Vefur BHM tilnefndur til íslensku vefverðlaunanna
Vefur BHM hefur verið tilnefndur til Íslensku vefverðlaunanna 2023 í flokknum Efnis- og fréttaveita. Vefurinn fór í loftið í núverandi mynd í október 2022 og er unninn í samstarfi við Hugsmiðjuna.
Vefur BHM hefur verið tilnefndur til Íslensku vefverðlaunanna 2023 í flokknum Efnis- og fréttaveita. Vefurinn fór í loftið í núverandi mynd í október 2022 og er unninn í samstarfi við Hugsmiðjuna.
Vefurinn fékk tvær tilnefningar á vefverðlaununum í fyrra, sem efnis- og fréttaveita ársins og fyrirtækjavefur ársins.
Markmið vefsins er að endurspegla nútímalegt og faglegt starf BHM með áherslu á sérfræðiþekkingu BHM. Vefurinn er upplýsinga- og þjónustuvefur sem setur notendur í fyrstasæti.
Nýverið voru umtalsverðar breytingar gerðar á Mínum síðum sem hafa mælst vel fyrir hjá félagsfólki. Ferli styrkumsókna hefur verið einfaldað, aðgengi að upplýsingum bætt ásamt því að öll samskipti fara nú fram í gegnum Mínar síður.
Það eru Samtök vefiðnaðarins (SVEF) sem standa að verðlaununum og verða þau afhent í Listasafni Reykjavíkur 15. mars nk.