Skip to content

Fulltrúar BHM, BSRB og ASÍ telja sjálfstæði loftlagsráðs skert í reglugerðardrögum

Fulltrúar heildarsamtakanna telja brýnt að heildarsamtök launafólks eigi fulltrúa í ráðinu, einnig ungt fólk

BHM, BSRB og ASÍ telja að vegið sé að sjálfstæði loftslagsráðs í reglugerðardrögum um loftslagsráð. Samtökin telja það svigrúm sem ráðherra er gefið í reglugerðinni til skipunar í ráðið hvorki til þess fallið að skapa sátt um starfsemi loftslagsráðs né að stuðla að sjálfstæði þess. Loftslagsráði er ætlað að veita stjórnvöldum aðhald og ráðgjöf um stefnumarkandi ákvarðanir og markmið Íslands sem tengjast loftlagsmálum, eins fram kemur í drögunum.

Í 4. gr. reglugerðarinnar kemur fram að ráðherra skipi formann og varaformann ráðsins og hafi að auki heimild til að skipa aðra fulltrúa sem nauðsynlegt er talið að eigi sæti í loftslagsráði. Mælst er til þess að ráðið sé þannig samsett að fullskipað búi það yfir þekkingu á þeim málaflokkum sem tilgreindir eru í 5. gr.

Fulltrúar BHM, BSRB og ASÍ telja brýnt að heildarsamtök launafólks eigi fulltrúa í loftslagsráði enda eru loftslagsbreytingar ein stærsta áskorun samtímans sem mun hafa víðtæk áhrif á efnahags- og atvinnulíf, lífskjör og afkomu almennings. Reglugerðin geri að auki ráð fyrir að innan ráðsins skuli vera þekking á réttlátum umskiptum og það sé einmitt vinnumarkaðstengt hugtak byggt á hugmyndafræði sem mótuð var af alþjóðlegu verkalýðshreyfingunni. Samtökunum þykir jafnframt brýnt að ungt fólk eigi fulltrúa í lofslagsráði sem það tilnefni sjálft.

Borgartúni 27, 105 Reykjavík
Kt. 630387-2569

595 5100
Opnunartími BHM

Opnunartími þjónustuvers:
mán. til fim. 9:00 - 15:00,
fös. 9:00 - 13:00

Opnunartími skrifstofu:
mán. til fim. 9:00 - 16:00,
fös. 9:00 - 13:00

Hagnýtt