Skip to content

Virk samkeppni mikilvæg fyrir hagsæld íslensks launafólks

Vísað var í grein hagfræðinga BHM, BSRB og ASÍ um mikilvægi samkeppniseftirlits á þingi í gær.

Þorbjörg Sigríður Gunnlaugsdóttir þingmaður Viðreisnar vitnaði í þingræðu sinni í gær í grein þriggja hagfræðinga heildarsamtaka á vinnumarkaði þegar hún ræddi neyðarkall sem nýlega barst frá Samkeppniseftirlitinu vegna veikingu þess. Vilhjálmur Hilmarsson hagfræðingur BHM er einn þessara hagfræðinga og segir greinina eiga erindi í umræðuna í dag nú þegar kjaraviðræður eru að hefjast, en greinin var rituð árið 2021. Þorbjörg sagði í ræðu sinni viðbúið að veiking samkeppniseftirlitsins verði tekið fyrir á samningaborðinu.

Í greininni er fjallað um mikilvægi samkeppniseftirlits og virkrar samkeppni fyrir hagsæld íslensks launafólks og velferð á Íslandi. Veiking samkeppniseftirlits vinni gegn því markmiði kjarasamninga að stuðla að auknum kaupmætti launa í landinu.

Hagfræðingarnir þrír, höfundar greinarinnar f.v. Róbert Farestveit ASÍ, Sigríður Ingibjörg Ingadóttir BSRB og Vilhjálmur Hilmarsson BHM

„Veiking samkeppniseftirlits þjónar helst hagsmunum þeirra fyrirtækja sem eru í stöðu til að nýta sér fákeppni til að skara eld að eigin köku. Þótt Samkeppniseftirlitið á Íslandi sé ekki hafið yfir gagnrýni, þá liggur lausnin ekki í því að veikja það eins og sumir atvinnurekendur vilja, heldur að styrkja það og efla það til að standa vörð um samfélagslega hagsmuni,“ segir enn fremur í grein.

Hér má lesa grein hagfræðinganna Vilhjálms Hilmarssonar BHM, Róbert Farestveit ASÍ og Sigríðar Ingibjargar Ingadóttur BSRB Samkeppni skiptir sköpum fyrir lífskjör á Íslandi.

Hér má lesa skoðun Þorbjargar Aðför ríkisstjórnarinnar að samkeppni

Borgartúni 27, 105 Reykjavík
Kt. 630387-2569

595 5100
Opnunartími BHM

Opnunartími þjónustuvers:
mán. til fim. 9:00 - 15:00,
fös. 9:00 - 13:00

Opnunartími skrifstofu:
mán. til fim. 9:00 - 16:00,
fös. 9:00 - 13:00

Hagnýtt