Yfirlýsing frá BHM í tilefni af nýlegum embættisveitingum hjá ríkinu.

Á undanförnum mánuðum hefur umsóknum um sjúkradagpeninga úr Sjúkrasjóði BHM fjölgað umtalsvert. Þetta hefur haft í för með sér mjög aukinn kostnað fyrir sjóðinn en tekjur hafa ekki vaxið að sama skapi. Að mati stjórnar sjóðsins er óhjákvæmilegt að bregðast við þessari þróun til að tryggja rekstur sjóðsins. Stjórnin hefur því ákveðið að breyta úthlutunarreglum sjóðsins. 

BHM hefur sent frá sér yfirlýsingu í ljósi umræðna um upplýsingagjöf alþingismanna um menntun sína og fyrri störf. 

Þriðjudaginn 27. nóvember nk. stendur BHM fyrir opnum morgunfundi þar sem fjallað verður um grunnþætti íslenska lífeyriskerfisins, það borið saman við lífeyriskerfi nágrannalandanna og vikið að mögulegri framtíðarþróun kerfisins.

Nýlegar tölur frá Vinnumálastofnun benda til þess að atvinnulífið nái ekki að halda í við fjölgun háskólamenntaðra á vinnumarkaði. Mikill fjöldi útskrifast úr háskólanámi á hverju ári og atvinnulífið virðist ekki hafa undan að skapa störf fyrir allt þetta fólk sem hæfir menntun þess. Margir háskólamenntaðir vinna störf sem ekki krefjast háskólamenntunar og eru því ekki að nýta menntun sína og sérþekkingu sem skyldi. Þar með má segja að fjárfesting einstaklinga og samfélagsins í háskólamenntun fari með vissum hætti í súginn.

Í nýliðinni viku sóttu fulltrúar háskólafólks í Færeyjum BHM heim og fræddust um hlutverk og starfsemi bandalagsins.

BHM hvetur konur til að ganga út af vinnustöðum sínum kl. 14:55 í dag til að mótmæla kjaramisrétti, ofbeldi og áreitni á vinnustað.

Skrifstofa og þjónustuver Bandalags háskólamanna verða lokuð í dag, þriðjudaginn 23. október, frá kl. 15:00 vegna 60 ára afmælisfagnaðar bandalagsins. Skrifstofan og þjónustuverið opna kl. 10:00 á morgun, miðvikudaginn 24. október. 

Enn eru örfá sæti laus fyrir félagsmenn aðildarfélaga. Skráning hér á vefnum (sjá Viðburðir og námskeið til hægri). Fyrst koma, fyrst fá!

Í umsögn sinni um fjárlagafrumvarp fyrir árið 2019 lýsir BHM vonbrigðum sínum með að stjórnvöld hafi ekki markað skýra stefnu um það hvernig skuli tekið á launasetningu ákveðinna háskólamenntaðra hópa á vinnumarkaði. Í þessu sambandi minnir BHM á yfirlýsingu sem þrír ráðherrar gáfu út í tengslum við kjarasamninga við 16 aðildarfélög bandalagsins í febrúar sl. Þar er fjallað um gerð mannaflaspár fyrir heilbrigðiskerfið, stefnu og aðgerðaráætlunar sem styðji við það markmið að bæta kjör heilbrigðisstétta. Í umsögninni segir að óljóst sé hvaða fjármunir séu ætlaðir til þessara verkefna eða hvernig dreifa eigi fjármunum milli stofnana. Þó sé ánægjulegt að sjá að í frumvarpinu sé gert ráð fyrir að framlög til sérhæfðrar sjúkrahúsþjónustu verði hækkuð til að bæta mönnun.

Hæstiréttur staðfesti í dag dóm Héraðsdóms Reykjavíkur í máli sem BHM höfðaði gegn ríkinu vegna þeirrar ákvörðunar þess að skerða laun ljósmæðra sem stóðu vaktir á Landspítalanum í verkfalli Ljósmæðrafélags Íslands árið 2015. Ríkið var dæmt til að greiða ljósmæðrunum fjárhæðir sem nema hinni ólögmætu skerðingu ásamt dráttarvöxtum, auk málskostnaðar.

Nýlega staðfesti Hæstiréttur niðurstöðu Félagsdóms um að vísa frá máli Starfsmannafélags Sinfóníuhljómsveitar Íslands gegn ríkinu. Niðurstaða Hæstaréttar sýnir að mikilvægt er að vanda orðalag bókana í kjarasamningum svo unnt sé að byggja kröfugerð fyrir dómi á þeim ef ágreiningur rís um efni þeirra.

