Starfsþróunarsetur flutt í Borgartún 27

Starfþróunarsetur hefur verið flutt um set úr Urðarhvarfi í Kópavogi á 2. hæðina í Borgartúni 27 og er starfsemin komin á fullt í nýjum húsakynnum. Starfsmenn setursins eru Kristín Jónsdóttir Njarðvík og Edda Margrét Hilmarsdóttir.

Á hæðinni eru fyrir 10 aðildarfélög BHM, Félag geislafræðinga, Félagsráðgjafafélag Íslands, Félag háskólakennara, Félag íslenskra náttúrufræðinga, Félag lífeindafræðinga, Félag prófessora við ríkisháskóla, Félag sjúkraþjálfara, Iðjuþjálfafélag Íslands, Sálfræðingafélag Íslands, Þroskaþjálfafélag Íslands, ásamt þjónustuskrifstofu SIGL, sem er samheiti félaganna fjögurra í heilbrigðisgeiranum.

Þá mun starfsemi Visku stéttarfélags flytjast í Borgartún 27, 3. hæð í næsta mánuði. Þessa dagana er verið að leggja lokahönd á skrifstofuhúsnæði og salarkynni félagsins á hæðinni.