Kynningar- og fræðslufundir fyrir sjóðfélaga LSR

7.5.2019

Árlega efnir Lífeyrissjóður starfsmanna ríkisins (LSR) til kynningar- og fræðslufunda fyrir virka sjóðfélaga í A- og B-deild sjóðsins. Fundirnir fara fram í húsnæði LSR að Engjateigi 11 í Reykjavík. Tilgangur fundanna er að fræða sjóðfélaga um lífeyrismál, uppbyggingu réttindakerfisins, iðgjaldaskil, lífeyristökualdur og áætlaðar lífeyrisgreiðslur.

Fundir á árinu 2019 eru sem hér segir:

  • 20. maí fyrir sjóðfélaga sem greiða í B-deild LSR.
  • 21. maí fyrir sjóðfélaga sem greiða í A-deild LSR.
  • 22. maí fyrir sjóðfélaga sem greiða í A-deild LSR.

Boðið er upp á tvær tímasetningar, þ.e. kl. 8:30–10:00 og kl. 16:30–18:00, eftir því hvort hentar sjóðfélögum betur.

Sjóðfélagar eru beðnir um að skrá sig á fundinn með því að hringja í síma 510 6100 eða með því að senda tölvupóst á netfangið lsr@lsr.is og tilgreina nafn, kennitölu og val á tímasetningu.