Grænbók um sjálfbært Ísland

Heildarsamtök launafólks á Íslandi (ASÍ, BSRB, BHM og KÍ) styðja markmið um sjálfbæra þróun og samdrátt í losun gróðurhúsalofttegunda með réttlát umskipti að leiðarljósi. Þær umbætur sem eru nauðsynlegar til að uppfylla þessi markmið krefjast fordæmalausra kerfisbreytinga á sviði umhverfis- samfélags- og efnahagsmála. Uppbygging sjálfbærs samfélags krefst þess að réttlæti, jöfnuður og velferð séu í forgrunni og að tekist sé á við umhverfislegar, félagslegar og efnahagslegar áskoranir samtímis.