Sjúkrasjóður BHM er fyrir félagsfólk á almennum vinnumarkaði. Margvíslegir styrkir eru veittir.

Almennt gildir að réttur sjóðfélaga til úthlutunar úr sjóðnum er háður því að greitt hafi verið sjúkrasjóðsframlag vegna sjóðfélaga samtals í 6 mánuði og þar af 3 mánuði samfellt áður en atburður sem leiðir til styrkumsóknar, tekjutap eða útgjöld, sem veita rétt til styrks úr sjóðnum, áttu sér stað.

Ef reiknuð heildaralaun eru 500.000 kr. eða hærri þá á sjóðfélagi rétt á fullum styrk.

Ef heildarlaun sjóðfélaga eru lægri en 500.000 kr. á mánuði fær sjóðfélagi greiddan hálfan styrk frá sjóðnum. Reiknað er út meðaltal heildarlauna síðustu þriggja mánaða, talið frá þeim degi sem umsókn berst til sjóðsins.

Félagar fá allt að 25.000 króna styrk vegna líkamsræktar og íþróttaiðkunar.

Veittur er styrkur vegna íþróttaiðkunar. Greiddar eru að hámarki 25.000 krónur á hverju 12 mánaða tímabili. Kaup á tækjum og/eða öðrum útbúnaði til heilsuræktar er ekki styrkhæfur. 

Félagar fá allt að 75.000 króna styrk vegna meðferðar hjá faglega viðurkenndum aðila með löggildingu frá landlækni og hjá aðila sem uppfyllir skilyrði fyrir inngöngu í aðildarfélag innan BHM.

Endurgreiðsla vegna útlagðs kostnaðar er að hámarki 75.000 krónur á hverju 12 mánaða tímabili fyrir meðferð hjá faglega viðurkenndum aðila sem hefur löggildingu viðkomandi starfsstéttar frá landlækni og á fagsviði viðkomandi, t.a.m. sjúkraþjálfara, iðjuþjálfa, sjúkranuddara, osteopata, sálfræðingi, hjúkrunarfræðingi, félagsráðgjafa, næringarráðgjafa og kiropraktor.

Þjónusta veitt af aðila með háskólagráðu, sem stuðlar að forvörnum fyrir líkamlega og/eða andlega heilsu.

Dvöl á viðurkenndri heilsustofnun, svo sem NLFÍ 

Staðgreiðsluskattur er tekinn af styrknum.

Félagar fá allt að 20.000 króna styrk vegna krabbameinsleitar og áhættumats vegna hjartasjúkdóma.

Veittur er styrkur vegna krabbameinsleitar og áhættumats hjartasjúkdóma. Greiddar eru að hámarki 20.000 krónur á hverju 12 mánaða tímabili fyrir skimun og framhaldsrannsókn vegna krabbameinsleitar og áhættumats vegna hjartasjúkdóma. 

Félagar fá 100.000 króna styrk vegna fæðingar hvers barns.

Fæðingarstyrkur er einnig veittur vegna ættleiðingar barns yngra en 18 ára eða þegar barni yngra en 18 ára er komið fyrir í varanlegt fóstur. Þá er veittur styrkur vegna andvana fæðingar barns eftir 22. viku meðgöngu eða fósturláts efir 18. viku meðgöngu.

Sækja þarf um innan 24 mánaða frá fæðingu eða ættleiðingu barns. Fæðingarstyrkur er veittur til foreldris gegn framvísun fæðingarvottorðs eða vottorði um skráningu barns í þjóðskrá.

Réttur til fæðingarstyrks er háður því að áður hafi verið greitt sjóðsframlag vegna sjóðfélaga samtals í 6 mánuði og þar af 3 mánuði samfellt, fyrir fæðingardag barns

Félagar fá allt að 125.000 króna styrk vegna tæknifrjóvgunar.

Greiddur er 125.000 króna hámarksstyrkur vegna tækni-, smásjár- eða glasafrjóvgunarmeðferða á 24 mánaða tímabili. Styrkur verður þó aldrei hærri en útlagður kostnaður. Lyf eru ekki endurgreidd.

Greitt er 80% af útlögðum kostnaði til kaupa á heyrnartækjum. Hámarksstyrkur er 145.000 krónur.

Á hverjum 36 mánuðum geta félagar fengið allt að 80% endurgreiðslu af útlögðum kostnaði til kaupa á heyrnartækjum. Hámarksgreiðsla eru 145 þúsund krónur. 

Greiddar eru allt að 350.000 krónur í dánarbætur vegna fráfalls félaga í sjóðnum. 

Einnig eru greiddar dánarbætur vegna fyrrum sjóðfélaga sem fellur frá innan tveggja ára frá starfslokum. Réttur til greiðslu dánarbóta fellur niður ef ekki er sótt um þær innan 24 mánaða frá dánardegi sjóðfélaga. Bætur eru greiddar til lögerfingja. 