Konur eru hvattar til að leggja niður vinnu kl. 14:55 miðvikudaginn 24. október og fylkja liði á samstöðufund á Arnarhóli, kl. 15:30 undir kjörorðinu: Breytum ekki konum, breytum samfélaginu!

Þriðjudaginn 23. október næstkomandi verða 60 ár liðin frá stofnun Bandalags háskólamanna. Þennan dag stendur bandalagið fyrir afmælisfögnuði í aðalsal Borgarleikhússins þar sem brugðið verður ljósi á ýmsa þætti sem tengjast baráttu BHM í sex áratugi. Félagsmönnum aðildarfélaga býðst að tryggja sér sæti með því að skrá sig fyrifram hér á vefnum.

BHM býður félagsmönnum aðildarfélaga að sækja áhugaverð námskeið á haustönn 2018. 

Nýlega komst Félagsdómur að þeirri niðurstöðu að starfsmaður Akureyrarbæjar og trúnaðarmaður stéttarfélags ætti rétt á launum án vinnuframlags fyrir kvöldvaktir sem hann átti að vinna á dögum þegar hann sótti námskeið fyrir trúnaðarmenn. Í málinu reyndi á ákvæði um trúnaðarmenn í kjarasamningi Starfsgreinasambands Íslands og Sambands íslenskra sveitarfélaga en sambærileg ákvæði eru í kjarasamningum aðildarfélaga BHM á opinberum vinnumarkaði. Því er óhætt að ganga út frá því að sömu sjónarmið og reyndi á í málinu eigi við um trúnaðarmenn aðildarfélaga BHM sem vinna vaktavinnu.  

Skrifstofa og þjónustuver BHM verða lokuð frá og með mánudeginum 23. júlí til föstudagsins 3. ágúst vegna sumarleyfa starfsmanna. Skrifstofan og þjónustuverið opna aftur þriðjudaginn 7. ágúst kl. 9:00. 

Formaður BHM, Þórunn Sveinbjarnardóttir, hefur ritað forsætisráðherra, Katrínu Jakobsdóttur, bréf þar sem hún lýsir yfir áhuga bandalagsins á að taka þátt í opinberri stefnumótun um framtíð menntunar og vinnumarkaðar.

Skrifstofa BHM og sjóða bandalagsins verður lokuð frá kl. 14:00 föstudaginn 22. júní vegna leiks Íslands og Nígeríu á HM í knattspyrnu karla sem fram fer í borginni Volgograd í Rússlandi.

BHM hefur sent forsætisráðherra, fjármála- og efnahagsráðherra og heilbrigðisráðherra bréf þar sem ráðherrarnir eru hvattir til að efna fyrirheit sem þeir gáfu í sameiginlegri yfirlýsingu 12. febrúar sl.

Fulltrúar fimmtán samtaka, stofnana og félaga hafa ákveðið að hafa með sér samstarf til að fylgja eftir þeirri vitundarvakningu sem orðið hefur í kjölfar #metoo-byltingarinnar.

Mannréttindadómstóll Evrópu hefur ákveðið að vísa frá kæru sem Bandalag háskólamanna lagði fram árið 2015 fyrir hönd 18 aðildarfélaga sinna vegna lagasetningar sem bannaði verkfall nokkurra aðildarfélaga BHM fyrr á því ári.

Á aðalfundi Prestafélags Íslands (PÍ), sem haldinn var 24.apríl sl., var samþykkt að fela stjórn félagsins að sækja um fagaðild að BHM með vísan til ákvæðis í lögum félagsins um aðild að bandalaginu.

Mannréttindadómstóll Evrópu (European Court of Human Rights) hefur tilkynnt að dómur verði kveðinn upp í máli BHM gegn íslenska ríkinu fimmtudaginn 7. júní nk.

Í dag eru 40 liðin frá því að hópur fólks með einstaklingsaðild að BHM tók sig til og stofnaði sérstakt stéttarfélag, Útgarð. Árið 2008 sameinuðust Útgarður og Félag íslenskra fræða – kjaradeild í eitt félag undir nafninu Fræðagarður sem nú er fjölmennasta aðildarfélag BHM.

Lífeyrissjóður starfsmanna ríkisins (LSR) efnir í vikunni til þriggja kynningarfunda fyrir virka sjóðfélaga í A- og B-deild sjóðsins. Kynningarfundirnir fara fram í húsnæði LSR að Engjateigi 11 í Reykjavík. 

BHM hefur bætt við tveimur námskeiðum fyrir félagsmenn aðildarfélaga á seinni hluta vorannar miðað við áður auglýsta fræðsludagskrá.

Árið 2003 höfðu um 30% kvenna og um 25% karla hér á landi á aldrinum 25–64 ára lokið háskólaprófi. Árið 2017 voru samsvarandi hlutföll um 50% og 34%.