Stefna Bandalags háskólamanna

2004 - 2006

GRUNDVALLARMARKMIÐ

Grundvallarmarkmið Bandalags háskólamanna er að efla fagstéttarfélög háskólamanna, standa

vörð um samningsrétt þeirra og auka veg æðri menntunar á Íslandi. Starfsemi bandalagsins byggir

þannig á tveimur meginþáttum: að menntun háskólamanna sé virt sem forsenda þróunar og

framfara í íslensku atvinnulífi og að hún sé metin að verðleikum til launa.

Verkefni:

• Bandalagið vinni að eflingu aðildarfélaganna með:
• • Margþættri þjónustu, hagsmunagæslu og baráttu eftir því sem stefna bandalagsins og umboð aðildarfélaganna gefur tilefni til.
  • Fræðslustarfsemi um starfsemi stéttarfélaga og heildarsamtaka; hlutverk og stefnu Bandalags háskólamanna; verkaskiptingu bandalagsins og aðildarfélaganna.
  • Kjararannsóknum og markvissri miðlun upplýsinga og fræðslu um kjara-, réttinda- og vinnumarkaðsmál.
• Bandalagið vinni að því að tryggja að allir háskólamenntaðir launamenn eigi kost á stéttarfélagsaðild og því að fjölga félögum innan raða þess.
• Bandalagið vinni að aukinni viðurkenningu á menntun og gildi hennar fyrir þjóðarhag og því að menntun sé metin til launa.
• Bandalagið standi fyrir umfjöllun um félagspólitísk málefni, málefni háskólamenntunar og þjóðmál með ráðstefnuhaldi og útgáfustarfsemi.

 

Starfsvettvangur:

Miðstjórn, stjórn, allar starfsnefndir, skrifstofa.

 

SAMNINGSRÉTTUR

Samningsréttur er hjá einstökum stéttarfélögum. Frumkvæði að samstarfi stéttarfélaga um gerð kjarasamninga er í höndum þeirra.

Meginstefna Bandalags háskólamanna varðandi samningsrétt er að:

• Aðildarfélögin hafi fullan samningsrétt fyrir hönd félagsmanna sinna gagnvart öllum vinnuveitendum.
• Bandalagið standi vörð um og efli samningsrétt aðildarfélaganna.
• Bandalagið verji kjarasamninga aðildarfélaganna.

 

Verkefni:

• Bandalagið vinni að því að efla samningsrétt aðildarfélaganna.
• Bandalagið vinni að því að styrkja félögin í baráttu fyrir samningsrétti vegna starfsmanna á almennum markaði, starfsmanna sveitarfélaga og starfsmanna í aukastörfum (miðast við vinnuhlutfall <1/3).
• Bandalagið vinni að því að styrkja samningsrétt stéttarfélaganna í samningum við stofnanir.
• Bandalagið vinni að endurskoðun verkfallsréttar þannig að hann verði dreifstýrður eins og samningsrétturinn.
• Bandalagið vinni að því að aðildarfélögin fái samningsrétt fyrir námsmenn í viðkomandi fagi.

 

Starfsvettvangur:

Miðstjórn, stjórn, skrifstofa.

 

KJARASAMNINGAR

Sameiginleg stefna aðildarfélaganna er að laun taki mið af menntun, sérhæfni og ábyrgð þannig að gætt sé jafnræðis og jafnréttis. Dagvinnulaun dugi til framfærslu og viðunandi lífeyris.

Sameiginleg stefna aðildarfélaga Bandalags háskólamanna er að: 

• Bandalagið og aðildarfélög þess afli viðurkenningar í þjóðfélaginu á því að menntun, sérhæfni og ábyrgð verði mælikvarðar við ákvörðun launa.
• Kjör háskólamanna hjá hinu opinbera og á almennum markaði séu sambærileg.
• Kjör háskólamanna á Íslandi verði í samræmi við launakjör háskólamanna í nágrannalöndunum.
• Réttur og skylda háskólamanna til endurmenntunar endurspeglist í kjarasamningum.
• Bandalagið vinni að styttingu vinnuvikunnar.

