Ráðstafanir gerðar til að tryggja órofinn rekstur BHM og öryggi starfsmanna

13.3.2020

Vegna Covid-19 faraldursins hefur BHM gripið til ráðstafana til að tryggja órofinn rekstur bandalagsins og stuðla að öryggi starfsmanna. Þær byggja á viðbragðsáætlun sem unnin hefur verið fyrir vinnustaðinn. 

Þessar ráðstafanir felast einkum í því að takmarka bein samskipti annars vegar milli starfsmanna og hins vegar milli þeirra og utanaðkomandi aðila. Sem dæmi má nefna að frá og með mánudeginum 16. mars munu starfsmenn BHM ekki funda með utanaðkomandi aðilum í starfsstöðvum bandalagsins að Borgartúni 6. Þá munu starfsmenn ekki sækja fundi utanhúss nema í algjörum undantekningartilvikum og þá í samráði við framkvæmdastjóra. Leitast verður við að nota fjarfundabúnað til samskipta við utanaðkomandi aðila eftir því sem kostur er. Enn fremur verður dregið úr viðveru starfsmanna á vinnustað til að lágmarka hættu á að mögulegt smit berist milli þeirra. 

Þessar ráðstafanir verða endurskoðaðar eftir þörfum og aðstæðum