Hagfræðingur BHM tekur sæti í nefnd um vísitölu neysluverðs

2.7.2019

Forsætisráðherra hefur skipað nefnd um aðferðafræði við útreikning vísitölu neysluverðs. BHM bauðst að tilnefna einn fulltrúa í nefndina og mun hagfræðingur bandalagsins, Georg Brynjarsson, taka þar sæti. Nefndin er skipuð í samræmi við yfirlýsingu ríkisstjórnar um markviss skref til afnáms verðtryggingar frá 3. apríl 2019. Verkefni nefndarinnar er að skoða aðferðafræði við útreikning vísitölu neysluverðs út frá alþjóðlegum samanburði og leita álits erlendra sérfræðinga. Nefndin skal ljúka störfum fyrir lok júní 2020.

Nefndina skipa eftirtalin:

  • Benedikt Árnason, forsætisráðuneyti, formaður
  • Dagný Ósk Aradóttir, tilnefnd af BSRB
  • Georg Brynjarsson, tilnefndur af BHM
  • Hannes G. Sigurðsson, tilnefndur af Samtökum atvinnulífsins
  • Heiðrún Erika Guðmundsdóttir, tilnefnd af Hagstofu Íslands
  • Henný Hinz, tilnefnd af Alþýðusambandi Íslands
  • Karen Á. Vignisdóttir, tilnefnd af Seðlabanka Íslands
  • Oddur Jakobsson, tilnefndur af Kennarasambandi Íslands
  • Sigurður Páll Ólafsson, tilnefndur af fjármála- og efnahagsráðuneytinu
  • Sigurður Á. Snævarr, tilnefndur af Sambandi íslenskra sveitarfélaga.