 

Verkefni:

• Bandalagið vinni að því að styrkja ímynd háskólamanna í þjóðfélaginu til að stuðla að því að almenningur átti sig á mikilvægi menntunar.
• Bandalagið vinni áfram að málefnum almenna markaðarins.
• Bandalagið veiti aðildarfélögunum þjónustu við kjarasamninga, t.d. við gerð og framkvæmd þeirra. Þetta geri bandalagið með:
• • Ráðgjöf um samningatækni, samningsrétt og lagalega umgjörð kjarasamninga.
  • Ráðgjöf við uppsetningu kröfugerða og útreikningum á verðmæti þeirra.
  • Ráðgjöf við mat á tilboðum.
  • Öflun og miðlun hagfræðiupplýsinga og upplýsinga um launakerfi.
  • Stuðla að því að launakannanir á almennum og opinberum markaði verði samanburðarhæfar
• Bandalagið hafi frumkvæði um stefnumótun varðandi sameiginleg hagsmunamál aðildarfélaga, sérstaklega er varðar:
• • Ráðningarréttindi svo sem réttindi og skyldur, veikindarétt, fæðingar- og foreldraorlof og lífeyrisréttindi,.
  • Vinnuverndarákvæði svo sem vinnutíma, starfsumhverfi, öryggismál.
  • Launakerfi og önnur þau málefni sem aðildarfélögin vilja reka sameiginlega
• Bandalagið vinni að kjara- og réttindamálum m.a. með virku starfi í eftirfarandi í samráðs og samstarfsnefndum:
• • Samráðsnefnd Reykjavíkurborgar og Bandalags háskólamanna.
  • Samráðsnefnd um EES.
  • Ferðakostnaðarnefnd.
  • Kjararannsóknanefnd
  • Vinnueftirliti ríkisins.
  • Starfsmenntunarsjóði BHM.
  • Fjölskyldu- og styrktarsjóði 
• Bandalagið veiti ráðgjöf og umsagnir varðandi ágreining um framkvæmd kjarasamninga.
• Bandalagið reki mál sem varða ágreining um framkvæmd kjarasamninga aðildarfélaga fyrir dómstólum samkvæmt ákvörðun miðstjórnar.
• Bandalagið veiti umsögn til Alþingis um þingmál sem hafa áhrif á kjör og réttindi félagsmanna sem og samningsrétt og starfsumhverfi stéttarfélaga.
• Bandalagið vinni að því að fá sæti í stjórn Lánasjóðs íslenskra námsmanna sem og í kjaranefnd og Kjaradómi.

 

Starfsvettvangur:

Miðstjórn, stjórn, laganefnd, jafnréttisnefnd, lífeyrisnefnd, skrifstofa, kjara- og launaþróunarnefnd og vinnuumhverfisnefnd.

 

RÉTTINDAMÁL

Öll réttindi félagsmanna skulu byggja á samningum milli aðila, hvort sem formið er

kjarasamningur, lög eða reglugerðir sem aðilar hafa komið sér saman um.

Helstu stefnumið Bandalags háskólamanna í réttindamálum félagsmanna eru að:

 

• Bæta almenn ráðningarréttindi launamanna.
• Standa vörð um almenn ráðningarréttindi starfsmanna, svo sem starfsöryggi, uppsagnarrétt og biðlaun.
• Standa vörð um réttindi félagsmanna verði breyting á rekstrarformi og/eða eignarhaldi stofnunar/fyrirtækis sem þeir starfa hjá.
• Tryggja að félagsmenn geti farið milli vinnustaða án þess að skerða réttindi sín og möguleika til starfsþróunar.
• Tryggja að kjör og réttindi erlendra háskólamanna sem hér starfa séu sambærileg við kjör og réttindi íslenskra starfsfélaga þeirra.
• Sett verði lög sem tryggi á heildstæðan hátt lágmarksréttindi allra launamanna sem verði ekki lakari en á hinum Norðurlöndunum.
• Lágmarkslöggjöfin tryggi launamönnum ákveðið starfsöryggi, uppsagnarrétt, hámarksvinnutíma, lágmarkshvíldartíma og veikindarétt, hvernig sem ráðningu er háttað.
• Viðurlög verði sett gegn brotum á þessum réttindum.
• Vinna ötullega gegn því að launamenn séu knúnir til að vinna störf sín í verktöku, á framfærslustyrk eða lausráðnir til lengri tíma.
• Standa vörð um áunnin lífeyrisréttindi og vinna að endurbótum á lífeyris- og almannatryggingakerfunum.
• Öllum vinnufærum mönnum sem ekki fá atvinnu verði tryggður réttur til atvinnuleysisbóta/örorkubóta sem taki mið af framfærslukostnaði.
• Bæta rétt launamanna til óskertra launa í veikindum launamanns, barna hans maka og. Einnig við andlát náinna fjölskyldumeðlima.
• Bæta rétt foreldra í fæðingarorlofi.
• Vinna að því að starfsmönnum sé búin heilsusamleg vinnuaðstaða.
• Bandalagið vinni að því að það verði skilgreint sem réttindi að sérhver launamaður fái notið sín í starfi.
• Vinna að bættri andlegri og líkamlegri líðan félagsmanna í starfi.
• Bandalagið vinni að því að tryggja faglegt sjálfstæði, tjáningar- og skoðanafrelsi starfsmanna.
• Vinna að bættri andlegri og líkamlegri líðan félagsmanna í starfi.
• Bæta rétt trúnaðarmanna.
• Starfsmenn eigi aðild að stjórn stofnana og fullt tillit verði tekið til fagþekkingar og sjónarmiða þeirra við ákvarðanatöku um starfsaðferðir, rekstur og fjárfestingar.
• Bandalagið vinni að því að í verklagsreglum stofnana og fyrirtækja komi fram að innihald skýrslu endurspegli ekki nauðsynlega skoðun höfundar.

