Fréttir: 2021

13.4.2021 : Afkoma hins opinbera verði ekki bætt með auknum skattaálögum á háskólamenntaða

BHM varar við því að tekjuskattur á háskólamenntaða verði hækkaður við útfærslu afkomubætandi ráðstafana í opinberum fjármálum á næstu árum, enda myndi það draga úr hvata fyrir fólk til að sækja sér háskólamenntun. Þetta er meðal þess sem kemur fram í umsögn bandalagsins um fjármálaáætlun stjórnvalda fyrir árin 2022–2026.

Lesa meira

29.3.2021 : Nýr formaður KVH kjörinn á aðalfundi félagsins

Stefán Þór Björnsson var kjörinn nýr formaður Kjarafélags viðskiptafræðinga og hagfræðinga (KVH) á aðalfundi félagsins sem haldinn var í síðustu viku. 

Lesa meira

26.3.2021 : Starfslokanámskeið – upptaka nú aðgengileg

Upptaka af Starfslokanámskeiðinu sem haldið var fimmtudaginn 25. mars er nú aðgengileg á fræðslusíðu BHM. Hægt verður að horfa á námskeiðið fram til 3. apríl. 

Lesa meira
Sumarhús_Aðaldalur_3

26.3.2021 : Sjóðfélögum býðst að afbóka orlofshús og fá endurgreitt vegna hertra sóttvarnarreglna

Sjóðfélagar Orlofssjóðs BHM (OBHM) sem bókað hafa orlofshús á tímabilinu 25. mars til 15. apríl næstkomandi geta afbókað og fengið fulla endurgreiðslu. Ekki er þó endurgreitt ef leigutímabil er hafið.

Lesa meira

25.3.2021 : Stjórnvöld framlengi heimild til að greiða séreignarsparnað inn á húsnæðislán

BHM hefur sent frá sér yfirlýsingu þar sem stjórnvöld eru hvött til að framlengja heimild fólks til að greiða séreignarsparnað inn á húsnæðislán án þess að tekjuskattur sé dreginn af greiðslum. Þá hefur BHM sent frá sér greiningu þar sem nánar er fjallað um málið.

Lesa meira

22.3.2021 : Jóhann Gunnar tekinn við tímabundið sem formaður BHM

Fráfarandi formaður BHM, Þórunn Sveinbjarnardóttir, hefur gert samkomulag við stjórn bandalagsins um hvernig starfslokum hennar verði háttað. Í samkomulaginu felst m.a. að varaformaður BHM, Jóhann Gunnar Þórarinsson, taki við sem formaður frá og með miðvikudeginum 17. mars og sitji fram að aðalfundi bandalagsins 27. maí.

Lesa meira

22.3.2021 : Aðalfundur Fræðagarðs hvetur stjórnvöld til að koma til móts við háskólamenntaða sem misst hafa vinnuna

Á aðalfundi Fræðagarðs, sem haldinn var 25. mars sl., var samþykkt ályktun þar sem lýst er yfir áhyggjum vegna þess mikla fjölda háskólamenntaðs starfsfólks sem misst hefur vinnuna eða býr við skert starfshlutfall í kjölfar kórónuveirufaraldursins.

Lesa meira

18.3.2021 : Samtök launafólks vilja réttlát umskipti í loftslagsaðgerðum

Samtök launafólks í Norræna verkalýðssambandinu og þýska alþýðusambandinu styðja markmið stjórnvalda ríkjanna í loftslagsmálum og nauðsyn þess að ná kolefnishlutleysi fyrir miðja öldina. Til að svo geti orðið eru kerfisbreytingar óumflýjanlegar. Þær verða að fara fram á forsendum réttlátra umskipta þannig að bæði kostnaði og ábata við þær breytingar sem framundan eru verði deilt með sanngjörnum hætti. Til að tryggja þetta leggja ASÍ, BSRB og BHM til að sérstökum vinnuhópi verði komið á fót sem hafi það hlutverk að móta stefnu um réttlát umskipti hér á landi í þríhliða samstarfi verkalýðshreyfingarinnar, stjórnvalda og atvinnurekenda.

