Persónuvernd á bhm.is

Öll meðferð og vinnsla persónuupplýsinga hjá BHM er í samræmi við Persónuverndarstefnu BHM  sem byggir á lögum um persónuvernd og vinnslu persónuupplýsinga.

Meðferð og vinnsla persónuupplýsinga á bhm.is

Vefurinn bhm.is safnar ekki sjálfkrafa neinum persónugreinanlegum gögnum um notkun og notendur. Umferð um vefsvæðið er mæld með Google Analytics, sem nýtir vefkökur (coockies), en þær upplýsingar sem við höfum aðgang að eru ekki persónugreinanlegar. Notkun Google Analytics fylgja þrjár vefkökur sem lifa mislengi: _ga_gid og _gat.

Eplica vefumsjónarkerfið setur tvær vefkökur (JSESSIONID og eplicaWebVistitor) sem eru nauðsynlegar fyrir virkni kerfisins en safna engum persónuupplýsingum.

Þegar notandi sendir okkur erindi í gegnum vefform eða netspjall er beðið um upplýsingar sem nauðsynlegar eru til að við getum brugðist við erindinu. Eftir að erindi hefur borist er unnið með upplýsingarnar í samræmi við Persónuverndarstefnu BHM og þess gætt að einungis sá eða þeir starfsmenn sem koma að því að svara erindinu hafi aðgang að upplýsingunum.

Milliliður í móttöku erinda (vefform og netspjall) er vefkerfi þjónustuaðila BHM (Hugsmiðjan) sem hýst er í skýjalausn innan Evrópu. Innsendum gögnum er sjálfkrafa eytt úr vefkerfinu innan 180 daga og þar fer ekki fram nein frekari söfnun eða úrvinnsla gagna.

Þegar notandi skráir þátttöku á viðburði er beðið um upplýsingar sem nauðsynlegar eru til að geta skipulagt viðburðinn og komið skilaboðum til þátttakenda. þ. á m. upplýsingar um stéttarfélagsaðild. Eftir að skráning hefur farið fram er unnið með upplýsingarnar í samræmi við Persónuverndarstefnu BHM  og þess gætt að einungis sá eða þeir starfsmenn sem tengjast skipulagningu eða framkvæmd viðburðarins hafi aðgang að upplýsingunum. Ef gert er ráð fyrir greiðslu þátttökugjalds nýtir BHM þjónustu fyrirtækisins Valitors. Engar upplýsingar um greiðslur eða greiðslukort eru vistaðar í vefkerfum BHM.

Meðferð og vinnsla persónuupplýsinga á Mínum síðum

Meðferð og vinnsla persónugreinanlegra upplýsinga á Mínum síðum  er í samræmi við Persónuverndarstefnu BHM . Nánari upplýsingarum meðferð og vinnslu persónuupplýsinga á Mínum síðum verða birtar þar áður en langt um líður.