Chat with us, powered by LiveChat

Fréttir: apríl 2009

29.4.2009 : Ályktun aðalfundar BHM 2009

„Aðalfundur Bandalags háskólamanna haldinn þann 29. apríl 2009 óskar væntanlegri ríkisstjórn velfarnaðar í starfi. BHM beinir því til hennar að huga að málefnum háskólamanna á vinnumarkaði og standa vörð um velferð og menntun landsmanna.

 

BHM hvetur stjórnvöld til að halda vöku sinni hvað varðar fólks- og atgervisflótta af völdum atvinnuleysis og erfiðs efnahagsástands.

 

Bandalagið leggur áherslu á að það mun standa vörð um kjör félagsmanna sinna, sem þegar hafa rýrnað verulega vegna kaupmáttarskerðingar, brottfalls yfirvinnu, breytinga á vaktakjörum og lækkunar starfshlutfalls á sama tíma og álag í starfi hefur víða aukist.

 

Bandalagið ítrekar mikilvægi lífeyrissjóða landsmanna og nauðsyn þess að fjármunum þeirra sé varið með hagsmuni sjóðsfélaga í huga hvað varðar öryggi og ávöxtun.

 

Samráðsferli aðila vinnumarkaðarins hefur liðið fyrir takmarkaða aðkomu ríkisvaldsins. BHM leggur ríka áherslu á að slíkt samráð verði til staðar og telur ómögulegt að ná sátt um þær aðgerðir sem grípa þarf til á næstu misserum nema svo verði.“

Lesa meira
Gudlaug_Kristjansdottir_2

28.4.2009 : BHM býður aðalfundarfulltrúa velkomna

Aðalfundur Bandalags háskólamanna er haldinn miðvikudaginn 29. apríl, kl. 9 - 17.15. Yfirskrift fundarins er að þessu sinni "Menntun og velferð". Byrjað verður að afhenda fundargögn kl. 8.30 - fundurinn er haldinn í fundarsal Rúgbrauðsgerðarinnar, Borgartúni 6, 4. hæð.

Eftirfarandi fréttatilkynning var send á fjölmiðla og miðstjórn:

Lesa meira
ísland

22.4.2009 : Útilegukortið, Veiðikortið og hótelmiðar í sumar

Orlofssjóður BHM býður nú sjóðfélögum í fyrsta sinn að kaupa Útilegukortið og Veiðikortið á góðum afslætti. Kortin gilda fyrir árið 2009. Einnig er nú hægt að kaupa hótelmiða OBHM sem gefa kost á ódýrri gistingu um allt land.

Lesa meira

19.4.2009 : Hádegisfundur - Hagsmunasamtök heimilanna

Mánudaginn 20. apríl koma fulltrúar frá Hagsmunasamtökum heimilanna í heimsókn til BHM.

Lesa meira

16.4.2009 : Fundur trúnaðarmanna með heilbrigðisráðherra - útsending - upptaka

Upptaka af fundir trúnaðarmanna

Lesa meira
altingi

15.4.2009 : Ríkisstjórn eykur framlag til LÍN

Ríkisstjórn Íslands samþykkti á fundi sínum þriðjudaginn 14. apríl, að auka framlag til Lánasjóðs íslenskra námsmanna um 660 milljónir króna til að koma til móts við þarfir stúdenta sem vilja stunda nám í sumar. Einnig var samþykkt að menntamálaráðherra ræddi við háskólana um framboð lánshæfra sumarnámskeiða í sumar.

Lesa meira

6.4.2009 : LSR skylt að greiða dráttarvexti af vangoldnum lífeyrisgreiðslum

Í dómi héraðsdóms frá 27. mars sl. var viðurkennd skylda stefnda, Lífeyrissjóðs starfsmanna ríkisins, til greiðslu dráttarvaxta af vangoldnum lífeyrisgreiðslum til stefnanda sem var kennari við Sjómannaskólann í Reykjavík. Ágreiningur var uppi um hvort heimilt væri að reikna dráttarvexti á vangoldnar lífeyrisgreiðslur frá lífeyrissjóði til lífeyrisþega þegar lífeyrisgreiðslur voru leiðréttar aftur í tíma. Fallist á með stefnanda að heimilt væri að dráttarvaxtareikna greiðslurnar. Lesa meira

6.4.2009 : Nemandi dæmdur til að greiða kennara sínum  skaðabætur

Kennari hlaut varanlegt líkamstjón í starfi sínu er nemandi hennar, sem haldin var Asperger-heilkenni, skellti aftur rennihurð þannig að hún lenti á höfði kennarans. Kennarinn krafðist bóta óskipt úr hend nemandans og sveitarfélagsins, sem hafði með höndum rekstur skólans.

Lesa meira
Forsíðumynd 2009

2.4.2009 : Stóraukinn fjöldi umsókna til Orlofssjóðs

Nú er umsóknarfresturinn til að sækja um sumarhús innanlands í sumar lokið. Alls bárust 1435 umsóknir þetta árið miðað við 979 umsóknir í fyrra. Þetta er rúmlega 46% fjölgun umsókna. Úthlutun fer fram föstudaginn 3. apríl og verða svör send í tölvupósti strax að úthlutun lokinni.

Lesa meira

1.4.2009 : Ný tilkynning vegna flutnings á SPRON til Nýja Kaupþingsbanka

Innlánsreikningar SPRON hafa færst yfir til Nýja Kaupþings. Bankareikningar BHM  sem voru áður í útibúi 1158 hjá SPRON hafa því fengið nýtt bankanúmer 0336. Að öðru leyti halda reikningsnúmerin sér.

Reikningsnúmer vegna launatengdra gjalda: 0336-26-50000 kt. 6303872569

Innheimta á launatengdum gjöldum hefur ennfremur verið flutt til Nýja Kaupþingsbanka.

Rafræn skil sendist á sama hátt og áður en önnur skil sendist á netfangið skbib@bhm.is

Nánari upplýsingar má sjá á hér á heimasíðunni  undir  flipanum Launagreiðendur/greiðslur til sjóða.

Lesa meira
Fréttir