Chat with us, powered by LiveChat

Ertu búin/n að kynna þér fræðsludagskrá BHM?

28.8.2014

  • _MG_8808

Á morgun, föstudaginn 29. ágúst, verður opnað fyrir skráningu í fræðsludagskrá BHM.

BHM-fræðslan er opin fyrir alla félagsmenn BHM þeim að kostnaðarlausu.

Í boði verður fjölbreytt úrval námskeiða að vanda og mun án efa eitthvað bætast við þegar líður á önnina. Dagskráin hefst með fræðslu fyrir trúnaðarmenn. En segja má að áherslan verði á hugmyndafræði Þjónandi forystu á þessari önn og höfum við fengið Þekkingarsetur um þjónandi forystu til liðs við okkur til að kynna hugmyndafræðina fyrir okkur. Eins verðum við með á dagskránni erindi sem fjallar um að það er líf eftir starfslok og þær spurningar sem fólk stendur frammi fyrir á þeim tímamótum. Markþjálfun sem hjálpartæki fyrir stjórnendur verður einnig í boði, við höldum áfram með Verkefnastjórnina enda hefur það námskeið verið hvað vinsælast hjá okkur, lögfræðingurinn okkar mun fjalla um meginreglur stjórnsýslulaga og tengsl stjórnsýslulaga gagnvart starfsmönnum.

Spennandi fyrirlestur sem byggir á doktorsverkefni um atvinnutækifæri ungmenna að loknu háskólanámi, hvaða störfum þau gegna, í hvaða atvinnugreinum og starfsöryggi á íslenskum vinnumarkaði. Fáum fulltrúa utanríkisráðuneytisins til að segja okkur af hverju þau eru að vesenast á Facebook og Twitter svo fátt eitt sé nefnt.

Í ár verðum við með tvö námskeið á Akureyri Þjónandi forysta - hugmyndafræði og hagnýting og Verkefnastjórnun. Við höfum langt metnað í að hafa sem flest námskeiðin okkar aðgengileg í gegnum Streymið og á haustönn verður að minnsta kosti sex erindum Streymt.

Verið er að vinna að því að fara með fræðsluna víðar og stefnum við að því að geta kynnt að minnsta kosti einn nýjan áfangastað á vorönn.

Mikil ásókn hefur verið í fræðsluna og námskeið oft fljót að fyllast við höfum því haft þann háttinn á að ef sæti losna á síðustu stundu skellum við því inn á Facebook svo aðrir geti nýtt sér plássi.
Þannig að endilega líkið við síðu Bandalags háskólamanna þar er einnig að finna ýmsan fróðleik úr starfinu.


Með von um að allir finni eitthvað við sitt hæfi


Fréttir