Fréttir: 2012

5.7.2012 : Hvenær lækkar maður laun?

- Grein formanns Bandalags háskólamanna sem birtist í Fréttablaðinu í dag.
Reykjavíkurborg er meðal þeirra vinnuveitenda sem stóð ekki við sinn hluta þess samkomulags sem gert var við starfsfólk um tímabundna launalækkun til eins árs, þrátt fyrir að samkomulagið hafi verið skriflegt.
Lesa meira

20.6.2012 : Gleðilegt ferðasumar - hvernig væri að skella sér í bústað í blíðunni.

Orlofssjóður BHM býður sjóðfélögum sínum upp á fjölbreytt úrval sumarhúsa og íbúða innanlands og utan. Kynntu þér það sem í boði er á vef Orlofssjóðsins eða á bókunarvef.

Lesa meira

18.6.2012 : Opinn kynningarfundur um staðall um launajafnrétti

Staðall um launajafnrétti verður kynntur á morgunverðarfundi á Grand Hótel Reykjavík þriðjudaginn 19.júní kl. 8-10.
Lesa meira

15.6.2012 : Stjórn Bandalags háskólamanna lýsir þungum áhyggjum af stöðu háskólastigsins í íslensku menntakerfi.

Stjórn BHM lýsir þungum áhyggjum af stöðu háskólastigsins í íslensku menntakerfi, en Ísland er eina landið innan OECD sem ver minna fé til menntunar hvers nemanda á háskólastigi en á grunnskólastigi. Framlag á nemanda á háskólastigi er 25% undir meðaltali OECD-ríkjanna. Stjórn BHM telur þessar staðreyndir kalla á endurskoðun og endurskipulag í menntamálum á Íslandi, ekki síst í ljósi mikilvægis háskólamenntunar fyrir framþróun á vinnumarkaði, nýsköpun og hagvöxt.

Lesa meira

14.6.2012 : Mánaðarlegar greiðslur óverðtryggðra lána með breytilegum vöxtum geta hækkað hratt

fme_logoFjármálaeftirlitið hefur birt samantekt þar sem vakin er athygli neytenda á næmi greiðslubyrði óverðtryggðra lána með breytilegum vöxtum fyrir vaxtahækkunum og hvetur til varkárni í skuldsetningu. Greiðslubyrði þessara lána getur aukist hratt í takt við hækkandi stýrivexti þegar Seðlabanki Íslands er í hækkunarferli.

Eftirlitið telur að ekki sé við því að búast að laun hækki að sama skapi meðan á ferlinu stendur og því sé viðbúið að skarpur samdráttur verði í ráðstöfunartekjum að lokinni afborgun húsnæðislána eftir því sem vextir hækka.

Mikilvægi þess að gera ráð fyrir svigrúmi til að mæta aukinni greiðslubyrði verður seint ofmetið og gæta verður að því að ætla sér ekki um of eða spenna bogann of hátt við töku slíkra lána til húsnæðiskaupa.


Sjá nánari útskýringar og dæmi í samantekt Fjármálaeftirlitsins.

Lesa meira

22.5.2012 : Eitt húsnæðisbótakerfi fyrir alla, óháð búsetuformi

Vinnuhópur á vegum velferðarráðherra um húsnæðisbætur leggur til að tekið verði upp nýtt og gjörbreytt húsnæðisbótakerfi sem tryggir öllum sama rétt til fjárhagsstuðnings hins opinbera, óháð búsetuformi. Kerfinu er ætlað að koma í stað vaxtabóta og húsaleigubóta.

Lesa meira

8.5.2012 : Sérstök endurgreiðsla úr Starfsþróunarsetri háskólamanna (STH) fyrir útlögðum kostnaði vegna námskeiða og símenntunar árið 2011

Félagsmenn aðildarfélaga BHM sem starfa hjá ríkinu og tengdum stofnunum* og eiga aðild að Starfsþróunarsetri háskólamanna (STH) geta sótt um endurgreiðslu fyrir útlögðum kostnaði vegna námskeiða og símenntunar sem fram fór á árinu 2011.


Lesa meira

7.5.2012 : Siðferðileg viðmið og siðareglur Stjórnarráðsins

Samhæfingarnefnd um siðferðileg viðmið fyrir stjórnsýsluna kynnti í dag fyrstu ársskýrslu sína. Í skýrslunni er farið yfir starf nefndarinnar frá því hún var skipuð haustið 2010 á grundvelli laga um Stjórnarráð Íslands.

 

Megináherslan hefur verið á að stuðla að setningu siðareglna og kynningu þeirra og innleiðingu. Siðareglur fyrir ráðherra voru settar í mars 2011 og þann 3. maí gaf forsætisráðherra út siðareglur fyrir starfsfólk Stjórnarráðs Íslands í kjölfar víðtæks samráðs. Fulltrúi BHM og KÍ í nefndinni var Guðfinna Halla Þorvaldsdóttir.