 

Verkefni:

• Bandalagið vinni að því að og lög um kjarasamninga opinberra starfsmanna verði afnumin og við taki vinnulöggjöf sem taki til allra launamanna óháð starfi og vinnuveitanda.
• Bandalagið vinni að eflingu og varðveislu ráðningarréttinda, veikindaréttar, fæðingarorlofs og annarra réttinda.Bandalagið vinni að því að um réttindi verði gerðir kjarasamningar við atvinnurekendur, hvort sem um er að ræða ríki, sveitarfélög eða atvinnurekendur á almennum markaði.
• Bandalagið vinni að samningagerð um réttindi í samræmi við umboð sem félögin veita því til slíkrar vinnu.
• Bandalagið vinni að því að aflagðar verði skyldur á ríkisstarfsmenn umfram aðra launamenn í landinu.
• Bandalagið vinni að því að viðurkenndur verði réttur til launa fyrir skyldur sem eru umfram þær sem aðrir launamenn í landinu búa við meðan slíkt ástand varir.
• Bandalagið vinni að því að gera sveigjanleg starfslok að réttindum sem kveðið er á um í kjarasamningum.
• Bandalagið vinni að eflingu réttinda og varðveislu þeirra með tilliti til tilskipana EES á sviði vinnuréttar.
• Bandalagið hafi forgöngu um bættan rétt trúnaðarmanna.
• Bandalagið vinni að því að störf trúnaðarmanna á stórum vinnustöðum verði metin sem hluti af vinnuskyldu.
• Bandalagið vinni að því að fá vinnuveitendur til að taka meiri þátt í kostnaði af trúnaðarmannakerfinu.
• Bandalagið standi ásamt vinnuveitendum fyrir sameiginlegum námskeiðum trúnaðarmanna og yfirmanna stofnana/fyrirtækja.
• Bandalagið vinni að eflingu og varðveislu lífeyrisréttinda.
• Bandalagið vinni að hagsmunavörslu sjóðfélaga með þáttöku í stjórnum LSR og LSS.
• Bandalagið vinni að eflingu lífeyrisréttinda félagsmanna á almennum markaði.
• Bandalagið stuðli að bættri líðan félagsmanna á vinnustað með:
• • Miðlun upplýsinga um vinnutímamál.
  • Að vera vettvangur fyrir samráð félaga og veita ráðgjöf vegna álags/áreitis á vinnustað.
  • Að á vegum bandalagsins starfi vinnuumhverfisnefnd sem taki til umfjöllunar og aðstoði við úrlausn vandamála er upp kunna að koma og tengjast vinnuumhverfi.
• Bandalagið reki mál er varða ágreining um réttindi og skyldur eða önnur sameiginleg hagsmunamál aðildarfélaga eða félagsmanna fyrir dómstólum samkvæmt ákvörðun miðstjórnar.
• Bandalagið standi fyrir fræðslu um réttindamál með:
• • Gerð og útgáfu fræðsluefnis.
  • Námskeiðahaldi um réttindamál.
  • Að auka aðgengilegt efni á vefnum
• Bandalagið vinnur að réttindamálum í samstarfi við:
• • Hagsmunasamtök íslenskra launamanna.
  • Erlend hagsmunasamtök háskólamanna.

