Stjórn BHM lýsir þungum áhyggjum af stöðu háskólastigsins í íslensku menntakerfi, en Ísland er eina landið innan OECD sem ver minna fé til menntunar hvers nemanda á háskólastigi en á grunnskólastigi. Framlag á nemanda á háskólastigi er 25% undir meðaltali OECD-ríkjanna. Stjórn BHM telur þessar staðreyndir kalla á endurskoðun og endurskipulag í menntamálum á Íslandi, ekki síst í ljósi mikilvægis háskólamenntunar fyrir framþróun á vinnumarkaði, nýsköpun og hagvöxt.

Fjármálaeftirlitið hefur birt samantekt þar sem vakin er athygli neytenda á næmi greiðslubyrði óverðtryggðra lána með breytilegum vöxtum fyrir vaxtahækkunum og hvetur til varkárni í skuldsetningu. Greiðslubyrði þessara lána getur aukist hratt í takt við hækkandi stýrivexti þegar Seðlabanki Íslands er í hækkunarferli.

Eftirlitið telur að ekki sé við því að búast að laun hækki að sama skapi meðan á ferlinu stendur og því sé viðbúið að skarpur samdráttur verði í ráðstöfunartekjum að lokinni afborgun húsnæðislána eftir því sem vextir hækka.

Sjá nánari útskýringar og dæmi í samantekt Fjármálaeftirlitsins.