greitt er 40% af útlögðum kostnaði vegna tannviðgerða þegar kostnaður vegna þeirra er kominn umfram kr.90.000. Hver umsókn þarf að lágmarki að vera kr. 90.000. Með hverri umsókn þurfa að fylgja einn eða fleiri reikningar sem lagt hefur verið út fyrir á sl. 12 mánuðum. Hægt er að sækja um oftar en einu sinni á hverju 12 mánaða tímabili, en hámarksstyrkur er 180.000. Fegrunaraðgerðir eru undanskildar. 

Sækja um styrk

Fæðingarstyrkur

Veittur er styrkur til foreldris vegna fæðingar hvers barns. Hámarksstyrkur er kr. 120.000 miðað við fulla sjóðsaðild. Styrkurinn er veittur gegn framvísun fæðingarvottorðs eða vottorðs um skráningu barns í þjóðskrá. Veittur er styrkur vegna andvana fæðingar barns efir 22. viku meðgöngu. Sækja þarf um innan árs frá fæðingu barns. Staðgreiðsla er tekin af styrknum.

Sækja um styrk

Tæknifrjóvgun

Styrkur vegna tæknifrjóvgunar (lyf ekki innifalin) nemur 40% af reikningum til hvers sjóðfélaga einu sinni á hverju 12 mánaða tímabili, að hámarki 125.000 kr. Staðgreiðsla er tekin af styrknum. 

Sækja um styrk

Sjúkradagpeningar

Greiddir eru sjúkradagpeningar vegna ólaunaðrar fjarveru frá vinnu sem nema 80% af grunni inngreiðslna í sjóðinn sl. 12 mánaða fyrir óvinnufærni, þó að hámarki kr. 665.000,  í allt að 12 mánuði. Allar skattskyldar greiðslur frá öðrum aðilum, svo sem Tryggingastofnun ríkissins eða lífeyrissjóði, umfram 20% af grunni inngreiðslna sl. 12 mánaða koma að fullu til frádráttar dagpeningum frá sjóðnum. 

Réttur til sjúkradagpeninga tekur mið af fjölda iðgjaldagreiðslna í sjóðinn sl. 12 mánaða. Þannig hefur umsækjandi sem greitt hefur verið fyrir í 6 mánuði áunnið sér rétt til sjúkradagpeningagreiðslu í 6 mánuði. 

Sjálfstætt starfandi félagsmenn fá greiðslur líkt og venjulegri launamenn. Biðtími til bótaréttar vegna sjálfstætt starfandi félagsmanna er 2 mánuðir. 

Sjóðfélagi öðlast rétt til sjúkradagpeninga að nýju eftir 6 mánaða iðgjaldagreiðslu eftir að fyrra bótatímabili lýkur. Sjóðsfélagi getur að hámarki fengið greidda sjúkradagpeninga í 24 mánuði á hverju 10 ára tímabili. 

Til viðbótar við eigin veikindi eða slys er einnig hægt að sækja um sjúkradagpeninga vegna ólaunaðrar fjarveru sökum: 

  • Veikinda barns í allt að 3 mánuði. Sjóðsstjórn er heimilt að lengja þetta tímabil um 3 mánuði í sérstökum tilfellum.
  • Veikinda maka í allt að 2 mánuði sem leiðir til fjarveru frá vinnu. Ekki er greitt fyrir fyrstu 10 dagana í veikindunum.
  • Vegna veikinda og/eða slysa sjóðfélaga í fæðingarorlofi:  Þegar því er ekki viðkomið að foreldri geti hugsað um barn sitt vegna veikinda og/eða slysa í fæðingarorlofi greiðir sjóðurinn allt að einn og hálfan mánuð á meðan fæðingarorlofi stendur. Þó er ekki greitt fyrir fyrstu 10 dagana í veikindum. Forsenda er að viðkomandi segi sig af greiðslum frá fæðingarorlofssjóði.  
  • Vímuefnameðferðar í allt að 45 daga.

Sjóðfélagar sækja um á þar til gerðu eyðublaði sem má nálgast hér að neðan.

Sækja um styrk

Dánarbætur

  • Greiddur er útfararstyrkur að upphæð kr. 350.000 vegna fráfalls fyrrverandi sjóðsfélaga allt að tveimur árum eftir starfslok. 
  • Greitt er tímabundið framfærslutap maka sem samsvarar einum mánaðarlaunum hins látna miðað við inngreiðslur í sjóðinn s.l. 12 mánuði og hálf laun til barna hins látna undir 18 ára aldri. 
  • Með umsóknum um styrk þarf að fylgja yfirlit um framvindu skipta. Styrkurinn greiðist til lögerfingja. 
Sækja um styrk

Starfstengd áföll eða óvænt starfslok

Sjóðurinn styrkir meðferð upp að kr. 55.000 hjá fagmanni til að vinna úr áfalli í starfi eða í kjölfar óvæntra starfsloka samkvæmt beiðni trúnaðarmanns/stéttarfélags. Staðgreiðsla er tekin af styrknum.

Sækja um styrk

Ferðastyrkur

Greiddur er staðlaður styrkur að upphæð kr. 170.000 vegna útgjalda við utanför til að sækja barn til ættleiðingar. Staðgreiðsla er tekin af styrknum. 

Sækja um styrk

Heimildarákvæði

Sjóðsstjórn metur hverju sinni hvort umsókn falli undir heimildarákvæðið.  Við sérstakar aðstæður, s.s. óvænt mikil útgjöld og/eða fjárhagslegra erfiðleika umfram 150.000 kr. sem rekja má til alvarlegra veikinda eða slysa hans sjálfs, barna hans eða maka getur sjóðstjórn veitt styrk allt að 150.000 kr. á almanaksári. Greitt er 30% af styrkhæfum kostnaði. Ekki er greitt vegna lyfjakostnaðar eða annars heilbrigðiskostnaðar sem gildir upp í afsláttarkort hjá Sjúkratryggingum Íslands.  Ekki er greiddur kostnaður vegna fegrunaraðgerða eða umsókna sem falla undir liði 4. - 15.

Sækja um styrk