Lesa meira

7.5.2012 : Ný heildarlöggjöf um allar heilbrigðisstéttir

Lögin fjalla um réttindi og skyldur þeirra 33. löggiltu heilbrigðisstétta sem starfa í landinu og leysa af hólmi fimmtán lög sem nú gilda um störf þeirra. Lesa meira

30.4.2012 : Mótum framtíðina - ályktanir frá aðalfundi BHM

046Í ályktunum aðalfundur BHM, sem haldinn var dagana 26. og 27. apríl 2012 er hækkun launa á almennum vinnumarkaði fagnað sem skrefi í átt að því að íslenskur vinnumarkaður verði samkeppnishæfur við önnur lönd um menntað vinnuafl. Jafnframt er bent á að bæta þurfi kjör háskólamenntaðra á opinberum vinnumarkaði eigi hann að geta laðað til sín og haldið í hæft starfsfólk til framtíðar.

Lesa meira

23.4.2012 : - Mótum framtíðina - aðalfundur BHM

Verður haldinn 26. og 27. apríl n.k. í Rúbrauðsgerðinni Borgartúni 6, 4. hæð. Dagskrá og fundargögn má nálgast hér.

Lesa meira

4.4.2012 : Ársfundur VIRK verður haldinn fimmtudaginn 12. apríl nk. kl. 8:00 -12:00 í Hörpu

Boðið verður upp á fræðandi erindi og mun Guðbjartur Hannesson velferðarráðherra ávarpar fundinn, Vigdís Jónsdóttir framkvæmdastjóri VIRK fer yfir starfsemina á liðnu ári og Ingibjörg Jónsdóttir prófessor við Institute of Stress Medicine í Gautaborg heldur erindi um reynslu og niðurstöður nýjustu rannsókna varðandi forvarnir og starfsendurhæfingu vegna kulnunar og síþreytu á vinnustöðum Lesa meira

29.3.2012 :  Ertu búin/n að sækja um sumarhús?

Frestur sjóðfélaga til að sækja um sumarhús innanlands í sumar, rennur út á miðnætti sunnudaginn 1. apríl.

Lesa meira

14.3.2012 : Breyting á aðgang að bókunarvef Orlofssjóðsins

Bokunarvefur OBHMFrá og með 15. mars munu sjóðfélagar verða varir við breytingar á bókunarvef. Til að komast inn á vefinn þarf að nota rafrænt skilríki (sjá skilríki.is) eða kennitölu og veflykil ríkisskattstjóra (sjá Island.is) í stað kennitölu og netfangs áður. Þetta er gert vegna ábendinga frá Persónuvernd. Ef þú hefur gleymt eða glatað veflyklinum þínum getur þú sótt um nýjan á heimasíðu Ríkisskattstjóra og fengið hann sendan í heimabanka eða í pósti á lögheimili. Lesa meira

8.3.2012 : LSR – sjóðfélagafundur

Verður haldinn á Akureyri fimmtudaginn 22. mars kl. 16:30 í Lionssalnum á 4. hæð Skipagötu 14, Akureyri. Til umræðu er skýrsla úttektarnefndar.       Í tilefni af nýlegri skýrslu um úttekt á fjárfestingarstefnu, ákvarðanatöku og lagalegu umhver­ lífeyrissjóðanna í

aðdraganda bankahrunsins 2008 boðar stjórn LSR til fundar með sjóðfélögum.

Lesa meira

8.3.2012 : Lífeyrissjóður starfsmanna sveitarfélaga

OPINN SJÓÐFÉLAGAFUNDUR.
Farið verður yfir rekstur og afkomu Lífeyrissjóðs starfsmanna sveitarfélaga og lífeyrissjóða í hans rekstri í ljósi nýútkominnar skýrslu Landssamtaka lífeyrissjóða um úttekt á fjárfestingastefnu, ákvarðanatöku og lagalegu umhverfi lífeyrissjóðanna í aðdraganda bankahrunsins 2008.
Lesa meira

6.3.2012 : Orlofsblað BHM 2012

Má nálgast hér og á vef OBHM og hefur verið sent til sjóðfélaga í pósti.

Lesa meira

2.3.2012 : Um launakjör stundakennara við Háskóla Íslands

Framlög til háskóla hafa vissulega verið skert frá hruni.  Þó er ekki hægt að kenna hruninu alfarið um slæm kjör stundakennara eða það hversu stórt hlutfall kennslu við HÍ fer fram á því formi. Stefna stjórnvalda í fjárframlögum til skólans þarf að vera skýr, standa þarf vörð um gæði þeirrar menntunar sem stúdentar við Háskóla Íslands njóta.

