Orlofssjóður
Orlofssjóður BHM hefur það markmið að auðvelda félögum að njóta orlofstöku sem best, enda er mikilvægt að hvíla sig og hlaða batteríin. Sjóðurinn leigir félögum sínum íbúðir og orlofshús um land allt.
Fylgstu með
Öllum mikilvægum upplýsingum um sjóðinn er miðlað á póstlista Orlofssjóðs BHM sem og Facebook-síðu Orlofssjóðs. Á Facebook síðu sjóðsins er einnig oft auglýst það sem losnar með stuttum fyrirvara.
Fyrir frekari upplýsingar er hægt að senda tölvupóst á sjodir@bhm.is.
Orlofsvefur BHM
Á orlofsvef BHM er hægt að bóka lausa sumarbústaði, kaupa gjafabréf í flug, útilegu- og veiðikort sem og nálgast afslætti hjá ýmsum fyrirtækjum. Einnig er hægt að kaupa Ferðaávísun sem hægt er að nota í gistingu hjá samstarfsaðilum um land allt og/eða gönguferðir hjá ferðafyrirtækjum.
Orlofshús og íbúðir
Orlofssjóðurinn á sumarbústaði og íbúðir víða um land. Hægt er að leigja þau á orlofsvefnum og skoða þá nánar.
Gjafabréf í flug og fleira
Félagar geta keypt gjafabréf á góðum kjörum. Gjafabréfin er hægt að nota upp í flugferðir innanlands og utan með Icelandair, Niceair og Erni.
Félagar geta þar að auki keypt útilegukortið og veiðikortið á góðum kjörum.
Ferðaávísun nýtist í gistingu og gönguferðir
Hægt er að kaupa Ferðaávísun á orlofsvef BHM (hægra megin). Ferðaávísunin er mjög nytsamleg, hægt er að nota hana til kaupa gistingu hjá samstarfsaðilum vítt og breitt um landið auk gönguferða.
Afslættir af vörum og þjónustu
Félagar í Orlofssjóði BHM fá margs konar afslátt af vörum og þjónustu hjá um hundrað fyrirtækjum um allt land. Afslátturinn nær til dæmis til veitingastaða, afþreyingar, gjafavöru, fatnaðar og reksturs bifreiða.