Lesa meira

18.3.2021 : Aðalfundur Félagsráðgjafafélags Íslands

Aðalfundur Félagsráðgjafafélags Íslands (FÍ) var haldinn 16. mars sl. gegnum fjarfundabúnað.

Lesa meira

17.3.2021 : Aðalfundur IÞÍ samþykkti ný heildarlög félagsins

Aðalfundur Iðjuþjálfafélags Íslands (IÞÍ) var haldinn 12. mars sl. gegnum fjarfundabúnað og var vel sóttur miðað við aðstæður. Kosið var í stjórn og nefndir auk þess sem ný heildarlög félagsins voru samþykkt. Nýju lögin fela í sér töluvert breytt skipulag á starfsemi félagsins.

Lesa meira

16.3.2021 : Starfslokanámskeið

Félagsmönnum aðildarfélaga BHM sem eru að ljúka starfsævi sinni býðst að sitja námskeið um þá fjölmörgu þætti sem huga þarf að við starfslok.

Lesa meira

15.3.2021 : BHM semur við Vinnuverndarskóla Íslands

Vinnuverndarnámskeið fyrir trúnaðarmenn og almenna félagsmenn aðildarfélaga BHM

Lesa meira

10.3.2021 : Frambjóðendur til formanns BHM

Nýr formaður BHM verður kjörinn í aðdraganda næsta aðalfundar bandalagsins, sem haldinn verður 27. maí nk., en núverandi formaður, Þórunn Sveinbjarnardóttir, hefur tilkynnt að hún muni ekki bjóða sig fram að nýju. Tvö eru í framboði: Friðrik Jónsson, formaður Félags háskólamenntaðra starfsmanna Stjórnarráðsins (FHSS) og Maríanna H. Helgadóttir, formaður Félags íslenskra náttúrufræðinga (FÍN). 

Lesa meira

10.3.2021 : Vilja að réttur til fjarvinnu verði tryggður í kjarasamningum

Meira en 60% svarenda í könnun sem BHM gerði nýlega meðal félagsmanna aðildarfélaga sinna telja mikilvægt að bandalagið beiti sér fyrir því að réttur til að vinna að heiman verði tryggður í næstu kjarasamningum. Þá telja meira en 70% svarenda mikilvægt að kjarasamningar kveði skýrt á um að vinnuveitandi skuli greiða fyrir og útvega búnað sem nauðsynlegur er vegna fjarvinnu.

Lesa meira

9.3.2021 : Álag á konur hvarvetna aukist í „kófinu“

Konur upplifðu aukið álag og streitu vegna þeirra aðstæðna sem sköpuðust í fyrstu bylgju kórónuveirufaraldursins á fyrri helmingi síðasta árs. Ástæðan er m.a. sú að þær bera almennt ríkari ábyrgð inni á heimilunum en karlarnir. Þetta er meðal þess sem kom fram í erindi Andreu Sigrúnar Hjálmsdóttur, lektors í félagsfræði við Háskólann á Akureyri, og Valgerðar S. Bjarnadóttur, nýdoktors við menntavísindasvið HÍ, á opnum veffundi sem haldinn var í gær í tilefni af alþjóðlegum baráttudegi kvenna, 8. mars. Að fundinum stóðu ASÍ, BHM, BSRB, KÍ og Kvenréttindafélag Íslands. Fundarstjóri var Drífa Snædal, forseti ASÍ.

Lesa meira

5.3.2021 : Opinn veffundur aðildarfélaga BHM um styttingu vinnuvikunnar á almennum markaði

Viðræðunefnd fjórtán aðildarfélaga BHM, sem nýlega gerðu samkomulag við Samtök atvinnulífsins um styttingu vinnuvikunnar, efnir til opins veffundar þriðjudaginn 9. mars nk. þar sem samkomulagið verður kynnt. 

Lesa meira

4.3.2021 : Opinn veffundur ASÍ, BHM og BSRB um réttlát umskipti í umhverfismálum

Réttlát umskipti í átt að kolefnishlutlausri framtíð er brýnasta umhverfis-, samfélags- og efnahagsmál samtímans. Ný skýrsla ASÍ, BHM og BSRB varpar ljósi á stöðu Íslands og kröfur verkalýðshreyfingarinnar um réttlát umskipti. Hún verður kynnt á opnum veffundi 18. mars nk.

