Chat with us, powered by LiveChat

Nýtt sumarhús fyrir fólk með skerta hreyfigetu

Orlofssjóður BHM hefur tekið í notkun hús sem var sérstaklega hannað og byggt til að henta fólki með skerta hreyfigetu

18.8.2022

  • 16558235364
    Sumarhúsið Brekkuskógi 28 var tekið í notkun í sumar.
  • 165582353616
    165582353616
  • 165582353614
    165582353614
  • 16558235367
    16558235367
  • 16558235362
    16558235362
  • 16558235365
    16558235365
  • 165582353618
    165582353618

Í sumar komu fyrstu gestirnir í sumarhúsið Brekkuskóg H 28. Húsið er nýtt og var sérstaklega hannað og byggt með fólk með skerta hreyfigetu í huga. Í húsinu eru rafknúnar gardínur, ljós, gluggar og hurðar og engir þröskuldar. Þrjú svefnherbergi eru í húsinu. 

Aðgengi að bústaðnum er mjög gott. Veröndin er afar rúmgóð og hugsuð fyrir fólk sem þarf að notast við hjólastól. Rafknúin dyraopnun er á útidyrahurð og útgengt á verönd úr flestum herbergjum. Á baðherbergi er rafknúið skolsalerni með fjarstýringu og veggstoðum, auk sturtustóls með baki og örmum. Eldhúsinnréttingin er með hæðarstillanlegu eldhúsborði með vaski og eldavél. Líkt og í öllum betri sumarhúsum er heitur pottur á veröndinni og auk þess garðhúsgögn og grill. 

Það er von OBHM að öll sem nýta sér þjónustu sjóðsins njóti orlofstökunnar og að nýja sumarhúsið í Brekkuskógi nýtist sem allra best. 

Frekari upplýsingar eru á vef OBHM.


Fréttir