Í kjarasamningum sem aðildarfélög BHM skrifuðu undir veturinn 2019-2020 var samið um ákvæði um breytingu á vikulegum vinnutíma, sem þá hafði verið óbreyttur í 40 stundum frá árinu 1971. Stytting vinnuvikunnar er í fylgiskjölum kjarasamninga. 

Meðal helstu markmiða styttingarinnar eru bætt vinnustaðamenning og betri nýting á vinnutíma. Með styttingu vinnuvikunnar verður vinnustaðurinn skilvirkari og um leið fjölskylduvænni. Þannig getur stytting vinnuvikunnar stuðlað að auknu jafnrétti á vinnumarkaði og á heimilum fólks. 

Útfærsla á styttingu vinnuvikunnar er mismunandi eftir mörkuðum og því hvort fólk starfar í dagvinnu eða vaktavinnu. 

Samkomulög um útfærslu vinnutíma vegna aðildarfélaga BHM eru aðgengileg á betrivinnutími.is

Rannsóknir benda til þess að styttri vinnuvika geti leitt til aukinna afkasta í starfi, meiri hamingju og betri heilsu vinnandi fólks. Þinn tími er dýrmætur. 

Upplýsingar og fróðleikur um betri vinnutíma 

Spurningar um sjúkra&shy;dag&shy;peninga

Spurt og svarað um sjúkradagpeninga Sjúkrasjóðs

Spurt og svarað um sjúkradagpeninga Styrktarsjóðs

Reykjavíkurborg og önnur sveitarfélög

Fyrirtæki og stofnanir á almennum vinnumarkaði

Hvíldartímareglur, dagleg og vikuleg hvíld

Opinber hlutafélög og sjálfseignarstofnanir

Margir stjórnendur og sérfræðingar á almennum markaði hafa alla jafna töluvert svigrúm til að skipuleggja vinnutíma sinn og eru fyrst og fremst ráðnir til að sinna tilteknum verkefnum og fá fyrir það föst mánaðarlaun. Yfirvinna er oft innifalin í mánaðarlaunum og/eða vinnutími sveigjanlegur. Þegar þetta á við er rétt að vinnuveitendur og starfsfólk eigi samtal um bætta nýtingu vinnutíma gegn styttri viðveru svo koma megi betur á jafnvægi milli vinnu- og einkalífs.

Útfærslan á styttingu vinnuvikunnar hjá hinu opinbera er mismunandi eftir því hvort fólk starfar í dagvinnu eða vaktavinnu. Forsenda styttingar hjá dagvinnufólki er samtal um betri vinnutíma á hverri stofnun fyrir sig. Útfærslan tekur mið af starfsemi stofnunar og getur því verið með ólíkum hætti milli stofnana.