Lífeyriskerfið 101 - Opinn morgunfundur BHM um lífeyrismál

27. nóvember á Reykjavík Natura

12.11.2018

Þriðjudaginn 27. nóvember nk. stendur BHM fyrir opnum morgunfundi þar sem fjallað verður um grunnþætti íslenska lífeyriskerfisins, það borið saman við lífeyriskerfi nágrannalandanna og vikið að mögulegri framtíðarþróun kerfisins. Frummælendur á fundinum verða þau Vala Rebekka Þorsteinsdóttir, lögfræðingur hjá LSR; Björn Z. Ásgrímsson, sérfræðingur hjá Fjármálaeftirlitinu; Stefán Halldórsson, verkefnastjóri hjá Landssamtökum lífeyrissjóða og Unnur Pétursdóttir, formaður Félags sjúkraþjálfara og fulltrúi BHM í stjórn LSR.

Fundurinn fer fram á Hótel Reykjavík Natura (áður Hótel Loftleiðir) milli kl. 9:00 og 10:30.

  • dagskrafraedslu
    mynd_a_vef_lifeyriskerfid

Opnað hefur verið fyrir skráningu hér á vef BHM (smellið á myndina hér til hliðar). Skráningargjald er kr. 2.000 og greiðist með greiðslukorti (debet- eða kreditkorti) við skráningu.

Allt áhugafólk um lífeyrismál velkomið. Félagsmenn aðildarfélaga BHM eru sérstaklega hvattir til að mæta. 

Dagskrá

8:30 Húsið opnar, morgunkaffi
9:00 Fundur settur
9:05 Uppbygging íslenska lífeyriskerfisins – í stuttu máli 
Vala Rebekka Þorsteinsdóttir, lögfræðingur hjá Lífeyrissjóði starfsmanna ríkisins – LSR
9:30 Lífeyriskerfið og erlendur samanburður 
Björn Z. Ásgrímsson, sérfræðingur hjá Fjármálaeftirlitinu, og Stefán Halldórsson, verkefnastjóri hjá Landssamtökum lífeyrissjóða 
9:55 Spáð í spilin – rýnt í framtíð lífeyriskerfisins 
Unnur Pétursdóttir, formaður FS og fulltrúi BHM í stjórn LSR 
10:20 Samantekt fundarstjóra 
10:30 Dagskrárlok 

Fundarstjóri er Bragi Skúlason, formaður Fræðagarðs – stéttarfélags háskólamenntaðra.

Fundinum verður streymt á streymissíðu BHM .