Chat with us, powered by LiveChat

Fjarvinna og samskipti

11.3.2022

  • Ingrid Kuhlman
    Fjarvinnaogsamskiptiaugl
    Ingrid Kuhlman

BHM býður félagsmönnum aðildarfélaga sinna upp á fyrirlestur með Ingrid Kuhlman um áskoranir tengdar fjarvinnu. Fyrirlesturinn verður fluttur í sal BHM á 4. hæð í Borgartúni 6, félagsmenn eru velkomnir þangað, en honum verður einnig streymt á Teams. Fyrilesturinn er félagsmönnum að kostnaðarlausu. 

Fjarvinna og samskipti

Það er ljóst að yfirstandandi heimsfaraldur hefur valdið straumhvörfum í því hvernig unnið er á vinnustöðum. Fjölmargir vinnustaðir líta nú á fjarvinnu sem raunhæfan valkost og hafa gert samninga við starfsfólk sitt sem fela í sér að ákveðnum hlutfalli vinnutímans megi verja í fjarvinnu. 

Ýmis samskiptatól og tækinýjungar styðja við þessa vegferð. Fjarvinna virðist því vera komin til að vera, sem er fagnaðarefni, en auðvitað er að mörgu að hyggja með breyttu vinnufyrirkomulagi.

  • Hvernig er t.d. hægt að halda góðu sambandi við yfirmann og vinnufélaga? 
  • Hvernig hefur fjarvinna áhrif á teymisvinnu og félagsleg tengsl?
  • Hvaða vandamál koma upp í fjarvinnuumhverfi og hvernig er hægt að ráða fram úr þeim?

Þetta og fleira verður rætt í fyrirlestrinum.

Ingrid Kuhlman er leiðbeinandi og ráðgjafi hjá Þekkingarmiðlun og er með MSc í hagnýtri jákvæðri sálfræði. Fyrirlesturinn er félagsmönnum aðildarfélaga BHM að kostnaðarlausu. 

Skráning fer fram á þessum hlekk

Fyrirlesturinn verður tekinn upp og gerður aðgengilegur á Námskeiðasíðu BHM í viku í kjölfarið.  


Fréttir