Þjónustuver BHM lokað tímabundið fyrir almennar heimsóknir vegna COVID-19

Ráðgjafar sinna erindum gegnum síma, tölvupóst og og netspjall

21.9.2020

  • Ráðstafanir til að tryggja órofinn rekstur BHM
    COVID-ráðstafanir hjá BHM
    Vegna kórónaveirufaraldursins hefur BHM gripið til ráðstafana til að tryggja órofinn rekstur bandalagsins og stuðla að öryggi starfsmanna. Þær byggja á viðbragðsáætlun sem unnin hefur verið fyrir vinnustaðinn.

Til að bregðast við þriðju bylgju COVID-19 verður Þjónustuver BHM lokað fyrir almennar heimsóknir dagana 21.-23. september. Tekin verður ákvörðun um framhaldið þann 23. september nk. eftir því hvernig stjórnvöld hafa náð tökum á útbreiðslu veirunnar.

Sem fyrr sinna ráðgjafar erindum gegnum síma, tölvupóst og netspjall milli kl. 9:00 og 16:00 mánudaga til fimmtudaga og 9:00 og 13:00 föstudaga. Ákvörðun þessi er gerð með velferð starfsmanna og félagsmanna að leiðarljósi og til að tryggja órofinn rekstur BHM.


BHM bendir á leiðir til þess að verja sig og aðra gegn smiti með því að fylgja þessum ráðum sem birt eru á vefnum Covid.is:

  • Þvoðu hendur þínar reglulega með vatni og sápu, minnst 20 sekúndur í hvert skipti. Landlæknir hefur gefið út myndbönd sem útskýra mikilvægi handþvottar sem hluta af sóttvörnum, smelltu hér fyrir lengri útgáfuna og hér fyrir styttri útgáfu. 
  • Ef vatn og sápa eru utan seilingar er gott að nota handspritt, til dæmis þegar þú hefur notað greiðslukort eða komið við fleti sem margir snerta, svo sem hurðarhúna og kerruhandföng í matvöruverslunum.

Á vef landlæknis eru góðar upplýsingar um hvernig gæta má varúðar gegn sýkingum.

  • Forðastu að bera hendur upp að andlitinu, sérstaklega augum, nefi og munni.
  • Þrífðu oftar fleti sem eru mikið notaðir.
  • Ef þú þarft að hósta eða hnerra skaltu nota olnbogabótina eða einnota klúta. Þannig kemurðu í veg fyrir að úði fari á hendur. 
  • Gættu þess að hósta eða hnerra ekki á aðra.
  • Takmarkaðu náin samskipti við annað fólk, t.d. handabönd og faðmlög.
  • Finndu aðrar leiðir til þess að heilsa sem ekki fela í sér snertingu.