Nýlega var kveðinn upp félagsdómur í máli nr. 6/2011, BSRB f.h Starfsmannafélags Reykjavíkurborgar gegn Orkuveitu Reykjavíkur. Mál þetta var höfðað í tilefni af uppsögn trúnaðarmanns. Uppsögnin var rökstudd með vísan til endurskipulagningar og hagræðingar í starfsemi Orkuveitu Reykjavíkur en sviðið sem trúnaðarmaðurinn starfaði við var lagt niður í heild sinni.  Niðurstaða Félagsdóms var sú að dómurinn taldi að uppsögnin hafi verið brot á meginreglu 2. málsl. 11. gr. laga nr. 80/1938 og því ólögmæt.