Dánarbætur vegna fráfalls barns sjóðfélaga:

Umsókn er lögð inn á Mínum síðum BHM

Greiddar eru allt að 350 þúsund krónur í dánarbætur vegna andláts barns yngra en 18 ára. Dánarbætur eiga einnig við þegar um er að ræða andvana fæðingu barns eftir 22. viku meðgöngu, eða fósturláts eftir 18. viku meðgöngu.  Styrkurinn greiðist til foreldris. 

Tímabundið framfærslutap maka/sambúðarmaka:

Greitt er tímabundið framfærslutap maka sem samsvarar einum mánaðarlaunum hins látna, að hámarki 713 þúsund krónur. Hálf laun eru greidd vegna barns eða barna hins látna undir 18 ára aldri.

Danarbaetur eydublad.pdf

Félagar fá allt að 55.000 króna styrk til að vinna úr starfstengdum áföllum.

Greiddur er 55.000 króna hámarksstyrkur til félaga til að vinna úr áfalli í starfi eða í kjölfar óvæntra eða erfiðra starfsloka. Meðferðin þarf að vera hjá löggildu heilbrigðisstarfsfólki og samkvæmt beiðni trúnaðarmanns eða stéttarfélags. Styrkurinn endurnýjast á hverju 36 mánaða tímabili.

Félagar fá allt að 170.000 króna styrk vegna ættleiðingar barns. 

Greiddur er 170.000 króna hámarksstyrkur vegna ættleiðingar barns til hvers sjóðfélaga. Sækja þarf um styrk innan 24 mánaða frá því að lagt var út fyrir kostnaði. Styrkur verður þó aldrei hærri en útlagður kostnaður. 

Félagar fá sjúkradagpeninga vegna ólaunaðrar fjarveru frá vinnu sem nema 80% af grunni inngreiðslna síðastliðna fjóra mánuði fyrir óvinnufærni. 

Hér má lesa nánar um sjúkradagpeninga Sjúkrasjóðs BHM
Algengar spurningar og svör um sjúkradagpeninga Sjúkrasjóðs BHM

Verðandi mæður sem þurfa að leggja niður störf vegna veikinda sem tengjast meðgöngu, og eiga rétt á framlengingu á fæðingarorlofi hjá Fæðingarorlofssjóði, eiga rétt á tímabundnum meðgöngustyrk.

Verðandi mæður sem þurfa að leggja niður störf á meðgöngu, vegna veikinda, skulu hafa kannað rétt sinn til framlengingar á fæðingarorlofi frá Fæðingarorlofssjóði áður en réttur til sjúkradagpeninga kemur til greina. Sé réttur til framlengingar á fæðingarorlofi til staðar eiga verðandi mæður rétt á tímabundnum meðgöngustyrk til að vega á móti tekjuskerðingu fram að fæðingardegi barns. Upphæð meðgöngustyrksins miðast við greiðsluáætlun frá Fæðingarorlofssjóði. Viðkomandi sjóðfélaga ber að fullnýta rétt sinn hjá Fæðingarorlofssjóði. 


Spurt og svarað um sjúkradagpeninga Sjúkrasjóðs

Spurt og svarað um sjúkradagpeninga Styrktarsjóðs

Reykjavíkurborg og önnur sveitarfélög

Opinber hlutafélög og sjálfseignarstofnanir

Sjúkrasjóður BHM er fyrir félaga á almennum vinnumarkaði. Sjúkrasjóður styrkir félagsfólk sitt með margvíslegum hætti. Sjóðurinn kemur meðal annars til móts við tekjutap vegna ólaunaðrar fjarveru frá vinnu sökum veikinda og slysa auk þess sem hann styður við endurhæfingu og forvarnir af ýmsum toga.

Sótt er um styrki til sjóðsins á Mínum síðum BHM. Meginregla í úthlutunarreglum sjóðsins er að að greitt hafi verið sjúkrasjóðsframlag vegna sjóðfélaga samtals í 6 mánuði og þar af 3 mánuði samfellt áður en atburður sem leiðir til styrkumsóknar, tekjutap eða útgjöld, sem veita rétt á til styrks úr sjóðnum, áttu sér stað. Á þessu geta þó verið undantekningar.

Úthlutunarreglur SBHM 15.04.2025.pdf

Í lífinu getur ýmislegt komið upp á. Félagar í Sjúkrasjóði eiga rétt á sjúkradagpeningum vegna tímabundins tekjutaps sökum óvinnufærni vegna veikinda eða slysa. 

Sjúkrasjóður

Sjóðsaðild

Líkamsrækt

Heilbrigðisþjónusta og forvarnir

Krabbameinsleit og áhættumat

Fæðingarstyrkur

Tæknifrjóvgun

Heyrnartæki

Dánarbætur

Starfstengd áföll eða starfslok

Ættleiðing

Sjúkradagpeningar

Meðgöngustyrkur

Sjúkra­sjóð­ur