Trello verkefnastjórnunarkerfi - námskeið fyrir félagsmenn

BHM býður félagsmönnum aðildarfélaga sinna upp á kennslumyndband um fyrstu skrefin við notkun Trello, í desember verða haldin tvö framhaldsnámskeið í Trello

20.11.2020

  • trello

Trello er verkefnastjórnunarkerfi sem er frítt á netinu og hægt nýta við verkefnastjórnun bæði í vinnu og heima fyrir. Stillingar á því eru afar fjölbreyttar og gott að nýta við bæði einföld verkefni og flókin.  

Margir notendur geta þannig unnið á sama „verkefnaborðinu“, haft sameiginlega yfirsýn yfir verkefni, fylgst með stöðunni hjá öðrum og uppfært upplýsingar á einfaldan og þægilegan hátt. 

Einnig er hægt að vera með persónuleg „borð“ fyrir t.d. framkvæmdir á heimilinu, veislur o.s.frv. 

 

Trello verkefnastjórnunarkerfi - fyrstu skrefin

Kennari: Logi Helgu, tölvunarfræðingur og ScrumMaster hjá Marel

 

Í tvær vikur frá og með föstudeginum 20. nóvember verður kennslumyndband um fyrstu skrefin í Trello aðgengilegt hér á fræðslusíðu félagsmanna BHM

Í myndbandinu er farið yfir hvernig á að stofna Trello reikning, setja upp verkefnaborð, búa til spjöld og lista, nýta listana, brjóta aðgerðir niður á spjöld og geyma eða eyða spjöldum og borðum.

Trello verkefnastjórnunarkerfi - framhaldsnámskeið 

Kennari: Logi Helgu, tölvunarfræðingur og ScrumMaster hjá Marel

Boðið verður upp á tvö fjarnámskeið, 30 manns komast á hvort námskeið, skráning hefst mánudaginn 23. nóvember kl. 12:00 á hádegi.

Í byjun desember verður Logi  með framhaldsnámskeið í Trello þar sem betur verður farið yfir hvernig hægt er að nota forritið. Gert er ráð fyrir að þeir sem skrá sig á framhaldsnámskeiðið séu búnir að horfa á myndbandið á fræðslusíðu BHM og koma sér af stað í Trello.

Á framhaldsnámskeiðinu verður m.a. farið yfir hvernig verkefni eru skipulögð með Trello, hvernig hópar geta unnið með Trello, farið yfir ýmsa notkunarmöguleika og viðbætur.

Framhaldsnámskeiðin verða haldin með fjarfundabúnaði á TEAMS, fyrra námskeiðið verður haldið 4. desember kl. 9:00-11:00 og það síðara 7. des kl. 9:00-11:00.

Skráning hefst kl. 12:00 á hádegi mánudaginn 23. nóvember, félagsmenn eru vinsamlegast beðnir um að skrá sig hér í Viðburðadagatali á heimasíðu BHM. 

Athugið að þetta er sama námskeiðið sem haldið er tvisvar, en ekki eitt framhaldsnámskeið í tveimur hlutum.

Félagsmenn sem skrá sig bera sjálfir ábyrgð á að vera með viðeigandi búnað á námskeiðinu, s.s. tölvu með hljóðnema og hátalara svo þeir geti átt í samskiptum við kennara á námskeiðinu.