Alþjóðlegur baráttudagur kvenna – hádegisverðarfundur 7. mars

4.3.2019

Bandalag háskólamanna er einn aðstandenda hádegisverðarfundar sem haldinn verður nk. fimmtudag, 7. mars, í tilefni af alþjóðlegum baráttudegi kvenna sem er 8. mars ár hvert. Yfirskrift fundarins er ,,Þegar konur segja frá – #metoo og kraftur samstöðunnar“. Frummælendur verða Hildur Knútsdóttir rithöfundur; Dr. Gyða Margrét Pétursdóttir, dósent á Félagsvísindasviði HÍ; Dr. Annadís Greta Rúdólfsdóttir, dósent á Menntavísindasviði HÍ og Auður Ava Ólafsdóttir rithöfundur. Fundarstjóri er Steinunn Stefánsdóttir. Auk BHM standa ASÍ, BSRB, Kvenréttindafélag Íslands, Jafnréttisstofa, Kennarasamband Íslands og Samtök starfsmanna fjármálafyrirtækja að fundinum.

Fundurinn fer fram á Grand Hótel Reykjavík milli kl. 12:00 og 13:00.

Dagskrá

  • „Hverjir breyta heiminum?“ Hildur Knútsdóttir rithöfundur.
  • „Mun eitthvað breytast? Mun einhver trúa mér núna og vilja hlusta?“ Dr. Gyða Margrét Pétursdóttir, dósent á Félagsvísindasviði HÍ og Dr. Annadís Greta Rúdólfsdóttir, dósent á Menntavísindasviði HÍ.
  • „Konur sem skálda“ Auður Ava Ólafsdóttir rithöfundur.
Fundargestir geta keypt súpu og brauð fyrir 2.800 kr. (vegan-kostur í boði). 

Hadegisfundur_vefutgafa