 

Starfsvettvangur:

Miðstjórn, stjórn, laganefnd, lífeyrisnefnd, jafnréttisnefnd, skrifstofa, vinnuumhverfisnefnd, kjara- og launaþróunarnefnd.

 

EFNAHAGS-, NEYTENDA- OG SKATTAMÁL

Leitað verði leiða til kjarabóta í skatta- og neytendamálum.

Helstu stefnumið Bandalags háskólamanna varðandi endurskoðun á skattakerfinu eru eftirfarandi:

• Rík áhersla verði lögð á að létta byrða félagsmanna vegna námslána. T.d. verði eftirfarandi leiðir kannaðar:
• • Að endurgreiðslur námslána verði frádráttarbærar frá tekjuskattsstofni.
  • Vextir og verðbætur myndi stofn til vaxtabóta.
  • Tillit verði tekið til fjárfestinga einstaklinga í menntun (endurgreiðsluhlutfall).
  • Uppsafnaður persónuafsláttur frá námstíma nýtist að námi loknu.
  • Lækkun endurgreiðsluhlutfalls námslána.
• Almennur sparnaður skerði ekki lífeyrisgreiðslur (almennar bótagreiðslur frá Tryggingastofnun).
• Skattleysismörk verði hækkuð.
• Hugað verði að réttlátri skipan fjármagnstekjuskattsmála og hvort jafnræðis sé gætt í samanburði við aðra skattlagningu.
• Tekjutenging barnabóta verði afnumin.
• Eignamörk til frádráttar eignaskattsstofni verði hækkuð hjá öldruðum.
• Stuðlað verði að virku skatteftireliti.

 

Verkefni:

Bandalagið framfylgi stefnu þess í skattamálum með því að:

• Veita Alþingi umsagnir um skattamál.
• Vekja athygli á stefnu bandalagsins í ræðu og riti.

Helstu stefnumið Bandalags háskólamanna í neytendamálum eru eftirfarandi:

• BHM móti sér stefnu í neytendamálum og hugi að leiðum til að taka upp virkt starf á þeim vettvangi.
• Skipulögð verði námskeið fyrir félagsmenn til þess að efla neytendavitund þeirra.
• Hugað verði að úrræðum í heilbrigðismálum, með það að markmiði að sporna við þeirri þróun sem leitt hefur til sífellt aukinnar gjaldtöku af einstaklingum fyrir heilbrigðisþjónustu.
• Samstarf við Neytendasamtökin verði kannað.
• Hugað verði að fleiri valkostum í húsnæðismálum, s.s. aðgerðum til þess að hvetja til aukins framboðs á leiguhúsnæði og hækkun húsnæðislána í samræmi við hækkað markaðsverð.
• Hugað verði að aðgerðum til þess að efla eða koma á viðurlögum við brotum á hagsmunum og réttindum neytenda.
• Leitað verði leiða til þess að sporna við sífellt aukinni gjaldtöku fyrir menntun þannig að jafnréttis til náms sé gætt.
• Hugað verði að því að samtökin hafi aðgang að haldbærum hagfræðiupplýsingum þar sem að hlutlægum aðilum sem veita slíkar upplýsingar hefur fækkað, (Þjóðhagsstofnun) t.d. með samstarfi við önnur kjarasamtök í landinu.

 

Starfsvettvangur:

Miðstjórn, stjórn, skattanefnd, skrifstofa, samstarfshópur BHM og námsmannahreyfingarinnar.

 

 

ATVINNUMÁL

Bætt og örugg lífskjör á Íslandi verða aðeins tryggð með fjölbreyttu atvinnulífi, þar sem

verðmætasköpunin byggir á þekkingu og sérhæfni starfsmanna jafnt í framleiðslu og þjónustu sem

og þróun og sölu. Réttur til atvinnu er frumréttur sérhvers vinnufærs einstaklings.

