Fréttir: maí 2008

29.5.2008 : Nýtt á vef BHM: Pistlar formanns

writing1Framvegis mun Guðlaug Kristjánsdóttir birta stutta pistla á vef BHM um það sem er efst á baugi í starfinu hverju sinni. Að sjálfsögðu eru það kjaramál og samningar sem eiga hug formannsins þessa dagana - fyrsti pistillinn fjallar því um þá einkennilegu stöðu sem háskólafólk finnur sig í enn þann dag í dag; að þurfa að berjast fyrir því að menntun þess sé metin að verðleikum til launa. Pistilinn má lesa hér.

29.5.2008 : Fyrsti samningafundur samráðshóps aðildarfélaga BHM

Fyrsti fundur samráðshópsins með samninganefnd ríkisins

Lesa meira

27.5.2008 : Sættum okkur ekki við vinnubrögð ríkisins

080527Kjarakaffi_BHMBandalag háskólamanna lýsir yfir óánægju með þau vinnubrögð sem viðhöfð hafa verið við yfirstandandi kjarasamningagerð af hálfu samninganefndar ríkisins. Í morgun var send fréttatilkynning á fjölmiðla þess efnis.

Lesa meira

26.5.2008 : Upplýsingar um orlofsuppbót

Félagsmenn allra aðildarfélaga BHM eiga samkvæmt kjarasamningum rétt á orlofsuppbót sem greiða skal út 1. júní á árabilinu 2006 - 2008.

Lesa meira

26.5.2008 : Samningur BSRB við Ríkið í höfn

Gengið var frá samningi aðildarfélaga BSRB sem áttu lausa samninga við ríkið 1. maí sl. við samninganefnd ríkisins rétt í þessu. Samið var til skamms tíma eða til loka mars á næsta ári. Samið var um 20.300 króna hækkun frá 1. maí. Einnig var samið um hækkun greiðslu ríkisins í styrkarsjóði BSRB um 0,2%, fer úr 0,55% í 0,75% um næstu áramót. Þá er í samningnum gengið frá ýmsum öðrum réttindamálum. Lesa meira

20.5.2008 : Loks þokast í samningsátt

Í dag hafa Bandalaginu borist fréttir frá nokkrum aðildarfélögum sem hafa átt fundi með Ríkissáttasemjara og Samninganefnd ríkisins. Almennt má segja að hljóðið sé gott í fólki og skilaboðin eru öll á þá leið að nú þokist viðræður loks í samningsátt. BHM fagnar þessum góðu tíðindum og mun að sjálfsögðu færa félagsmönnum fréttir af þróun mála hér á vefnum.

16.5.2008 : Krefjumst viðræðna við fulltrúa ríkisstjórnar

Aðalfundur BHM samþykkti föstudaginn 16. maí að senda frá sér eftirfarandi ályktun:

"Aðalfundur BHM lýsir yfir áhyggjum vegna þeirrar pattstöðu sem samningaviðræður við ríkið eru komnar í. Það er óásættanlegt að samninganefndir aðildarfélaga bandalagsins mæti á fund eftir fund með samninganefnd ríkisins án þess að nokkrar eiginlegar viðræður eigi sér stað. Þessi kyrrstaða í samningmálunum er alfarið á ábyrgð fjármálaráðherra. Aðildarfélögum BHM er enn boðið upp á samning með forsenduákvæði sem þegar er brostið og því er það skýlaus krafa aðalfundar að fjármálaráðherra veiti samninganefnd sinni umboð til að ræða um samningsmarkmið sem sátt gæti náðst um."

16.5.2008 : Guðlaug Kristjánsdóttir nýr formaður BHM

Gudlaug_Kristjansdottir_1Tillaga uppstillingarnefndar um nýja stjórn BHM var samþykkt með atkvæðagreiðslu og lófataki í dag. Nýkjörinn formaður er Guðlaug Kristjánsdóttir, Stéttarfélagi sjúkraþjálfara. Lesa meira

8.5.2008 : Ný stjórn BHM

Tillaga uppstillingarnefndar að nýrri stjórn BHM liggur nú fyrir. Lesa meira

6.5.2008 : Kjarakaffi - miðvikudaginn 7. maí

Allir áhugasamir um kjaramál og kjarasamninga aðildarfélaga BHM velkomnir. Stefán Aðalsteinsson, framkvæmdastjóri BHM, fer yfir samantekt sem skrifstofa BHM hefur gert um hvaða aðgerða er þörf til að kaupmáttur félagsmanna haldist. Borgartún 6, 3. hæð, kl. 16-18. Kaffi og meðlæti.
Lesa meira

2.5.2008 : Framhaldsaðalfundur 16. maí 2008 - dagskrá og gögn

Aðalfundi BHM sem haldinn var 3.-4. apríl sl. var eins og kunnugt er frestað um 6 vikur. Fundinum verður haldið áfram þar sem frá var horfið í Rúgbrauðsgerðinni, Borgartúni 6, 4. hæð, föstudaginn 16. maí kl. 9.00. Lesa meira

2.5.2008 : Miðvikudagur 7. maí - morgunverðarerindi

BHM býður félagsmönnum til morgunverðarfundar miðvikudaginn 7. maí, kl. 8.30 í fundarsalnum Borgartúni 6. Erna Guðmundsdóttir, lögfræðingur BHM, flytur erindi um lög um kjarasamninga og lög um stéttarfélög og vinnudeilur og ýmis ákvæði sem gott er að vita um í starfi fyrir stéttar- og kjarafélög. BHM býður upp á léttan morgunverð fyrir þá sem mæta. Allir félagsmenn velkomnir. Vinsamlega tilkynnið þátttöku til Jónu móttökufulltrúa (jona@bhm.is).

Fréttir