Landsdómur staðfesti á dögunum dóm héraðsdóms um að vinnuveitanda hafi verið óheimilt að ákveða einhliða að hluti uppsagnarfrests starfsmanns félli undir orlofstöku starfsmannsins.

Alþingi hefur samþykkt breytingar á lögum um fæðingar- og foreldraorlof sem fela í sér að orlofið verður lengt í tíu mánuði frá og með 1. janúar 2020 og í tólf mánuði frá og með 1. janúar 2021. BHM fagnar þessum breytingum enda hefur bandalagið lengi barist fyrir lengingu fæðingarorlofsins.

Fulltrúar Félags prófessora við ríkisháskóla (FPR) undirrituðu í gærkvöldi, 12. desember, nýjan kjarasamning við ríkið. 

Í frumvarpi til laga um Menntasjóð námsmanna, sem nú liggur fyrir Alþingi, er í bráðabirgðaákvæði mælt fyrir um afnám ábyrgðarmannakerfis LÍN. BHM fagnar þessu og hvetur löggjafann til að afgreiða málið hið fyrsta. 

Vegna slæmrar veðurspár verða skrifstofa og þjónustuver BHM lokuð frá kl. 14:30 í dag, 10. desember. Skrifstofa og þjónustuver opna aftur kl. 9:00 í fyrramálið ef veður leyfir.

BHM fagnar áformum stjórnvalda um að taka upp blandað kerfi lána og styrkja í stað núverandi námslánakerfis. Engu að síður telur bandalagið að ganga eigi lengra í því að styrkja námsmenn en lagt er til í frumvarpi til laga um Menntasjóð námsmanna. Þá telur BHM nauðsynlegt að sett verði ákveðið þak á vexti námslána í nýju kerfi. Enn fremur lýsir BHM furðu á því að ekki sé í frumvarpinu komið í veg fyrir að námsmenn framtíðarinnar þurfi að greiða af námslánum eftir að starfsævinni lýkur.

Fólk sem nýtur jafnrar réttindaávinnslu í A-deildum LSR og Brúar, með framlögum úr lífeyrisaukasjóðum þeirra, á rétt á að halda jafnri réttindaávinnslu þótt það missi vinnu og fari á atvinnuleysisbætur.