Viðburður / Námskeið

Þegar karlar stranda; og leiðin í land

Fyrirlestur Sirrýjar Arnardóttur

12.nóvember 2020

  • Staðsetning: Streymi
  • Tími: kl. 15:00 - 16:30
  • Skráningartímabil: 3.nóvember - 12.nóvember 2020

Sirrý Arnardóttir gaf nýverið út bókina Þegar karlar stranda og leiðin í land. Þetta er viðtalsbók við karla um kulnun, örmögnun, streitu og alvarleg áföll en líka um vanvirkni ungra manna og ráð sérfræðinga. Í fyrirlestrinum fer Sirrý yfir helstu atriði bókarinnar og í lokin er boðið upp á umræður á Teams. 

Fyrirlesturinn verður aðgengilegur í tvær vikur í kjölfarið á lokaðri fræðslusíðu fyrir félagsmenn, smellið hér til að komast á hana.

Kulnun, örmögnun, streita og alvarleg áföll hafa á undanförnum árum gert það að verkum að æ fleiri lenda í ógöngum og hrekjast jafnvel af vinnumarkaði. Og þetta á bæði við um karla og konur.
Karlar tala síður en konur um það hvernig þeim líður. Þeir velja margir hverjir að bíta á jaxlinn og bera harm sinn í hljóði. Sirrý Arnardóttir hefur tekið viðtöl við karlmenn á ólíkum aldri, úr ólíkum áttum og með mismunandi stöðu í samfélaginu og veita þau einstaka innsýn í líf þeirra og líðan. Hún ræddi einnig við sérfræðinga um málið út frá fræðunum og í sögulegu samhengi. 

Í kjölfarið verður boðið upp á umræður á Teams. Nauðsynlegt er að skrá sig til þess að geta tekið þátt í Teams umræðunum. Meðal umræðuefna verða: 

  • Reynsla þessara ólíku karla sem í einlægni segja frá.
  • Hvernig tökum við umræðuna um líðan karla á næsta þrep?
  • Hvaða bjargráð hafa karlar sem eru að sigla í strand í lífi og starfi?

Smellið hér til að fara á viðburðinn á streymissíðu BHM.