Skrifstofa  BHM og sjóða bandalagsins verður lokuð á morgun, 23. desember. Skrifstofan opnar aftur þriðjudaginn 27. desember.

BHM gerir athugasemdir við tvö atriði í frumvarpi til laga um kjararáð sem nú er til meðferðar á Alþingi en með því er stefnt að því að fækka verulega þeim sem kjararáð ákvarðar laun og önnur starfskjör. 

Bandalag háskólamanna sendi í dag öllum þingmönnum áskorun vegna frumvarps til breytinga á lögum um Lífeyrissjóð starfsmanna ríkisins (LSR) sem nú er til meðferðar á Alþingi.

BHM telur að nýtt frumvarp til laga um Lífeyrissjóð starfsmanna ríkisins, sem nú liggur fyrir Alþingi, sé ekki í samræmi við samkomulag ríkis, sveitarfélaga og bandalaga opinberra starfsmanna sem undirritað var í september sl. Mikilvægt sé að frumvarpinu verði breytt í meðförum þingsins til að tryggja samræmi.

Mótframlagið hækkar í 8,5% og í 10% frá 1. júlí 2017

Vegna bilunar í tölvubúnaði hafa Mínar síður á vef BHM (bhm.is) að mestu legið niðri undanfarinn sólarhring. Viðgerð er nú lokið og geta félagsmenn skráð sig inn á Mínum síðum, skoðað upplýsingar, sent inn umsóknir og gögn o.s.frv. Beðist er velvirðingar á þeim óþægindum sem þessi bilun hefur valdið. Áður auglýstur frestur til að skila umsóknum og fylgigögnum til Styrktarsjóðs og Sjúkrasjóðs BHM hefur verið framlengdur til og með 11. desember nk. Athugið að ekki er veittur tiltekinn frestur (tiltekin dagsetning) til að skila umsóknum og fylgigögnum til Starfsmenntunarsjóðs og Starfsþróunarseturs háskólamanna.

Vegna bilunar liggja Mínar síður hér á vef BHM niðri eins og sakir standa. Unnið er að viðgerð og er vonast til að hægt verði að ljúka henni innan skamms. Frestur til að skila inn umsóknum og/eða gögnum til Styrktarsjóðs og Sjúkrasjóðs BHM verður framlengdur en ekki liggur enn fyrir hver síðasti skiladagur verður. Vinsamlegast athugið að ekki er veittur tiltekinn frestur (tiltekin dagsetning) til að skila umsóknum og fylgigögnum til Starfsmenntunarsjóðs og Starfsþróunarseturs háskólamanna.

Vegna bilunar liggja Mínar síður hér á vef BHM niðri eins og sakir standa. Unnið er að viðgerð og er vonast til að hægt verði að opna að nýju fyrir aðgang að síðunum innan skamms.

Félagsmenn sem hyggjast sækja um styrki úr Styrktarsjóði eða Sjúkrasjóði BHM á árinu 2016 þurfa að skila umsóknum og fylgigögnum með rafrænum hætti eigi síðar en 11. desember nk.