Eyþór Eðvarðsson verður með fyrirlestur um stjórnun á umrótartímum fyrir félagsmenn aðildarfélaga BHM þriðjudaginn 18. maí. 

Örfyrirlestraröð BHM 10.-14. maí kl. 11:00 á Zoom. Örfyrirlestrarnir fjalla um réttindi starfsfólks og skyldur atvinnurekenda á vinnumarkaði

BHM telur mikilvægt að breiðari sátt ríki um framtíð lífeyriskerfisins en nú er. Þá telur bandalagið óljóst af hverju stjórnvöld vilja auka flækjustig kerfisins með innleiðingu svokallaðrar tilgreindrar séreignar. Þetta er meðal þess sem kemur fram í umsögn bandalagsins um frumvarp til laga um breytingu á ýmsum lögum vegna hækkunar lágmarksiðgjalds til lífeyrissjóðs og ákvæðum um tilgreinda séreign (lágmarkstryggingavernd o.fl.).

Stytting vinnuvikunnar hjá vaktavinnufólki tekur gildi á morgun, 1. maí.

Föstudaginn 30. apríl 2021, kl. 10.00 -10:40, verður kynnt vorskýrsla Kjaratölfræðinefndar, samstarfsvettvangs um gerð og hagnýtingu tölfræðigagna um laun og efnahag. Í skýrslunni er fjallað um kjarasamningalotuna sem hófst árið 2019 og stendur enn, þróun efnahagsmála og launa. 

Að mati BHM hefur nýlegur dómur Félagsdóms í máli Lyfjafræðingafélags Íslands (LFÍ) gegn ríkinu fullt fordæmisgildi gagnvart kjarasamningum aðildarfélaga bandalagsins við ríkið og Reykjavíkurborg. Hins vegar er fordæmisgildið ekki jafn augljóst gagnvart kjarasamningum félaganna við Samband íslenskra sveitarfélaga.

Fundir geta verið frábær tæki til að stýra fyrirtækjum, deildum eða einstökum verkefnum. Á námskeiðinu verður farið yfir þá lykla sem hjálpa þér að gera fundina sem þú stýrir markvissa og skilvirka.

BHM varar við því að tekjuskattur á háskólamenntaða verði hækkaður við útfærslu afkomubætandi ráðstafana í opinberum fjármálum á næstu árum, enda myndi það draga úr hvata fyrir fólk til að sækja sér háskólamenntun. Þetta er meðal þess sem kemur fram í umsögn bandalagsins um fjármálaáætlun stjórnvalda fyrir árin 2022–2026.

Stefán Þór Björnsson var kjörinn nýr formaður Kjarafélags viðskiptafræðinga og hagfræðinga (KVH) á aðalfundi félagsins sem haldinn var í síðustu viku. 

Upptaka af Starfslokanámskeiðinu sem haldið var fimmtudaginn 25. mars er nú aðgengileg á fræðslusíðu BHM. Hægt verður að horfa á námskeiðið fram til 3. apríl. 

Sjóðfélagar Orlofssjóðs BHM (OBHM) sem bókað hafa orlofshús á tímabilinu 25. mars til 15. apríl næstkomandi geta afbókað og fengið fulla endurgreiðslu. Ekki er þó endurgreitt ef leigutímabil er hafið.

BHM hefur sent frá sér yfirlýsingu þar sem stjórnvöld eru hvött til að framlengja heimild fólks til að greiða séreignarsparnað inn á húsnæðislán án þess að tekjuskattur sé dreginn af greiðslum. Þá hefur BHM sent frá sér greiningu þar sem nánar er fjallað um málið.

Fráfarandi formaður BHM, Þórunn Sveinbjarnardóttir, hefur gert samkomulag við stjórn bandalagsins um hvernig starfslokum hennar verði háttað. Í samkomulaginu felst m.a. að varaformaður BHM, Jóhann Gunnar Þórarinsson, taki við sem formaður frá og með miðvikudeginum 17. mars og sitji fram að aðalfundi bandalagsins 27. maí.

