Er ávaxtakarfa og líkamsræktarstyrktur nóg?

Morgunfundur á vegum VIRK, Embættis landlæknis og Vinnueftirlits ríkisins

7.5.2019

  • virk-logo1280x720

VIRK Starfsendurhæfingarsjóður, Embætti landlæknis og Vinnueftirlit ríkisins efna til morgunfundar um heilsueflandi vinnustaði í Háteigi á Grand Hótel þann 9. maí. Aðallfyrirlesarinn er Karolien Van Den Brekel heimilislæknir og doktor í sálfræði sem fjallar um jákvæða heilsu og vinnustaði. Sigríður Kristín Hrafnkelsdóttir frá Embætti landlæknis ræðir hvernig gera megi betur í heilsueflingu og Jóhann F. Friðriksson frá Vinnueftirlitinu um mikilvægi fjárfestingar í heilsu starfsmanna. Ingibjörg Loftsdóttir, sviðsstjóri hjá VIRK, stýrir fundinum.

Morgunfundurinn er sá fyrsti í fundaröð um heilsueflingu á vinnustöðum og er hluti af samstarfi VIRK, Landlæknis og Vinnueftirlitsins um heilsueflingu og forvarnir á vinnustöðum. Markmið samstarfsins er að stuðla að betri heilsu og vellíðan vinnandi fólks á vinnustöðum, fyrirbyggja kulnun og minnka brottfall af vinnumarkaði.

Fundurinn hefst kl. 8:15 og lýkur um kl. 10.00. Húsið opnar kl. 8.00 með léttri morgunhressingu. 

Fundurinn er öllum opinn og er aðgangur ókeypis en skrá þarf þátttöku á virk.is