BHM 60 ára – afmælisfagnaður í Borgarleikhúsinu

Félagsmönnum aðildarfélaga býðst að tryggja sér sæti með því að skrá sig fyrirfram hér á vefnum

12.9.2018

  • afmaelislogo

Þriðjudaginn 23. október næstkomandi verða 60 ár liðin frá stofnun Bandalags háskólamanna. Þennan dag stendur bandalagið fyrir afmælisfagnaði í Borgarleikhúsinu þar sem brugðið verður ljósi á baráttu BHM í sex áratugi. Umsjón með afmælisdagskrá hefur Bergur Þór Ingólfsson, leikari og leikstjóri, og hefur hann fengið til liðs við sig hóp leikara, söngvara, hljóðfæraleikara og skemmtikrafta sem munu láta ljós sitt skína.

Dagskráin hefst kl. 17:00 þann 23. október og er áætlað að hún standi í um klukkustund en á eftir verður móttaka fyrir gesti í anddyri Borgarleikhússins.

Félagsmönnum aðildarfélaga BHM býðst að tryggja sér sæti með því að skrá sig hér á vefnum. Opnað verður fyrir skráningu kl. 12:00 á hádegi föstudaginn 14. september og stendur hún til 25. september. Vegna takmarkaðs sætafjölda gildir reglan: Fyrst koma, fyrst fá.

BHM hvetur félagsmenn til að nýta þetta tækifæri og taka þátt í gleðinni 23. október.

Smelltu hér til að fara á skráningarsíðuna.

Þess skal getið að viðburðurinn verður tekinn upp og verður upptakan gerð aðgengileg á vef BHM.

Smelltu hér til að nálgast yfirlit um 60 ára sögu BHM.