Fréttir: desember 2010

14.12.2010 : Útborgun styrkja úr sjóðum fyrir jól

Sjúkra- og Styrktarsjóður BHM:  Styrkir þar sem umsóknir ásamt nauðsynlegum gögnum bárust sjóðunum í síðasta lagi 9. desember síðastliðinn verða greiddir út á tímabilinu 21. til 22. desember.

Starfsmenntasjóður BHM:  Samþykktir styrkir þar sem fullnægjandi gögn hafa borist sjóðnum verða greiddir út á tímabilinu 21. til 22. desember.  Umsóknir sem bárust í nóvember og desember verða teknar fyrir á fundi stjórnar Starfsmenntasjóðs þann 11. janúar næstkomandi og koma í fyrsta lagi til greiðslu eftir þann tíma.

Lesa meira

13.12.2010 : Tímabundið starf rof á samfelldri ráðningu

 

Málavextir í stuttu máli eru þeir að B (stefnandi) gerði kröfu um greiðslu biðlauna vegna starfsloka sinna hjá Geislavörnum ríkisins haustið 2008. B, sem er tæknifræðingur að mennt, starfaði samfellt hjá Landspítala frá 1985 til janúarloka 2004. Hann var ráðinn til starfa hjá Geislavörnum ríkisins frá og með 24. maí 2004. Frá 1. janúar til 31. maí 2004 starfaði hann sem stundakennari við Tækniskóla Íslands. Honum var sagt upp störfum með þriggja mánaða fyrirvara miðað við 1. september 2008 vegna breyttra áherslna í starfsemi Geislavarna í kjölfar lagabreytinga, þar sem fremur væri krafist þekkingar á geislaeðlisfræði, mælifræði og stærðfræði en á raftæknifræði.

Lesa meira
Fréttir