Á aðalfundi Fræðagarðs, sem haldinn var 25. mars sl., var samþykkt ályktun þar sem lýst er yfir áhyggjum vegna þess mikla fjölda háskólamenntaðs starfsfólks sem misst hefur vinnuna eða býr við skert starfshlutfall í kjölfar kórónuveirufaraldursins.

Samtök launafólks í Norræna verkalýðssambandinu og þýska alþýðusambandinu styðja markmið stjórnvalda ríkjanna í loftslagsmálum og nauðsyn þess að ná kolefnishlutleysi fyrir miðja öldina. Til að svo geti orðið eru kerfisbreytingar óumflýjanlegar. Þær verða að fara fram á forsendum réttlátra umskipta þannig að bæði kostnaði og ábata við þær breytingar sem framundan eru verði deilt með sanngjörnum hætti. Til að tryggja þetta leggja ASÍ, BSRB og BHM til að sérstökum vinnuhópi verði komið á fót sem hafi það hlutverk að móta stefnu um réttlát umskipti hér á landi í þríhliða samstarfi verkalýðshreyfingarinnar, stjórnvalda og atvinnurekenda.

Aðalfundur Félagsráðgjafafélags Íslands (FÍ) var haldinn 16. mars sl. gegnum fjarfundabúnað.

Aðalfundur Iðjuþjálfafélags Íslands (IÞÍ) var haldinn 12. mars sl. gegnum fjarfundabúnað og var vel sóttur miðað við aðstæður. Kosið var í stjórn og nefndir auk þess sem ný heildarlög félagsins voru samþykkt. Nýju lögin fela í sér töluvert breytt skipulag á starfsemi félagsins.

Félagsmönnum aðildarfélaga BHM sem eru að ljúka starfsævi sinni býðst að sitja námskeið um þá fjölmörgu þætti sem huga þarf að við starfslok.

Vinnuverndarnámskeið fyrir trúnaðarmenn og almenna félagsmenn aðildarfélaga BHM

Nýr formaður BHM verður kjörinn í aðdraganda næsta aðalfundar bandalagsins, sem haldinn verður 27. maí nk., en núverandi formaður, Þórunn Sveinbjarnardóttir, hefur tilkynnt að hún muni ekki bjóða sig fram að nýju. Tvö eru í framboði: Friðrik Jónsson, formaður Félags háskólamenntaðra starfsmanna Stjórnarráðsins (FHSS) og Maríanna H. Helgadóttir, formaður Félags íslenskra náttúrufræðinga (FÍN). 

Meira en 60% svarenda í könnun sem BHM gerði nýlega meðal félagsmanna aðildarfélaga sinna telja mikilvægt að bandalagið beiti sér fyrir því að réttur til að vinna að heiman verði tryggður í næstu kjarasamningum. Þá telja meira en 70% svarenda mikilvægt að kjarasamningar kveði skýrt á um að vinnuveitandi skuli greiða fyrir og útvega búnað sem nauðsynlegur er vegna fjarvinnu.

Konur upplifðu aukið álag og streitu vegna þeirra aðstæðna sem sköpuðust í fyrstu bylgju kórónuveirufaraldursins á fyrri helmingi síðasta árs. Ástæðan er m.a. sú að þær bera almennt ríkari ábyrgð inni á heimilunum en karlarnir. Þetta er meðal þess sem kom fram í erindi Andreu Sigrúnar Hjálmsdóttur, lektors í félagsfræði við Háskólann á Akureyri, og Valgerðar S. Bjarnadóttur, nýdoktors við menntavísindasvið HÍ, á opnum veffundi sem haldinn var í gær í tilefni af alþjóðlegum baráttudegi kvenna, 8. mars. Að fundinum stóðu ASÍ, BHM, BSRB, KÍ og Kvenréttindafélag Íslands. Fundarstjóri var Drífa Snædal, forseti ASÍ.