Lesa meira

2.3.2021 : „Konur í kafi – kynjajafnrétti á tímum heimsfaraldurs“ – rafrænn hádegisfundur 8. mars

Í tilefni af alþjóðlegum baráttudegi kvenna bjóða ASÍ, BHM, BSRB, Kennarasamband Íslands og Kvenréttindafélag Íslands til rafræns hádegisfundar 8. mars kl. 12–13. Yfirskrift fundarins er „Konur í kafi – kynjajafnrétti á tímum heimsfaraldurs“.

Lesa meira

1.3.2021 : Tvö bjóða sig fram til formanns BHM

Tilkynning frá framboðsnefnd BHM.

Lesa meira

25.2.2021 : Opinn veffundur BHM um fjarvinnu háskólamenntaðra 10. mars

Í kjölfar kórónuveirufaraldursins hefur fjarvinna færst mjög í vöxt í nær öllum atvinnugreinum hér á landi. Þróunin hefur einkum og sér í lagi haft áhrif á starfsaðstæður og vinnuumhverfi háskólamenntaðra. Af þessu tilefni ætlar BHM að halda opinn veffund miðvikudaginn 10. mars nk. um fjarvinnu háskólamenntaðra undir yfirskriftinni „Vinn heima“ – tækifæri og áskoranir tengd fjarvinnu háskólamenntaðra.

Lesa meira

19.2.2021 : Jákvæð samskipti á vinnustað

Hádegisfyrirlestur með Pálmari Ragnarssyni miðvikudaginn 24. febrúar 

Lesa meira

17.2.2021 : Orlofsblaðið 2021 er komið út

Orlofsblaðið, árlegt kynningar- og upplýsingarit Orlofssjóðs BHM, er komið út en þar eru kynntir þeir orlofskostir sem sjóðfélögum standa til boða á þessu ári. 

Lesa meira

11.2.2021 : Formaður BHM hyggst ekki bjóða sig fram að nýju

Formaður BHM, Þórunn Sveinbjarnardóttir, hefur tilkynnt formannaráði bandalagsins að hún hyggist ekki bjóða sig fram að nýju á aðalfundi BHM sem haldinn verður 27. maí nk. Frestur félagsfólks aðildarfélaga til að tilkynna áhuga á formannsframboði til síns félags hefur verið framlengdur til 22. febrúar.

Lesa meira

9.2.2021 : Niðurstaðan í fullu samræmi við túlkun BHM á ákvæðum um rétt til launa í veikindum

Héraðsdómur Reykjavíkur komst nýlega að þeirri niðurstöðu að ríkinu hafi verið óheimilt að skerða rétt framhaldsskólakennara til launa í veikindum, sem voru hafin, með því að segja honum upp störfum. Formaður BHM fagnar niðurstöðunni og segir hana í fullu samræmi við túlkun BHM á ákvæðum kjarasamninga um rétt til launa í veikindum.

Lesa meira

29.1.2021 : Framboðsnefnd BHM auglýsir eftir frambjóðendum í trúnaðarstörf innan bandalagsins

Framboðsnefnd BHM hefur auglýst eftir frambjóðendum í trúnaðarstörf innan bandalagsins en aðildarfélögin þurfa að tilnefna einstaklinga í þessi störf. Áhugasömu félagsfólki er því bent á að hafa samband við sitt aðildarfélag fyrir 15. febrúar nk.

Lesa meira

28.1.2021 : Sala á ferðaávísunum hafin á orlofsvef OBHM

Fram til þessa hefur sjóðfélögum Orlofssjóðs BHM (OBHM) staðið til boða að kaupa hótelmiða sem gefnir eru út af hótelum og gistiheimilum. Þetta heyrir nú sögunni til því nú býðst sjóðfélögum að kaupa rafrænar ferðaávísanir á orlofsvef OBHM.

