Opinn veffundur ASÍ, BHM og BSRB um réttlát umskipti í umhverfismálum

4.3.2021

  • event_mynd_rettlat_umskipti

Réttlát umskipti í átt að kolefnishlutlausri framtíð er brýnasta umhverfis-, samfélags- og efnahagsmál samtímans. Ný skýrsla ASÍ, BHM og BSRB, sem unnin er í samvinnu við norræn og þýsk bandalög stéttarfélaga, varpar ljósi á stöðu Íslands og kröfur verkalýðshreyfingarinnar um réttlát umskipti.

Miklar kerfisbreytingar eru óumflýjanlegar ætli Ísland og önnur ríki heims að ná markmiðum um kolefnishlutleysi fyrir miðja öldina. Bandalögin þrjú kalla eftir því að þær breytingar fari fram á forsendum réttlátra umskipta og að bæði kostnaði og ábata við þær verði deilt með sanngjörnum hætti.

Skýrslan verður kynnt á veffundi fimmtudaginn 18. mars næstkomandi. Fundurinn hefst klukkan 11:00 og áætlað er að hann muni standa í um 45 mínútur. Hann er opinn öllum sem áhuga hafa. Smelltu hér til að komast inn á fundinn .

DAGSKRÁ

  • Sigríður Ingibjörg Ingadóttir, hagfræðingur BSRB og einn skýrsluhöfunda, fer yfir efni skýrslunnar
  • Drífa Snædal, forseti ASÍ
  • Sonja Ýr Þorbergsdóttir, formaður BSRB
  • Þórunn Sveinbjarnardóttir, formaður BHM
  • Spurningar og umræður

 


Fréttir