Helstu stefnumið Bandalags háskólamanna í atvinnumálum eru að:

• Hvetja stjórnvöld og atvinnufyrirtækin í landinu til að styrkja nýsköpun í atvinnulífi sem krefst sérstakrar fagmenntunar.
• Menntun sé nýtt til þess að úrvinnsla og þróun taki í auknu mæli sess frumvinnslunnar.
• Fjölga störfum þar sem fagmenntun starfsmanna er undirstaða verðmætasköpunar.
• Hvetja stjórnvöld til að gera stórátak í menntamálum sem miði að því að fjölga starfsgreinum og þeim sem ljúka skilgreindu námi í þeim.
• Hvetja stjórnvöld og fyrirtæki til að móta langtímastefnu um það hvernig bregðast skuli við breytingum og þróun í atvinnuháttum og einstökum atvinnugreinum. Í þeirri stefnu séu fagmenntuðum einstaklingum tryggðir möguleikar á endurmenntun í grein sinni og/eða námi í annarri faggrein eftir því sem vinnumarkaður þarfnast og í því skyni að tryggja einstaklingnum atvinnu.
• Öllum vinnufærum verði tryggður réttur til vinnu
• Öllum vinnufærum, sem ekki fá atvinnu, verði tryggður réttur til atvinnuleysisbóta sem taki mið af lágmarksframfærslu.

 

Verkefni:

• Bandalagið hvetji stjórnvöld til að nýta starfskrafta háskólamanna á sem fjölbreyttastan máta til hagsbóta fyrir íslenskt atvinnulíf og háskólamenn og leiti eftir tækifærum til að taka þátt í stefnumótun um slík mál.
• Bandalagið vinni að stefnumótun með aðilum vinnumarkaðarins að atvinnu- og menntunarmálum háskólamanna og launamanna almennt. Stjórnir/ráð/hópar sem bandalagið á aðild að til að vinna að slíkum málum eru:
• • Endurmenntunarstofnun Háskóla Íslands.
  • Atvinnuleysistryggingasjóður.
  • Starfshópar sem skipaðir eru vegna tiltekinna verkefna.
• Bandalagið vinni að bættum réttindum og stöðu atvinnulausra sérstaklega með tilliti til bótaréttar, menntunar og þjálfunar sem miði að bættum möguleikum þeirra á vinnumarkaði.
• Bandalagið vinni að breytingum á lögum um málefni atvinnulausra sem miði að markvissari vinnubrögðum og jafnari stöðu heildarsamtaka að stefnumótun og ákvarðanatöku um málaflokkinn.

 

Starfsvettvangur:

Miðstjórn, stjórn, menntanefnd, skrifstofa.

 

 

JAFNRÉTTISMÁL

Konur og karlar standi jöfn að vígi hvað snertir menntun, tekjuöflun, starfsval, atvinnutækifæri,

starfsframa, starfsréttindi, lífeyrisréttindi og tryggingar.

 

Menntamál:

• Hlutverk og markmið Bandalags háskólamanna er að beita sér fyrir því að menntun háskólamanna sé virt sem forsenda þróunar og framfara í íslensku atvinnulífi og að hún sé metin að verðleikum til launa.
• Jafnréttisstefna bandalagsins er verkfæri til að ná þessum markmiðum. Það þýðir að samþætta skuli jafnréttissjónarmið öllu starfi bandalagsins.
• Jafnréttissjónarmið ríki í menntakerfinu svo að það þjóni fræðslu- og uppeldishlutverki sínu fyrir bæði kynin.
• Náms- og starfsval kvenna og karla breytist þannig að vinnumarkaður verði ekki kynskiptur.
• Hlutur kvenna í sjálfstæðum rannsóknum aukist.
• Konum og körlum verði tryggðir jafnir möguleikar á sí- og endurmenntun.

 

Verkefni

• Bandalagið vinni að því að nám sé skipulagt þannig að foreldrar allra barna geti auðveldlega stundað nám á háskólastigi.
• Bandalagið vinni að því að námslánakerfið taki aukið tillit til mismunandi fjölskylduaðstæðna.
• Bandalagið beiti sér fyrir því að tillit sé tekið til jafnréttismála á öllum stigum í skipulagi endur- og símenntunnar, m.a. með því að beina því til stéttarfélaga innan og utan BHM að semja um réttindi á þessu sviði.
• Bandalagið beiti sér fyrir því að jafn réttur karla og kvenna til rannsóknarstyrkja sé virtur.

 

 

Starf og starfsumhverfi

• Skipulag vinnunnar gefi möguleika á sveigjanlegum vinnutíma og starfsumhverfi.
• Starfsmannastefna stofnana og fyrirtækja veiti konum og körlum sömu möguleika til starfsframa og þróunar í starfi.
• Bæði kyn hafi jafna möguleika á ráðningu í stjórnunarstöður og rannsóknarstörf.
• Starfsmenn þurfi ekki að búa við einelti og áreitni í vinnuumverfi sínu.

