Fjölbreytt úrval námskeiða á haustönn

29.8.2017

  • IMG-20121108-00546

BHM býður kjörnum fulltrúum og starfsmönnum aðildarfélaga, trúnaðarmönnum og almennum félagsmönnum upp á fjölbreytt úrval námskeiða á haustönn 2017. Samkvæmt fræðsludagskrá verða samtals 14 námskeið í boði, m.a. um efnahagsumhverfi kjarasamninga, vinnutengda streitu, fundarsköp, kynferðislega áreitni á vinnustað, undirbúning starfsloka og núvitund, svo fáein dæmi séu nefnd. Flest námskeiðanna eru opin almennum félagsmönnum án endurgjalds.

Opnað verður fyrir skráningu á vef BHM (sjá hér) kl. 12:00 á hádegi föstudaginn 1. september nk. Vinsamlegast athugið að fjöldi þátttakenda er yfirleitt takmarkaður og því gildir að fyrst koma – fyrst fá. Öll námskeiðin verða kennd í húsnæði BHM að Borgartúni 6 í Reykjavík, 3. hæð. Athugið að flestum námskeiðanna verður jafnframt streymt á streymissíðu BHM.

Dagskráin er birt með fyrirvara um breytingar sem, ef út þær fer, verða kynntar hér á vefnum.