Stéttarfélagið Viska lítur dagsins ljós

Ég er í skýjunum yfir þeim undirtektum sem sameiningin hefur fengið frá félagsfólki. Sameinuð erum við sterkari og það er mér mikill heiður að sitja í formennsku í Visku. Við í stjórn félagsins horfum til framtíðarinnar og ég hlakka til að starfa með félagsfólki að bættum kjörum og réttindum á vinnumarkaði.

Það er mikill styrkur fólginn í því að ganga inn í komandi kjaravetur undir merkjum Visku. Hagsmunir félagsfólks til skemmri og lengri tíma eru tryggðir í sterku, sameinuðu félagi.

Sameiningarstarfið hefur gengið vonum framar. Stjórnarfólk, starfsfólk og félagsfólk vann af heilindum og sú samstaða sem hefur skapast er lykillinn að því hversu vel tókst til. Nú tekur við næsti kafli sem er að koma félaginu á fót og vinna sameiginlega að verkefnum þess.