 

Verkefni

• Bandalagið hvetji til þess að stofnanir og fyrirtæki setji sér starfsmannastefnu, þar sem jafnréttisáætlanir og fjölskyldustefna komi fram.
• Bandalagið vinni að því að EES-tilskipanir á sviði vinnuverndar öðlist gildi.
• Bandalagið fylgi eftir áformum félagsmálaráðuneytisins þess efnis að tryggja að starfsmenn þurfi ekki að búa við áreitni í vinnuumhverfi sínu.

 

Tekjur og starfskjör

• Launaákvarðanir byggi á kynhlutlausu mati á störfum og einstaklingum þannig að konur og karlar fái jafnhá laun og njóti sömu starfskjara fyrir sambærileg og jafnverðmæt störf.
• Lögð verði áhersla á að menntun, sérhæfni og ábyrgð kvenna og karla séu metin jafnt til launa.
• Konur jafnt sem karlar njóti sömu möguleika til starfsþjáfunar og sí- og endurmenntunar til að auka hæfni í starfi og tekjumöguleika.

 

Verkefni

• Bandalagið hvetji til þess að samið verði í kjarasamningum um kynhlutlaust og gagnsætt launakerfi með það markmiði að konum og körlum séu greidd jafnhá laun fyrir sambærileg og jafnverðmæt störf og hefðbundin kvennastörf verði endurmetin.
•  Bandalagið hvetji til þess að samið verði í kjarasamningum um reglubundnar mælingar á því hvort launakerfið sé kynhlutlaust og launakannanir verði kyngreindar í meira mæli en áður.
• Bandalagið stuðli að bættu aðgengi stéttarfélaga að nákvæmum kjaraupplýsingum.
• Bandalagið stuðli að því að trúnaðarmenn og yfirmenn á vinnustöðum fái sérstaka fræðslu um launajafnrétti og hvernig unnt sé að tryggja það.
• Útbúið verði sérstakt fræðsluefni fyrir trúnaðarmenn og forstöðumenn stofnana/fyrirtækja.
• Bandalagið stuðli að því að trúnaðarmenn á vinnustöðum fái aukið hlutverk við að fylgjast með framkvæmd jafnréttisákvæða við auglýsingu á lausum störfum, við val á nýjum starfsmönnum, við ákvörðun um starfsframa starfsmanna og við ákvörðun um launakjör starfsmanna. Þetta verði stutt með fræðslu fyrir trúnaðarmenn innan bandalagsins.

 

 

FJÖLSKYLDUSTEFNA

Þarfir allra barna, frá fæðingu til 18 ára aldurs, fyrir öryggi, umönnun og þroskavænleg uppeldisskilyrði verði settar á oddinn.

Öllum börnum verði tryggður aðgangur að leikskóla eftir að fæðingarorlofi lýkur.

Öllum börnum verði búin góð vinnuaðstaða í skóla og þeim tryggður samfelldur skóladagur.

Foreldrar allra barna hafi möguleika á sveigjanlegum vinnutíma og/eða hlutastörfum.

 

Verkefni

Bandalagið vinni að því að lögbundið eða samningsbundið fæðingarorlof foreldra verði 18 mánuðir.

Bandalagið vinni að því að tryggja foreldrum ungra barna ódýra og örugga dagvist.

Bandalagið vinni að því að foreldrar eigi kost á hlutastörfum og að skipulag vinnu taki mið af þörfum þeirra.

Bandalagið vinni að því að tilskipanir EES um málefni fjölskyldunnar verði fullgildar.

Bandalagið vinni að því að 13 vikna orlof, skv.ákvæði laganna um fæðinga- og foreldraorlof, verði launað.

Bandalagið vinni að auknum möguleikum starfandi fólks á því að samstilla orlöfstökurétt við

frí í skólum.

Skólaheimsóknir verði viðurkenndar í kjarasamningum þ.a. að hægt verði að fara 2-3x á vetri í

viðtöl/skólaheimsóknir án þess að dregið verði af launum eða fríi.

Viðurkenndur verði réttur foreldra til að fara með börn sín til lækna/tannlækna.

Unnið verði að raunverulegum skattafrádrætti vegna framfærslu barna, þ.e. hvert barn hafi

persónuafslátt.

Bandalagið stuðli að því að foreldrum verði tryggður aukinni réttur vegna veikinda barna upp

að 18 ára aldri.