Lesa meira

28.1.2021 : BHM semur við Tækninám.is

Það er óhætt að segja að mikil umbylting hafi átt sér stað í notkun stafrænnar tækni á síðasta ári. Vegna Covid-19 þurftu margir félagsmenn aðildarfélaga BHM að aðlagast hratt að breyttum vinnuaðstæðum. Margir hafa þurft að læra á eitt eða fleiri fjarfundakerfi, á ný verkefnastjórnunarforrit, læra um stafrænt öryggi við heimavinnu og svo mætti lengi telja.

Lesa meira

15.1.2021 : BHM gagnrýnir Reykjavíkurborg fyrir samráðsleysi

BHM gagnrýnir að Reykjavíkurborg hafi ekki haft samráð við bandalagið og aðildarfélög þess við breytingar á launasamningum við starfsmenn borgarinnar. Bandalagið krefst þess að breytingarnar verði dregnar til baka. 

Lesa meira

12.1.2021 : Auglýst eftir umsóknum um starf framkvæmdastjóra Starfsþróunarseturs háskólamanna

Stjórn Starfsþróunarseturs háskólamanna hefur auglýst eftir nýjum framkvæmdastjóra setursins. 

Lesa meira

12.1.2021 : Orlofssjóður BHM niðurgreiðir margvíslega þjónustu fyrir sjóðfélaga árið 2021

Líkt og fram hefur komið hefur stjórn Orlofssjóðs BHM ákveðið að ráðstafa auknu fé í niðurgreiðslur á hótelgistingu, flugfargjöldum, veiðikortum, útilegukortum og ýmsum gjafabréfum fyrir sjóðfélaga frá því sem verið hefur. Á móti verður dregið úr framboði orlofshúsa og íbúða á sumrin. 

Lesa meira

7.1.2021 : BHM leitar að ráðgjafa til starfa í þjónustuveri

Bandalag háskólamanna (BHM) óskar eftir að ráða ráðgjafa til starfa í þjónustuveri BHM. Um er að ræða fjölbreytt starf sem reynir á samskiptahæfni og þjónustulund við úrlausn mála. Starfið er tímabundið til átta mánaða með möguleika á áframhaldandi ráðningu. Æskilegt er að viðkomandi geti hafið störf sem fyrst.

Lesa meira

7.1.2021 : Vinnutími háskólafólks og skrifstofufólks samræmdur á almennum vinnumarkaði

Samkomulag var gert um breytingu á kjarasamningi SA og nokkurra aðildarfélaga BHM fyrr í dag. Með breytingunni eru vinnutímaákvæði kjarasamningsins aðlöguð að vinnutímaákvæðum kjarasamninga skrifstofufólks á almennum vinnumarkaði en í framkvæmd hefur dagvinnutími víða verið samræmdur milli þeirra starfsmanna sem starfa eftir kjarasamningi þessum og þeirra sem starfa eftir kjarasamningum skrifstofufólks.

Lesa meira

7.1.2021 : Rekstur smáfyrirtækja

Guðrún Björg Bragadóttir frá viðskipta- og skattasviði KPMG mun halda fyrirlestur um ýmis mál tengd bókhaldi fyrir einstaklinga sem eru í rekstri á eigin kennitölu eða hafa stofnað einkahlutafélag. 

Lesa meira

6.1.2021 : Grunnnámskeið um styttingu vinnuvikunnar fyrir starfsfólk í vaktavinnu

Verkefnastjórn betri vinnutíma í vaktavinnu býður upp á grunnnámskeið um styttingu vinnuvikunnar fyrir starfsmenn ríkis og sveitarfélaga, þ.m.t. félagsmenn aðildarfélaga BHM sem starfa hjá þessum aðilum. 

Lesa meira

5.1.2021 : BHM kærir ákvörðun Vinnumálastofnunar til ráðuneytisins

BHM hefur kært ákvörðun Vinnumálastofnunar um að uppsagnir starfsmanna hjá Sjúkratryggingum Íslands sl. haust hafi ekki verið hópuppsögn.

Lesa meira

4.1.2021 : Hljómlistarmenn samþykktu kjarasamning við Samband íslenskra sveitarfélaga

Félagsmenn Félags íslenskra hljómlistarmanna (FÍH) sem starfa hjá sveitarfélögum öðrum en Reykjavíkurborg samþykktu nýjan kjarasamning félagsins við Samband íslenskra sveitarfélaga.

Lesa meira

Fréttir