Lesa meira

22.2.2012 : Nýir kraftar – öflugra atvinnulíf

VINNANDI VEGUR er sameiginlegt átak samtaka atvinnurekenda, sveitarfélaga, stéttarfélaga og ríkisins til að fjölga störfum.

Fyrirtæki geta bætt við sig starfsfólki úr röðum atvinnuleitenda og fengið hluta launakostnaðar endurgreiddan.

Lesa meira

10.2.2012 : Hvað kostar þekking? Ráðstefna BHM og fjármálaráðuneytisins fór fram í dag á Hilton Reykjavík Nordica.

Þökkum þeim 170 aðilum sem komu til að hlýða á erindin um launamál háskólamenntaðra. Glærur af fundinum má nálgast hér.

Lesa meira

7.2.2012 : Hvað kostar þekking? Ráðstefna um launamál háskólamenntaðra

Haldin í samstarfi BHM og fjármálaráðuneytisins  Hilton Reykjavík Nordica, 10. febrúar 2012 kl. 10.00-15.00. Ráðstefnunni er ætlað að vera innlegg í sameiginlega vinnu samningsaðila við mat og endurskoðun á launakerfi háskólamenntaðra hjá ríkinu.

Lesa meira

31.1.2012 : Ögmundur biðst afsökunar á ummælum sínum

Í grein í Fréttablaðinu í dag biðst Ögmundur Jónasson innanríkisráðherra afsöknar á umdeildum ummælum sínum um ferðir opinberra starfsmanna til Brussel.

Ummælin lét Ögmundur falla í ræðu á Alþingi 24. janúar sl. Hann sagðist hafa séð í öðrum Evrópuríkjum að stofnanaveldið, eða embættismenn, eigi það til að ánetjast Evrópusambandinu, og eigi sér þann draum helstan að halda til á hótelum á kostnað skattgreiðenda.

Lesa meira

25.1.2012 : Forkastanleg ummæli innanríkisráðherra

 

BHM gerir alvarlegar athugasemdir við ummæli innanríkisráðherra, Ögmundar Jónassonar, í ræðustól Alþingis í gær (24/1).  Þar lét ráðherra að því liggja að starfsmenn stjórnarráðsins væru háðir eldvatni, ferðalögum til Brussel, hóteldvöl og dagpeningum.

Slík ummæli ráðherra, um starfsfólk sitt og stjórnarráðsins alls, eru forkastanleg og með ólíkindum að fyrrum leiðtogi opinberra starfsmanna til áratuga láti þau frá sér fara.

BHM mótmælir þessari aðför að faglegum heilindum starfsfólks stjórnsýslunnar og krefst þess að Ögmundur biðji starfsfólk sitt afsökunar á ómaklegum ásökunum. Lesa meira

23.1.2012 : Fullt var út úr dyrum á málþingi BHM, BSRB og KÍ um samspil lífeyris og almannatrygginga

Alls mættu rúmlega 400 manns til að hlýða á þau erindi sem þar voru flutt.

Lesa meira

20.1.2012 : „Munurinn á lífeyrisgreiðslum minni en munurinn á lífeyrisréttindum gefur til kynna“

„Almennt eru greiðslur úr almennu lífeyrissjóðunum til ellilífeyris talsvert lægri en úr þeim opinberu. Hins vegar jafnast bilið mjög þegar tekið er tillit til greiðslna frá Tryggingastofnun ríkisins. Þær stuðla að því að allir ná ákveðu lágmarki ráðstöfunartekna. Greiðslurnar frá TR eru skertar eftir því sem meira er greitt úr lífeyrissjóðum. Skattgreiðslur minnka einnig muninn því að þeir sem meiri tekjur fá eru jafnframt meiri tekjustofn fyrir ríkið,“ er meðal þess sem stendur í skýrslu Benedikts Jóhannessonar sem hann vann fyrir BSRB, KÍ og BHM og kynnt var á málþinginu „Samspil lífeyris og almannatrygginga - þín framtíð“ í gær.

Lesa meira

18.1.2012 : Munur lífeyrisréttinda minni en margir telja

Formenn BHM, BSRB og KÍ rita sameiginlega grein í Fréttablaðið í dag. Greinin er rituð í tilefni málþings bandalaganna sem fram fer á morgun þar sem niðurstöður nýrrar skýrslu um samspil lífeyrisgreiðslna og almannatrygginga verða kynntar.

 

Lesa meira

10.1.2012 : Málþing um samspil lífeyris og almannatrygginga 19. janúar 2012

Markmið málþingsins er að auka þekkingu almennings á lífeyrismálum og þátttöku ríkisins í öðrum kjörum fólks á efri árum.

 

Lesa meira

Fréttir