Í dag, 23. október, var undirritaður nýr ótímabundinn kjarasamningur milli annars vegar 14 aðildarfélaga Bandalags háskólamanna og hins vegar Samtaka atvinnulífsins. Samningurinn byggir á fyrri kjarasamningi aðila, frá árinu 2011. 

Forysta BHM átti í dag fundi með annars vegar formanni Sjálfstæðisflokksins og hins vegar forystu Bjartrar framtíðar þar sem farið var yfir stöðuna á vinnumarkaði í aðdraganda kosninga. Á næstunni mun forysta BHM eiga hliðstæða fundi með fulltrúum annarra stjórnmálaflokka sem bjóða fram í alþingiskosningunum 28. október nk.

Boðað hefur verið til aukaaðalfundar BHM hinn 1. nóvember nk. til að afgreiða tillögur að nýrri stefnu bandalagsins.

Að venju býður BHM félagsmönnum aðildarfélaga á Norðurlandi upp á námskeið í samstarfi við Akureyrarbæ. Á haustönn 2017 verða þrjú námskeið í boði.