Nýr ráðgjafi í starfsendurhæfingu fyrir háskólamenntað fólk á vegum VIRK

24.2.2020

Elín Hallsteinsdóttir hóf nýlega störf sem ráðgjafi í starfsendurhæfingu fyrir háskólamenntað fólk á höfuðborgasvæðinu á vegum VIRK starfsendurhæfingarsjóðs. Elín er fædd árið 1967 og hefur lokið BSc-próf sálfræði frá Háskóla Íslands en er einnig menntuð sem leikfimis- og sundkennari. Hún hefur meðal annars starfað sem VIRK-ráðgjafi hjá Eflingu stéttarfélagi, sem ráðgjafi hjá Vinnumálastofnun og sem stundakennari hjá Mími-símenntun.

Samtals starfa nú sex fastráðnir ráðgjafar á vegum VIRK í starfsendurhæfingu fyrir háskólamenntað fólk á höfuðborgarsvæðinu. Ráðgjafarnir hafa allir starfsstöð hjá BHM að Borgartúni 6 í Reykjavík og sinna þjónustu við félagsmenn aðildarfélaga BHM, Kennarasambands Íslands og Samtaka fjármálafyrirtækja.