Kvennafrí í dag - baráttufundir um land allt

BHM hvetur konur til að ganga út af vinnustöðum sínum kl. 14:55 í dag til að mótmæla kjaramisrétti, ofbeldi og áreitni á vinnustað.

24.10.2018

  • IMG_5130

Baráttufundir verða haldnir um allt land, sá stærsti á Arnarhóli en hann hefst kl. 15:30. Dagskrá fundarins er glæsileg. Ávörp flytja Jóhanna Sigurðardóttir, fyrrverandi forsætisráðherra, Sólveig Anna Jónsdóttir, formaður Eflingar, Claudie Wilson, lögfræðingur hjá Rétti, og Áslaug Thelma Einarsdóttir, baráttukona. Kvennakórarnir Vox feminaeKötlurnarLéttsveit Reykjavíkur og Múltíkúltí – fjölþjóðlegur sönghópur kvenna munu taka lagið saman. Þá koma Reykjavíkurdætur fram, Karitas Mörtudóttir Bjarkadóttir flytur ljóð og leikkonurnar Aldís Amah HamiltonRagnheiður Steindórsdóttir og Esther Talía Casey flytja örverk eftir Yrsu Þöll Gylfadóttur. Fundarstýrur eru Ilmur Kristjánsdóttir og Saga Garðarsdóttir.

Á fundinum á Arnarhóli verða lesnar upp kröfur samstöðufunda kvenna á Íslandi til stjórnvalda, atvinnurekenda, stéttarfélaga og samfélagsins alls. Tveir táknmálstúlkar munu túlka það sem fram fer og dagskránni verður varpað upp á stóran skjá. Fyrir framan sviðið verður pallur með rampi fyrir hjólastóla. Rútur og farartæki hreyfihamlaða hafa leyfi til að stoppa á planinu fyrir framan Hörpu á meðan á fundinum stendur og bílastæðið á móti Skúlagötu 4 er sömuleiðis frátekið fyrir bíla hreyfihamlaðra.

Staðfestir fundir eru boðaðir á AkureyriBifröstDalvíkGrundarfirðiÍsafirðiMývatnssveitNeskaupstaðÓlafsvíkReyðarfirðiSelfossiSkaptárhreppi og Varmahlíð.