Viðræðunefnd fjórtán aðildarfélaga BHM, sem nýlega gerðu samkomulag við Samtök atvinnulífsins um styttingu vinnuvikunnar, efnir til opins veffundar þriðjudaginn 9. mars nk. þar sem samkomulagið verður kynnt. 

Réttlát umskipti í átt að kolefnishlutlausri framtíð er brýnasta umhverfis-, samfélags- og efnahagsmál samtímans. Ný skýrsla ASÍ, BHM og BSRB varpar ljósi á stöðu Íslands og kröfur verkalýðshreyfingarinnar um réttlát umskipti. Hún verður kynnt á opnum veffundi 18. mars nk.

Í tilefni af alþjóðlegum baráttudegi kvenna bjóða ASÍ, BHM, BSRB, Kennarasamband Íslands og Kvenréttindafélag Íslands til rafræns hádegisfundar 8. mars kl. 12–13. Yfirskrift fundarins er „Konur í kafi – kynjajafnrétti á tímum heimsfaraldurs“.

Tilkynning frá framboðsnefnd BHM.

Í kjölfar kórónuveirufaraldursins hefur fjarvinna færst mjög í vöxt í nær öllum atvinnugreinum hér á landi. Þróunin hefur einkum og sér í lagi haft áhrif á starfsaðstæður og vinnuumhverfi háskólamenntaðra. Af þessu tilefni ætlar BHM að halda opinn veffund miðvikudaginn 10. mars nk. um fjarvinnu háskólamenntaðra undir yfirskriftinni „Vinn heima“ – tækifæri og áskoranir tengd fjarvinnu háskólamenntaðra.

Hádegisfyrirlestur með Pálmari Ragnarssyni miðvikudaginn 24. febrúar 

Orlofsblaðið, árlegt kynningar- og upplýsingarit Orlofssjóðs BHM, er komið út en þar eru kynntir þeir orlofskostir sem sjóðfélögum standa til boða á þessu ári. 

Formaður BHM, Þórunn Sveinbjarnardóttir, hefur tilkynnt formannaráði bandalagsins að hún hyggist ekki bjóða sig fram að nýju á aðalfundi BHM sem haldinn verður 27. maí nk. Frestur félagsfólks aðildarfélaga til að tilkynna áhuga á formannsframboði til síns félags hefur verið framlengdur til 22. febrúar.

Héraðsdómur Reykjavíkur komst nýlega að þeirri niðurstöðu að ríkinu hafi verið óheimilt að skerða rétt framhaldsskólakennara til launa í veikindum, sem voru hafin, með því að segja honum upp störfum. Formaður BHM fagnar niðurstöðunni og segir hana í fullu samræmi við túlkun BHM á ákvæðum kjarasamninga um rétt til launa í veikindum.

Framboðsnefnd BHM hefur auglýst eftir frambjóðendum í trúnaðarstörf innan bandalagsins en aðildarfélögin þurfa að tilnefna einstaklinga í þessi störf. Áhugasömu félagsfólki er því bent á að hafa samband við sitt aðildarfélag fyrir 15. febrúar nk.

Fram til þessa hefur sjóðfélögum Orlofssjóðs BHM (OBHM) staðið til boða að kaupa hótelmiða sem gefnir eru út af hótelum og gistiheimilum. Þetta heyrir nú sögunni til því nú býðst sjóðfélögum að kaupa rafrænar ferðaávísanir á orlofsvef OBHM.

Það er óhætt að segja að mikil umbylting hafi átt sér stað í notkun stafrænnar tækni á síðasta ári. Vegna Covid-19 þurftu margir félagsmenn aðildarfélaga BHM að aðlagast hratt að breyttum vinnuaðstæðum. Margir hafa þurft að læra á eitt eða fleiri fjarfundakerfi, á ný verkefnastjórnunarforrit, læra um stafrænt öryggi við heimavinnu og svo mætti lengi telja.

