Í hádeginu í dag (7.12.) var ritað undir nýtt samkomulag um rekstur Ráðgjafarstofu um fjármál heimilanna. Ráðgjafarstofan er sjálfstæð stofnun sem fær rekstrarfé m.a. frá ríki og borg, auk lánastofnana og fleiri fyrirtækja. Aðilar að nýja samkomulaginu eru Alþýðusamband Íslands, Bandalag háskólamanna, Bandalag starfsmanna ríkis og bæja, félagsmálaráðuneytið, Íbúðalánasjóður, Glitnir hf., Kaupþing banki hf., Kópavogsbær, Kreditkort hf., Landsbanki Íslands hf., Landssamtök lífeyrissjóða, Rauði kross Íslands, Reykjavíkurborg, Samband íslenskra sparisjóða, Samband íslenskra sveitarfélaga og Þjóðkirkjan.