 

Starfsvettvangur

Jafnréttismál eru samþætt öllu starfi bandalagsins og því á vettvangi allra sem koma að störfum

þess.

 

 

MENNTAMÁL

Þekking og menntun er þjóðarhagur

Helstu stefnumið Bandalags háskólamanna í menntamálum eru að:

• Stuðla að aukinni menntun og sérhæfingu á öllum sviðum þjóðlífsins.
• Taka virkan þátt í umræðu um skóla- og menntamál á hverjum tíma.
• Taka virkan þátt í umræðu um málefni háskólastigsins.
• Fjalla (í samráði við aðildarfélögin) um námsframboð og námskröfur í framhaldsskólum, inntöku í háskóla, námsframboð í háskóla og sérskóla og almennt um skilyrði til að stunda nám hérlendis og erlendis.
• Móta stefnu um námslengd, prófgráður og hæfniskröfur um nám og störf háskólamanna.
• Móta stefnu um framboð endur-, viðbótar- og símenntunar háskólamanna.
• Berjast fyrir rétti háskólamanna til að viðhalda menntun sinni og fyrir auknum skilningi í samfélaginu á mikilvægi sí- og endurmenntunar. Fjalla um möguleika til að afla sér háskólamenntunar erlendis.
• Stuðla að eflingu lána- og styrkjamöguleika til háskólanáms og vinna að því að endurgreiðslur námslána séu í samræmi við greiðslugetu eftir nám.
• Standa fyrir fræðslustarfi fyrir félagsmenn um réttinda- og kjaramál, kjararannsóknir og vinnumarkaðsmál.
• Halda ráðstefnur um menntamál.
• Að bandalagið eigi aðild að stjórn LÍN.

 

Verkefni:

Bandalagið taki þátt í stefnumótun um efri skólastig, endurmenntun og fræðslumál m.a. með:

• Þátttöku í nefndum og starfshópum sem stjórnvöld skipa til að fjalla um málaflokkinn.
• Endurmenntunarstofnun Háskóla Íslands.

 

Bandalagið leggi sérstaka áherslu á endurmenntun sem tæki til að bæta stöðu félagsmanna á vinnumarkaði og stuðla að starfsþróun t.d. með því að:

• Hvetja stofnanir til að móta stefnu í endur- og símenntun starfsmanna
• Standa fyrir námskeiði þar sem aðildarfélögunum verði kynntir möguleikar þess að nota fjarfundabúnað og gagnvirk samskipti við námskeiðahald.

 

Bandalagið hvetji til bóta á afkomu námsmanna, jafnréttis til náms og veki jafnframt athygli á erfiðri skuldastöðu og endurgreiðslubyrði námlána með því að:

• Vinna að skattaívilnun eða annars konar ívilnun varðandi endurgreiðslubyrði námslána sbr. samstarf BHM við önnur hagsmunasamtök.
• Taki þátt í stefnumótun um námslán, námsstyrki og félagsleg úrræði.

 

Bandalagið leiti eftir aðild að Lánasjóði íslenskra námsmanna.

 

Starfsvettvangur:

Miðstjórn, stjórn, menntanefnd, jafnréttisnefnd, skrifstofa.

 

REKSTUR BANDALAGS HÁSKÓLAMANNA

Hlutverk Bandalags háskólamanna er m.a. að sjá um rekstur og vörslu sameiginlegra eigna og sjóða aðildarfélaganna og/eða félagsmanna.

Starfsfólk skrifstofu Bandalags háskólamanna hefur það hlutverk að þjóna aðildarfélögunum og einstökum félagsmönnum. Þjónustuvilji og gott viðmót eru einkunnarorð sem starfsfólk skal ávallt hafa í heiðri.

 

Almenn verkefni:

Reikningshald, fjármálavarsla og áætlanagerð vegna rekstrar bandalagsins.

Umsjón og rekstur Starfsmenntunarsjóðs Bandalags háskólamanna samkvæmt samningum þar að lútandi.

Umsjón og rekstur Orlofssjóðs Bandalags háskólamanna samkvæmt samningum þar að lútandi.

Umsjón og rekstur Sjúkrasjóðs Bandalags háskólamanna samkvæmt samningum þar að lútandi.

Umsjón og rekstur Styrktarsjóðs Bandalags háskólamanna samkvæmt samningum þar að lútandi.

Umsjón með rekstri Ásbrúar samkvæmt samningum þar að lútandi.