BHM gagnrýnir að Reykjavíkurborg hafi ekki haft samráð við bandalagið og aðildarfélög þess við breytingar á launasamningum við starfsmenn borgarinnar. Bandalagið krefst þess að breytingarnar verði dregnar til baka. 

Stjórn Starfsþróunarseturs háskólamanna hefur auglýst eftir nýjum framkvæmdastjóra setursins. 

Líkt og fram hefur komið hefur stjórn Orlofssjóðs BHM ákveðið að ráðstafa auknu fé í niðurgreiðslur á hótelgistingu, flugfargjöldum, veiðikortum, útilegukortum og ýmsum gjafabréfum fyrir sjóðfélaga frá því sem verið hefur. Á móti verður dregið úr framboði orlofshúsa og íbúða á sumrin. 

Bandalag háskólamanna (BHM) óskar eftir að ráða ráðgjafa til starfa í þjónustuveri BHM. Um er að ræða fjölbreytt starf sem reynir á samskiptahæfni og þjónustulund við úrlausn mála. Starfið er tímabundið til átta mánaða með möguleika á áframhaldandi ráðningu. Æskilegt er að viðkomandi geti hafið störf sem fyrst.

Samkomulag var gert um breytingu á kjarasamningi SA og nokkurra aðildarfélaga BHM fyrr í dag. Með breytingunni eru vinnutímaákvæði kjarasamningsins aðlöguð að vinnutímaákvæðum kjarasamninga skrifstofufólks á almennum vinnumarkaði en í framkvæmd hefur dagvinnutími víða verið samræmdur milli þeirra starfsmanna sem starfa eftir kjarasamningi þessum og þeirra sem starfa eftir kjarasamningum skrifstofufólks.

Guðrún Björg Bragadóttir frá viðskipta- og skattasviði KPMG mun halda fyrirlestur um ýmis mál tengd bókhaldi fyrir einstaklinga sem eru í rekstri á eigin kennitölu eða hafa stofnað einkahlutafélag. 

Verkefnastjórn betri vinnutíma í vaktavinnu býður upp á grunnnámskeið um styttingu vinnuvikunnar fyrir starfsmenn ríkis og sveitarfélaga, þ.m.t. félagsmenn aðildarfélaga BHM sem starfa hjá þessum aðilum. 

BHM hefur kært ákvörðun Vinnumálastofnunar um að uppsagnir starfsmanna hjá Sjúkratryggingum Íslands sl. haust hafi ekki verið hópuppsögn.

Félagsmenn Félags íslenskra hljómlistarmanna (FÍH) sem starfa hjá sveitarfélögum öðrum en Reykjavíkurborg samþykktu nýjan kjarasamning félagsins við Samband íslenskra sveitarfélaga.

Vegna jólaleyfa starfsmanna verða þjónustuver og skrifstofur BHM lokuð á morgun, 23. desember. Þjónustuverið opnar aftur mánudaginn 28. desember og verður opið dagana milli jóla og nýárs milli kl. 9:00 og 16:00.

Vísbendingar eru um að efnahagsleg áhrif COVID-faraldursins komi harðast niður á láglaunahópum á Íslandi. Konur eru sérstaklega útsettar fyrir áhrifum kófsins, en einnig ungt fólk og innflytjendur. Þegar má sjá merki þess hér á landi að ójöfnuður fari vaxandi vegna heimsfaraldursins. Þetta er á meðal þess sem fram kom á opnum veffundi sérfræðingahóps verkalýðshreyfingarinnar um efnahagsleg áhrif COVID-kreppunnar sem efnt var til í dag undir yfirskriftinni „Kófið og hrunið: lærdómur og leiðin fram á við“. Þórunn Sveinbjarnardóttir, formaður BHM, segir að greiningin sé upphafið að stefnumótun og grundvöllur undir kröfur sem stéttarfélög og samtök launafólks þurfa að gera til stjórnvalda.